DANIL 5:28 - Tanou Moonsoi Timugon

²⁸ Tayaron arati' no pamarintaan muno matatayar am pataakin ra ulun ru Midia am Pirsia.”

DANIL 5:28 ပူးပေါင်းရင်းမြစ်များ

2 TUNUNG RU BANSA' ISRAIL 36:23

“Gitio noyo ragu ru Raja' Koris, raja' ru Pirsia. Tuhan, i Aki Kapuuno' panguasa' giu' ra suruga', nampasauk raki' ra raja' ru titikop ru tana' ti. Nangani' Io raki' ra kandoi koson mambaal rondo' baloi Riso giu' ra Jirusalim, giu' ra wilayah ru Jiuda. Ginio ra, akau ngaangai' ondo' nasauk ra ulun ri Aki Kapuuno' musiti' sumaguli' ra giu'. Gama' ru Tuhan, i Aki Kapuuno' min mabaya' ramuyun.”

JISAYA 13:17

Mindagu Tuhan, “Paimbuoron Ku ulun Madai maa' raginio mamulunsar ra Babil. Kalo lioon nilo pirok, am kalo mabunduk guang nilo ra mas.

JISAYA 21:2

Nakaapu aku ra pinaintalang intor ra kasaukan ondo' malaat kaga', intor ra kalaatan am pamusaan. Loyog kano alii ra saujor ru Ilam, pamulunsar no! Awangi' bandar-bandar no, alii ra saujor Madai! Pupusin ri Aki Kapuuno' kaimbalaan ondo' makinibitan ru Babil.

JISAYA 47:11

Kaa' malumpa' kou ru karaat, ilimu' ru sihir muno kalo mokopongompong. Patayan sangkuliop ayuk matong, patayan ondo' kalo maguang muno.

JIRIMIA 25:13

Ukumin Ku Babilonia ra ngaangai' karaat ondo' inatang Kuno koson palumpaan ra bansa'-bansa' paat ra Aku minindagu ondo' pinabala' galing ri Jirimia, iono ngaangai' karaat ondo' tinulisan ra ralalom ru kitab ti.

JIRIMIA 51:28

Potomposo' noyo bansa'-bansa' koson mangayou ra Babilonia. Piawo' noyo raja'-raja' ru Midia, tingganai-tingganai am pagawai ru saujor nilo, am niayuk saujor ru ngaangai' pagun ondo' kinuasa' nilo.

DANIL 2:32

Ulu nano binaal intor ra mas kopoyo; kubab am longon nano binaal intor ra pirok; awak am tabing nano intor ra tambaga';

DANIL 2:39

Mopongo pamarintaan muno mapupusan, sumalula' rondo' pamarintaan ondo' kalo maayo koson ra pamarintaan muno. Mopongo raginio sumalula' pamarintaan ra katalu, ondo' tatandu' no tambaga', ondo' mamarinta ra titikop ru tana'.

DANIL 6:28

Io mangindangan am mamayag; mambaal ra kaimuagan-kaimuagan, ra tana' ti am poyo giu' ra suruga'. Io namayag ri Danil intor ra sinaam ru singa'.”

DANIL 6:8

Akai ngaangai' ti mambaal ra kandoi tadbir ru pamarintaan muno – ulun-ulun magalung, gabenor, pagawai masawat, ulun magalung ra libung am pagawai ra bokon – nangiou noyo maa' raginio ingkualon mu rondo' susuban ondo' musiti' gagayaan toojo. Musiti' kou manusub maa' raginio buoi talu ngoopor ngoorou kolondo' sangulun pana makitaak ra atan ayuk intor ra dewa kapoam ulun ondo' ak am intor rirun galama'. Osoi ayuk manggal ra susuban no musiti' patirin ra ralalom ru luang batu ru singa'.

DANIL 8:20

Domba gawayan ondo' mokoondo' ruo sangau, ondo' nakito muno tatandu' ru pamarintaan Midia am Pirsia.

DANIL 9:1

Raja' Darius ulun ru Midia, anak ungkuyon ru Raja' Agaswiros, nasauk ra raja' ru pamarintaan Babilonia.

RINALATAN 2:9

Itakau ulun intor ra Partia, Midia am Ilam; am intor poyo ra Misopotamia, Judia am Kapadokia; am ondo' intor ra Pontus am pagun Asia,