DANIL 5:29 - Tanou Moonsoi Timugon

²⁹ Paat raginio niayuk Raja' Bilsyajar nanusub ra ulipon-ulipon nano nampabayang ra bayang ru raja', iono sukub matanggilung ri Danil, am sisigot mas tatandu' maayo pinasisigot ra liog nano. Pinasauk io ru raja' ra panguasa' katalu ralalom ru pamarintaan no.

DANIL 5:29 ပူးပေါင်းရင်းမြစ်များ

KASAUKAN 41:42

Paguso' ru raja' sinsing intor ra bubua' ru kalindu' nano, ondo' tinatanduan ra kuasa' ru raja' ru Misir, am pasinsingo' ra bubua' ru kalindu' ri Jusup. Pambayango' no i Jusup ra sukub binaal intor ra linon am pansisigoto' no ra sisigot mas.

ESTER 10:3

I Mordikai, ulun ru Jaudi narayus nampaguut ra kandoi masawat kaga' ragana' ru Raja' Agaswiros galama'. I Mordikai urumaton am kasagain ru ulun rondo' bansa' riso. Piniratan no toojo koson kaatangan am kaansayan ru bansa' nano am niayuk ngaangai' papag nilo.

AMSAL 1:9

sabap ra pangilaan nilono mamparuang ra kaansayan muno koson ra sapak ru ulu am sisigot koson mamparuang ra kinantalur muno.

DANIL 2:48

Kopongo raginio nangani' raja' ri Danil ra intok ondo' masawat, nangani' riso ra tangguang-tangguang ra pinaluntuk, nampasauk riso ra panguasa' ru wilayah Babil am tingganai ru ulun maminson ra raja'.

DANIL 5:16

Nokorongog aku ra okou makapambala' ra arati' ru ondo' noopot-noopot ondo' malandom am nakasibuni. Amon ru maalap mu kabasa' am pakabala' arati' ru tulisan no, aniin kou ra bayang ru raja', iono sukub matanggilung am sisigot mas tatandu' maayo, am pasaukon kou ra panguasa' katalu ralalom ru pamarintaan ti.”

DANIL 5:7

Golok raja' nampiau ra ulun mapandai kaga' ra sihir, ulun makakapandayan, am ulun mapandai kaga' ra nujum. Paat ra ilo muma', indagu raja' risilo, “Osoi ayuk makabasa' ra tulisan no am niayuk mambala' ra arati' no aniin ra bayang ru raja', iono sukub matanggilung am sisigot mas tatandu' maayo. Ulun no pasaukon ra panguasa' katalu ralalom ru pamarintaan ti.”

DANIL 6:2

Tinayar ru Raja' Darius pamarintaan no ra maatus am ruo ngoopor wilayah, ondo' moonong raginio pinarinta ru sangulun gabenor.