DANIL 5:20 - Tanou Moonsoi Timugon

²⁰ Kaa' sabap ra nasauk io ra malilimbau, bambalingatan am malaat, pinatuun io intor ra kurisi' nanturungan am natatakan ra katulayan nano.

DANIL 5:20 ပူးပေါင်းရင်းမြစ်များ

2 RAJA'-RAJA' 17:14

Kaa' marara' ilo gumagaya'; mokotog ulu nilo koson ra kinamatuaan nilai ondo' kalo mangintopot ra Tuhan, i Aki Kapuuno' nilo.

2 TUNUNG RU BANSA' ISRAIL 32:25

Kaa' Raja' Gijkia kalo naringkuanang ra napalian ondo' tinaakan ru Tuhan riso sabap malimbau io kaga'. Ginio sabap ra Tuhan nangukum ra mamagun ru Jiuda am Jirusalim.

2 TUNUNG RU BANSA' ISRAIL 36:13

Raja' Jidikia giminuor ra Raja' Nibukadnijar, ondo' nampajajal riso nagibot ralalom inggalan ri Aki Kapuuno' ra gumagaya' io ra Raja' Nibukadnijar. Raja' Jidikia bambalingatan am marara' tumalikur intor ra tula am niayuk sumaguli' ra Tuhan, i Aki Kapuuno' ru Israil.

KAINGKUALAN 18:11

Nakapandai aku ra Tuhan maayo poyo intor ra ngaangai' tuhan, sabap ra nambaal Io ra ngaangai' no paat ra liminaat ulun ru Misir ra ulun ru Israil.”

KAINGKUALAN 9:17

Kaa' lakat kou poyo lumimbau am kalo mapaugar ra ulun Kuno.

KAINGKUALAN 9:7

Nangkuot raja' ra atan ondo' nasauk, am binalaan raja' ra bibiag tinambiag ru ulun ru Israil kolondo' sanginan pana minatoi. Kaa' lakat poyo bambalingatan am marara' raja' mapaugar ra ulun ru Israil.

AMSAL 16:18

Lumimbau mangkinibit ra kapusaan am karatuan.

AMSAL 16:5

Masisang Tuhan ra ulun malilimbau; kalo polosoon No ilo makalabus intor ra ukuman.

JISAYA 47:1

Mindagu Tuhan, “Okou Babil, tuun intor ra turungan muno, am panturung noyo ra rasawat ru kaau, Okou kalo boo mantalur am makabunduk ra guang koson ra galing i.

JIRIMIA 13:18

Indagu Tuhan raki', “Susubo' raja' am ina' nano tumuun intor ra panturungan nilo, sabap ra karaun nilo ra moonsoi naratu' noyo intor ra ulu.

JIRIMIA 19:15

ra Tuhan Ondo' Maayo Kaga' Kuasa', i Aki Kapuuno' ru Israil, minindagu koson ragitio, “Sabap no ra bambalingatan kau am marara' rumongog ra ragu Kuno, Aku pana mamparatong ra ngaangai' ukuman ondo' inatang Ku noyo ra bandar ti am ra ngaangai' pekan ra libung nano.”

JIRIMIA 48:18

Akau ondo' namagun giu' ra bandar Dibon, tuun no intor ra intok min ondo' naurumat, am turung no ra ralalom ru kaau ra tana'. Ulun mamuso ra Moab nakasaboi noyo, am nampalunsai ra ngaangai' kubu nano.

YEHEZKIEL 30:6

Indagu Tuhan, “Intor ra Migdol giu' ra tampilon ralayo saboi ra Aswan giu' ra tampilon rabugus, ngaangai' ulun manungka' ra Misir minatoi ralalom pangayawan. Saujor ru Misir ondo' malilimbau no mapuso. Aku, Tuhan Raja' nakaindagu noyo.

YEHEZKIEL 31:10

“Ginio ra Aku, Tuhan Raja' mambala' ramuyun atan ondo' masauk ra puun tataun ondo' untu nano nakasaboi ra gaun. Gumaai sawat nano, gumaai limbau ru puun tataun no.

DANIL 11:36

“Raja' ru Siria mambaal maya' ra kasagaan ru guang. Nabaya' ra kalimbawan, karaan ru raja' ra maayo io poyo intor ra dewa ru ati pana, am poyo makakuasa' poyo intor ri Aki Kapuuno' Ondo' Masawat Kaga'. Nambaal raja' no raginio saboi ra paat ri Aki Kapuuno' mangukum riso. Baalon ri Aki Kapuuno' totopot koson ra inatangan Nano.

DANIL 4:26

Susuban ondo' taakin maa' raginio tuor no patatangon giu' ra tana' makaarati' ra okou masauk ra raja' poyo malupus okou mangiou ri Aki Kapuuno' manguasa' ra titikop ru tana'.

DANIL 4:28

Ngaangai' baal raginio nasauk ra Raja' Nibukadnijar.

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

DANIL 8:8

Kambing gawayan no giminaai limbau, kaa' pakasaboi kambing gawayan no ra rasawat toojo ru kakuasaan nano, sangau nano napandak. Koson ra palit nano, salula' poyo apat sangau ondo' nakaujak am manulu' ra intok ondo' nansasala'.

LUKAS 18:14

“Balain takamin: Intor ra ruo ngaulun i, sala' ka ulun-ulun ru Parisi i, kaa' ulun mampalulur ra cukai i ondo' motopot ra pagilangan ri Aki Kapuuno'. Moonong ulun minsawat guang, paingganaan, am moonong ulun minggana' guang, painsawaton.”

IBRANI 3:13

Kaa' pangindangan kano ra rondo' am bokon ra moonong orou, buoi ondo' sabiton ra ‘Orou Raiti' ’ ralalom ru Buuk Kitab, lakat poyo soroi maa' raginio kolondo' sangulun pana mingkotog guang sabap ra maruung io ru tula.

1 SAMUIL 6:6

Atan onong no ra akau bambalingatan koson ra raja' ru Misir am mamagun nano ragili? Pai' min liliani' pinamakuan ri Aki Kapuuno' ra nangnganja' risilo, saboi nasuraan ilo am nopoloso ra ulun ru Israil nangiruan ra Misir.