DANIL 4:7 - Tanou Moonsoi Timugon

⁷ Ngaangai' ulun mangilong, ulun mapandai kaga' ra sihir, ulun makakapandayan am ulun mapandai kaga' ra nujum ibiton muma'. Nantunung aku ra inupi kuno, kaa' kalo makapambala' ilo ra arati' nano.

DANIL 4:7 ပူးပေါင်းရင်းမြစ်များ

KASAUKAN 41:24

Tinolon ru tulu' ngaumi gandum ra nangumpis no tulu' ngaumi gandum ra makaumas no. Tinunung ku inupi kuno ra ulun-ulun mapandai kaga' ra sihir no, kaa' kolondo' sangulun pana risilo makapambala' ra arati' no raki'.”

KASAUKAN 41:8

Suabon raginio magalabo guang ru raja' no. Ginio ra piawo' no ngaangai' ulun mapandai kaga' ra sihir am makakapandayan mangilong ru pagun ru Misir no. Tunungo' no risilo inupi nano, kaa' kolondo' sangulun pana risilo makapambala' ra arati' ru inupi ru raja' no.

MAZMUR 37:35

Nakakito aku ra ulun malaat ondo' masaga' mangimbolo' ra ulun bokon; ilo no masawat koson ra sawat ru puun sidar giu' ra Libanon;

JISAYA 44:25

Kinuli-kuli Ku ulun mangingilong, kinuli-kuli Ku nanalaan ru sangulun nujum. Kalo iowon ku guangon ru ulun mapintar, am mapabala' ra kapintaran nilono sasambungon.

YEHEZKIEL 31:3

Okou koson ra puun tataun sidar giu' ra Libanon, nososok ra pango ondo' masuang am moonsoi, puun tataun ondo' masawat saboi untu nano makasaboi ra gaun.

DANIL 1:4

Ilo musiti' maindon, masawat inigilaan, maligag am masuang napandayan am niayuk kalo najamaran, maa' raginio makapangandoi ilo ra istana ru raja'. Sinusub i Aspinas maa' raginio mangila' risilo mambasa' am manulis ra ragu ru Babilonia.

DANIL 2:10

Kon ru ulun-ulun maminson ra raja', “Kolondo' sangulun pana ra titikop ru tana' ti makapambala' rirun atan ondo' kasagaan muno. Iou pana ra raja' ondo' matulai am maikang kalo igondo' mangitaak ra ulun mangilong, ulun mapandai kaga' ra sihir am ulun makakapandayan mambaal koson raginio.

DANIL 2:27

Taam i Danil, “Kolondo' ulun makakapandayan, ulun mapandai kaga' ra sihir, ulun mangilong am ulun mapandai kaga' ra nujum ondo' makapambaal raginio.

DANIL 2:7

Taam ilo poyo, “Amon ru tunungon mu inupi no ramon, makapambala' akai boo ra arati' no.”

DANIL 3:8

Bulintok raginio noyo kukula' ngaulun Babilonia nangalap ra kaluagan koson maguyum ra kasalaan ru ulun ru Jaudi.

DANIL 4:18

“Ginio noyo inupi kuno. Okou Biltsajar, pambala' ra arati' nano raino. Kolondo' sangulun pana ra ulun maminson kuno makapambala' ra arati' no, kaa' okou makapambala' sabap ra nokoowot kou ra kuasa' intor ra ambiluo ru dewa-dewa ondo' mapasau.”

DANIL 5:7

Golok raja' nampiau ra ulun mapandai kaga' ra sihir, ulun makakapandayan, am ulun mapandai kaga' ra nujum. Paat ra ilo muma', indagu raja' risilo, “Osoi ayuk makabasa' ra tulisan no am niayuk mambala' ra arati' no aniin ra bayang ru raja', iono sukub matanggilung am sisigot mas tatandu' maayo. Ulun no pasaukon ra panguasa' katalu ralalom ru pamarintaan ti.”

DANIL 5:8

Ulun maminson ra raja' jiminalai, kaa' kolondo' sangulun pana makabasa' ra tulisan no kapoam mambala' ra arati' nano.