DANIL 4:9 - Tanou Moonsoi Timugon

⁹ Okou Biltsajar, tingganai ru ulun ondo' mapandai, nakapandai aku ra ambiluo ru dewa-dewa ondo' mapasau soroi rirun, am makarati' kou ra ngaangai' ondo' nakasibuni ondo' malandom. Gitio noyo inupi kuno. Pambala' ra arati' nano.

DANIL 4:9 ပူးပေါင်းရင်းမြစ်များ

KASAUKAN 41:38

Indagu boo raja' no risilo, “Kalo lair makauyum takau ra ulun ra bokon ondo' moonsoi poyo intor ri Jusup ti, sabap ra io ti inalungan ru Ambiluo ri Aki Kapuuno'.”

JISAYA 33:18

Galing i malaa' kau ra ulun mampalulur ra cukai ru bansa' suai am ulun mansinok; ragino ngaangai' no karaan ayuk.

JISAYA 54:14

Pinotolorog kou intor ra katimpakan, pinainggalur intor ra kajamaran am pangimpayan.

YEHEZKIEL 17:23

gunung ondo' masawat kaga' ra Israil. Umbus no manampango am mangkawa', masauk boo ra puun tataun sidar ondo' moonsoi kaga'. Mansalinut susuit manabunsut ra giu' no, am sumindung ra saau nano.

YEHEZKIEL 28:3

Indoson mu ra mapintar kou poyo intor ri Danil, saboi mapandayan mu ngaangai' ondo' inopot.

DANIL 1:20

Moonong raja' mangkuot ra ondo' pataamon no maawar am karaan toojo, makapandai raja' ra pataamon am guangon ru kaapat ngaulun ungkuyon mamulok no inggopor moonsoi poyo intor ra pataamon am guangon ru ngaangai' ulun mangilong am ulun mapandai kaga' ra sihir giu' ra titikop ru pamarintaan nano.

DANIL 2:47

Kon ru raja', “Sotopot no i Aki Kapuuno' muno matulai ra gino ngai' ru dewa; Io no Tuhan ru ngaangai' raja', am nanulu' Io ra ngaangai' ondo' nakasibuni. Nakapandai aku ra baal raginio sabap ra makapambala' kou ra sinail ondo' nakasibuni no.”

DANIL 2:48

Kopongo raginio nangani' raja' ri Danil ra intok ondo' masawat, nangani' riso ra tangguang-tangguang ra pinaluntuk, nampasauk riso ra panguasa' ru wilayah Babil am tingganai ru ulun maminson ra raja'.

DANIL 4:18

“Ginio noyo inupi kuno. Okou Biltsajar, pambala' ra arati' nano raino. Kolondo' sangulun pana ra ulun maminson kuno makapambala' ra arati' no, kaa' okou makapambala' sabap ra nokoowot kou ra kuasa' intor ra ambiluo ru dewa-dewa ondo' mapasau.”

DANIL 4:5

Kaa' paat ra sangarawan ra aku tatanga' nombolong, naginupi aku am nakaalap ra pinaintalang ondo' makalalaa'.

DANIL 4:8

Kopongo raginio minatong i Danil uma' raki'. Io niayuk ininggalanan ri Biltsajar, sumugut ra inggalan ru dewa kuno. Nokoowot i Danil ra kuasa' intor ra ambiluo ru dewa-dewa ondo' mapasau, aku pana nantunung ra inupi kuno riso. Indagu aku:

DANIL 5:11

Mokoondo' sangulun ralalom ru pamarintaan muti ondo' nokoowot ra kuasa' intor ra ambiluo ru dewa-dewa ondo' mapasau. Paat ra pamarintaan ru ama' muno, ulun no nampainono' ra kaligagan, kapandayan am kapintaran koson ra kapintaran ru dewa-dewa. Ama' muno, Raja' Nibukadnijar, nampasauk riso ra tingganai ru ngaangai' ulun mangilong, ulun mapandai kaga' ra sihir, ulun makakapandayan am ulun mapandai kaga' ra nujum.

1 SAMUIL 4:8

Osoi kinua' makapamayag ritakau intor ra dewa-dewa ondo' maikang no? Dewa-dewa raginio noyo ondo' nakapamuso ra ulun ru Misir giu' ra tana' kaagisan ragili.