DANIL 5:11 - Tanou Moonsoi Timugon

¹¹ Mokoondo' sangulun ralalom ru pamarintaan muti ondo' nokoowot ra kuasa' intor ra ambiluo ru dewa-dewa ondo' mapasau. Paat ra pamarintaan ru ama' muno, ulun no nampainono' ra kaligagan, kapandayan am kapintaran koson ra kapintaran ru dewa-dewa. Ama' muno, Raja' Nibukadnijar, nampasauk riso ra tingganai ru ngaangai' ulun mangilong, ulun mapandai kaga' ra sihir, ulun makakapandayan am ulun mapandai kaga' ra nujum.

DANIL 5:11 ပူးပေါင်းရင်းမြစ်များ

KASAUKAN 41:38

Indagu boo raja' no risilo, “Kalo lair makauyum takau ra ulun ra bokon ondo' moonsoi poyo intor ri Jusup ti, sabap ra io ti inalungan ru Ambiluo ri Aki Kapuuno'.”

2 SAMUIL 14:17

Mangintopot aku ra bantu' muno jamin ru pamayagan kuno sabap ra okou koson ra malaikat ri Aki Kapuuno', ondo' makapandai ra atan ondo' moonsoi am atan ondo' malaat. Gama' ru Tuhan, i Aki Kapuuno' muno mabaya' rirun!”.

YEHEZKIEL 28:3

Indoson mu ra mapintar kou poyo intor ri Danil, saboi mapandayan mu ngaangai' ondo' inopot.

YEHEZKIEL 28:4

Kapintaran am kapandayan muno mampalangkaya' rirun ra mas am pirok.

DANIL 1:4

Ilo musiti' maindon, masawat inigilaan, maligag am masuang napandayan am niayuk kalo najamaran, maa' raginio makapangandoi ilo ra istana ru raja'. Sinusub i Aspinas maa' raginio mangila' risilo mambasa' am manulis ra ragu ru Babilonia.

DANIL 2:11

Kitaakon muno mapagon kaga' saboi kolondo' sangulun pana makapangiou raginio, ondo' ak am dewa-dewa; am dewa-dewa no poyo kalo minayan ra gino ngai' ru ulun.”

DANIL 2:22

Io mampatutun ra ondo' nakasibuni ondo' malandom kaga'; Nakapandai Io ra baal ondo' nakasibuni ralalom kalandaman, linibungan Io ru sinda.

DANIL 4:18

“Ginio noyo inupi kuno. Okou Biltsajar, pambala' ra arati' nano raino. Kolondo' sangulun pana ra ulun maminson kuno makapambala' ra arati' no, kaa' okou makapambala' sabap ra nokoowot kou ra kuasa' intor ra ambiluo ru dewa-dewa ondo' mapasau.”

DANIL 4:5

Kaa' paat ra sangarawan ra aku tatanga' nombolong, naginupi aku am nakaalap ra pinaintalang ondo' makalalaa'.

DANIL 4:6

Nanusub aku ra ngaangai' ulun maminson giu' ra Babil maa' raginio matong muma' am mambala' ra arati' ru inupi kuno.

DANIL 5:14

Nokorongog aku ra nokoowot kou ra kuasa' intor ra ambiluo ru dewa-dewa ondo' mapasau, am mokoondo' kou ra kapandayan, mapandai am niayuk mapintar.

DANIL 5:7

Golok raja' nampiau ra ulun mapandai kaga' ra sihir, ulun makakapandayan, am ulun mapandai kaga' ra nujum. Paat ra ilo muma', indagu raja' risilo, “Osoi ayuk makabasa' ra tulisan no am niayuk mambala' ra arati' no aniin ra bayang ru raja', iono sukub matanggilung am sisigot mas tatandu' maayo. Ulun no pasaukon ra panguasa' katalu ralalom ru pamarintaan ti.”

RINALATAN 12:22

Ulun masuang ondo' nangkirongog giminolok, konilo, “Gitio bolos ru dewa am sala' ka bolos ru ulun!”

RINALATAN 14:11

Paat ra ulun masuang no nakakito ondo' sinauk ri Paulus ti, golok ilo ralalom ragu ru Likaonia, konilo, “Minatong noyo dewa-dewa ra tana' ti koson nasauk ra ulun!”

RINALATAN 16:16

Igondo' ragili, paat ra akai minongoi ra intok pakiasian, pakatuum akai sangulun ulipon ruandu'. Mokoondo' io ra ambiluo ondo' mapandai magilong ra nasip ru sasangulun. Kandoi no raginio niayuk panginduitan maayo ra nangandayan nali.

PINAINTALANG 3:9

Karaan min gitio! Maamaya' ru Tingganai ru riwato am migiangku ra ulun ru Jaudi, ondo' sotopot no sala' ka Jaudi, saukon Ku ilo ti matong ramuyun am sumamba ra saang mino. Bagu no makapandai ilo ra motogom Aku ramuyun.