DANIL 5:7 - Tanou Moonsoi Timugon

⁷ Golok raja' nampiau ra ulun mapandai kaga' ra sihir, ulun makakapandayan, am ulun mapandai kaga' ra nujum. Paat ra ilo muma', indagu raja' risilo, “Osoi ayuk makabasa' ra tulisan no am niayuk mambala' ra arati' no aniin ra bayang ru raja', iono sukub matanggilung am sisigot mas tatandu' maayo. Ulun no pasaukon ra panguasa' katalu ralalom ru pamarintaan ti.”

DANIL 5:7 ပူးပေါင်းရင်းမြစ်များ

KASAUKAN 41:8

Suabon raginio magalabo guang ru raja' no. Ginio ra piawo' no ngaangai' ulun mapandai kaga' ra sihir am makakapandayan mangilong ru pagun ru Misir no. Tunungo' no risilo inupi nano, kaa' kolondo' sangulun pana risilo makapambala' ra arati' ru inupi ru raja' no.

ESTER 3:1

Kopongo kukula' buoi, nampalantik Raja' Agaswiros ra sangulun ondo' ininggalanan ri Gaman nasauk ra menteri masawat kaga'. I Gaman iono anak ri Gamidata intor ra papag ri Agag.

KAINGKUALAN 7:11

Kopongo raginio pampiau raja' no ra ulun makakapandayan am ulun mapandai kaga' ra sihir, am ra kapandayan ra sihir, nambaal ilo ra baal nogondo'.

AMSAL 1:9

sabap ra pangilaan nilono mamparuang ra kaansayan muno koson ra sapak ru ulu am sisigot koson mamparuang ra kinantalur muno.

RIMBAI PANGAMPARAN 1:10

Pingas muno nautil-util ra binadakan, liog muno murarak ayuk ondo' ginalungan ra sisigot parmata.

JISAYA 47:13

Kalo boo manguasa' kou kabalu' pana masuang pinson naapu muno. Polosoon noyo ulun mapandai mangilong mamayag rirun; migigila' ilo ra butitin-butitin, mangurio ra linsuk-linsuk ru limbowon ra moonong bulan, manala' ra atan kasaukan muno ra tauli no.

JIRIMIA 50:35

Indagu Tuhan, “Mapuso noyo Babilonia! Mapuso noyo mamagun nano, tingganai-tingganai nano am ulun-ulun nano ondo' mangapintar.

YEHEZKIEL 16:11

Pinonggolong am sinisigot Tokou.

DANIL 1:20

Moonong raja' mangkuot ra ondo' pataamon no maawar am karaan toojo, makapandai raja' ra pataamon am guangon ru kaapat ngaulun ungkuyon mamulok no inggopor moonsoi poyo intor ra pataamon am guangon ru ngaangai' ulun mangilong am ulun mapandai kaga' ra sihir giu' ra titikop ru pamarintaan nano.

DANIL 1:4

Ilo musiti' maindon, masawat inigilaan, maligag am masuang napandayan am niayuk kalo najamaran, maa' raginio makapangandoi ilo ra istana ru raja'. Sinusub i Aspinas maa' raginio mangila' risilo mambasa' am manulis ra ragu ru Babilonia.

DANIL 2:2

Ginio ra nampiau raja' ra ngaangai' mangilong, ulun mapandai kaga' ra sihir, babalian, am ulun makakapandayan koson mambala' ra arati' ru inupi nano. Bulintok ra ngaangai' ulun no muma',

DANIL 2:27

Taam i Danil, “Kolondo' ulun makakapandayan, ulun mapandai kaga' ra sihir, ulun mangilong am ulun mapandai kaga' ra nujum ondo' makapambaal raginio.

DANIL 2:48

Kopongo raginio nangani' raja' ri Danil ra intok ondo' masawat, nangani' riso ra tangguang-tangguang ra pinaluntuk, nampasauk riso ra panguasa' ru wilayah Babil am tingganai ru ulun maminson ra raja'.

DANIL 2:6

Kaa' amon ru maalap min mambala' ra inupi kuno am arati' no, mangani' aku ra tangguang ondo' moonsoi kaga' am pangurumatan ondo' maayo ramuyun. Raino pabalaa' inupi kuno am arati' no.”

DANIL 4:14

Indagu io ra bolos matangil, ‘Tagaro' puun tataun no, am putulo' raan-raan no. Tutuo' raun no am patiaso' kawa' no. Pagiruo' bibiag ra saau no am susuit ondo' nanabunsut ra raan no.

DANIL 5:11

Mokoondo' sangulun ralalom ru pamarintaan muti ondo' nokoowot ra kuasa' intor ra ambiluo ru dewa-dewa ondo' mapasau. Paat ra pamarintaan ru ama' muno, ulun no nampainono' ra kaligagan, kapandayan am kapintaran koson ra kapintaran ru dewa-dewa. Ama' muno, Raja' Nibukadnijar, nampasauk riso ra tingganai ru ngaangai' ulun mangilong, ulun mapandai kaga' ra sihir, ulun makakapandayan am ulun mapandai kaga' ra nujum.

DANIL 5:15

Ulun maminson ra raja' am ulun mapandai kaga' ra sihir sinusub noyo mambasa' am mambala' ra arati' ru tulisan no kaa' kalo maalap nilo.

DANIL 5:16

Nokorongog aku ra okou makapambala' ra arati' ru ondo' noopot-noopot ondo' malandom am nakasibuni. Amon ru maalap mu kabasa' am pakabala' arati' ru tulisan no, aniin kou ra bayang ru raja', iono sukub matanggilung am sisigot mas tatandu' maayo, am pasaukon kou ra panguasa' katalu ralalom ru pamarintaan ti.”

DANIL 5:29

Paat raginio niayuk Raja' Bilsyajar nanusub ra ulipon-ulipon nano nampabayang ra bayang ru raja', iono sukub matanggilung ri Danil, am sisigot mas tatandu' maayo pinasisigot ra liog nano. Pinasauk io ru raja' ra panguasa' katalu ralalom ru pamarintaan no.

UNTABAN 22:17

Mambayar aku ra masuang kaga' am mangani' ra atan ayuk kitaakon muno. Ratong no am pagulas no ra ulun no ra tayar kuno.”

UNTABAN 22:7

Tingganai ru ulun ru Moab am ulun ru Midian pana nagibit ra bayaran ri Biliam maa' raginio makapagulas io ra ulun ru Israil. Pakaratong ilo ri Biliam, posoboyo' nilo bilin ru Raja' Balak no riso.

UNTABAN 24:11

Raino uli' noyo! Kabalu' pana nambantu' aku mambayar rirun, kaa' Tuhan kalo mangiou rirun mangapu ra bayaran muno.”

1 SAMUIL 17:25

Konilo ra rondo' am bokon, “Ilai' ga boo io! Rongogo' anggal nano! Nambantu' noyo Raja' Saul ra ulun ondo' makapamatoi ri Goliat aniin ra taak ondo' maayo. Paanduin niayuk ru Raja' no anak ruandu' nano ra ulun raginio, am sasambaloi ru ulun raginio kalo boo pana mambayar ra cukai.”