DANIL 4:34 - Tanou Moonsoi Timugon

³⁴ Indagu raja', “Pakasail tulu' ngambilor no magilong aku ra limbowon. Pulali' ru pangkaraan kuno nakaliman saguli'. Nongompor aku ri Aki Kapuuno' Ondo' Masawat Kaga' liliwa' mangurumat am mampatulai Riso ondo' naayag ra sabuoi-buoi no. “Mamarinta i Aki Kapuuno' ra sabuoi-buoi no, pamarintaan Nano kolondo' pupus.

DANIL 4:34 ပူးပေါင်းရင်းမြစ်များ

2 SAMUIL 22:31

Mapara' kinaindon ru binaal ri Aki Kapuuno' ti, ragu ru Tuhan maintopot. Io koson ra perisai ra tayar ru ngaangai' ulun ondo' sumindung Riso.

1 TUNUNG RU BANSA' ISRAIL 29:10

Giu' ra saang ru ngaangai' ulun ondo' natimung ra giu' no, nongompor Raja' Daut ra Tuhan. Nakiasi' io, “Iou Tuhan i Aki Kapuuno' ri Jakub, kinamatuaan mai, koompor Kono ra sabubuoi no!

1 TUNUNG RU BANSA' ISRAIL 29:13

Raino, iou Aki Kapuuno' mai, maringkuanang akai Rirun am mongompor akai ra inggalan Muno ondo' maayo.

AYUP 1:21

Indagu io, “Inanak aku ra kolondo' atan pana, am matoi aku ra kolondo' atan pana niayuk. Tuhan ondo' mangani' am raino Tuhan poyo ondo' mangalap saguli'. Koompor noyo inggalan Nano!”

MAZMUR 10:16

Tuhan raja' ra mantilayun, am ulun ondo' kalo makaulig Riso mapuso io intor ra pagun Nano.

MAZMUR 102:24

Kinalawo aku ru Tuhan bulintok ra aku lakat poyo mamulok; kariwaan No umur kuno.

MAZMUR 107:15

Musiti' no maringkuanang ilo ra Tuhan sabap ra togom Nano ra mantilayun, am niayuk binaal Nano ra makaimuag koson risilo.

MAZMUR 107:22

Musiti' no maringkuanang ilo Riso am mapataak ilo ra taak simbalui, am mapatanou ra binaal Nano ralalom ru rimbai-rimbai maansukan.

MAZMUR 107:31

Musiti' no maringkuanang ilo ra Tuhan sabap ra togom Nano ra mantilayun, am niayuk binaal Nano ra makaimuag koson risilo.

MAZMUR 107:8

Musiti' no maringkuanang ilo ra Tuhan sabap ra togom Nano ra mantilayun, am niayuk binaal Nano ra makaimuag koson risilo.

MAZMUR 111:7

Tuhan matimpok am mampagagaya' ra atan ondo' baalon Nano; nansalinut panusuban Nano maintopot.

MAZMUR 121:1

Rimbai ru ratangan. Tumingkuang aku tampilon ra gunung; ati kia intor ru pangindangan raki'?

MAZMUR 123:1

Rimbai ru ratangan. Mampulolou aku ra suruga', intokon Muno mamarinta; makiasi' aku Rirun, iou Tuhan.

MAZMUR 145:13

Pamarintaan Muno mantilayun, am Okou noyo raja' ra sabuoi-buoi no. Tuhan mampagagaya' ra ulun Nano am manugut ra bantu' Nano; makaasi' Io ra atan ayuk pana baalon Nano.

MAZMUR 146:10

Tuhan noyo raja' ra sabuoi-buoi no. I Aki Kapuuno' muno, okou Sion, mamarinta ra sabuoi-buoi no. Omporo' noyo Tuhan!

MAZMUR 50:14

Pataako' min noyo ragu paringkuanangan koson ra taak simbalui ri Aki Kapuuno', pataako' min noyo ngaangai' taak ra binantu' min Riso Ondo' Maayo Kaga' Kuasa'.

MAZMUR 66:7

Namarintaan Nano matulai ra sabuoi-buoi no, am ngaangai' bansa' alungin No. Pai' sangulun pana tumula' Riso!

MAZMUR 7:17

Ginio ra ilo naukum ru kalaatan nilo galama', am najamaran ru laat nilo galama'.

MAZMUR 9:2

Ralalom ngaangai' suang ru guang kuno, ra aku mongompor Rirun Tuhan, am tunungon ku nansalinut kaimuagan ondo' binaal Muno.

MAZMUR 92:1

Mazmur. Rimbai bulintok orou Sabat.

JISAYA 13:11

Mindagu Tuhan, “Ukumin Ku tana' ti sabap ra kalaatan nano, am ngaangai' ulun sabap ra tula nilo. Paingganaan Ku moonong ulun malilimbau, am mangukum ra moonong ulun ondo' masawat guang am niayuk malaat kaga'.

JISAYA 2:11

Masaboi orou ra limbau ru ulun liomon am minsawat guang ru ulun pusoon. Bagu no Tuhan ayuk omporon.

JISAYA 24:15

am ulun tampilon ra sirangon mongompor Riso. Namagun ra libung ru nagas mongompor ra Tuhan, i Aki Kapuuno' ru Israil.

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

SULABOI 3:38

Baal moonsoi am malaat masauk ra susuban ru Tuhan ayuk.

DANIL 12:7

Kakato' ru malaikat no karuo-ruo kalindu' nano ra tampilon ru limbowon, am pagibot ra ralalom inggalan ri Aki Kapuuno' ondo' mantilayun. Nokorongog aku ra io mindagu, “Talu ngambilor am maintanga'! Mopongo pangimbalaan ra ulun ri Aki Kapuuno' pupusin, am kasaukan-kasaukan ondo' makaimuag no pana pupusin.”

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

DANIL 4:2

Rongogo' tanou kuti intor ra kaimuagan-kaimuagan ondo' pinabala' raki' ri Aki Kapuuno' Ondo' Masawat Kaga'!

DANIL 4:26

Susuban ondo' taakin maa' raginio tuor no patatangon giu' ra tana' makaarati' ra okou masauk ra raja' poyo malupus okou mangiou ri Aki Kapuuno' manguasa' ra titikop ru tana'.

DANIL 4:3

“Mapara' kia gayo ru kaimuagan ondo' pinakito ri Aki Kapuuno'! Mapara' kia' gayo ru kaimuagan ondo' binaal Nano! I Aki Kapuuno' noyo raja' ra sabuoi-buoi no; mamarinta Io ra kolondo' pupus.

DANIL 4:32

Pagiruon kou intor ra ulun manampagun, am mayan giu' ra tatanga' ru bibiag masigo. Mangakan kou ra sakot koson ra sapi' buoi tulu' ngambilor. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.”

DANIL 4:36

“Paat ra aku nakaliman saguli', kinaayo am kinatulai kuno, am niayuk kauligan ra pamarintaan kuno pasagulion raki'. Pagawai-pagawai am ulun mangaatang kuno manguma' raki', am kakuasaan kuno koson ra raja' pasagulion raki', am kinatulai kuno masauk ra maayo poyo intor ragili.

DANIL 5:18

“I Aki Kapuuno' Ondo' Masawat Kaga' nampasauk ra ama' muno, Raja' Nibukadnijar ra raja' ondo' maayo, am niayuk nangani' riso ra urumat am katulayan.

DANIL 5:21

Pinagiru' io intor ra ulun manampagun, am utok nano nasauk koson ra utok ru bibiag. Minayan io simpung ra kaladai, nangakan ra sakot koson ra sapi', am nombolong ra tana' malimparang saboi inan nano naasa' ru bolobou. Pupus no nangiou io ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am mangani' Io ra pamarintaan no ra osoi ayuk kasagaan Nano.

DANIL 6:26

Kopongo raginio nanulis Raja' Darius ra surat posoboyon ra ulun intor ra ngaangai' bansa', bansa' boborok am ragu ra tana' ti: “Kaansayan!

DANIL 7:14

Inanian io ra urumat am kuasa' koson ra raja', saboi ulun-ulun intor ra ngaangai' bansa', bansa' boborok am ragu mangandoi ayuk riso. Kuasa' nano mantilayun, am pamarintaan nano kolondo' pupus.

DANIL 7:27

Kuasa' am kinaayo ru ngaangai' pamarintaan ra tana' ti pataakin ra ulun ri Aki Kapuuno' Ondo' Masawat Kaga'. Kuasa' nilo koson mamarinta kolondo' pupus, am ngaangai' panguasa' ra tana' ti mangandoi ayuk risilo am niayuk gumagaya' risilo.”

DANIL 9:14

Nakatampos Kono mangukum ramon, iou Tuhan, i Aki Kapuuno' mai, am nakapangukum Kono ramon. Atan ondo' baalon Muno totopot matimpok sabap ra kalo rumongog akai Rirun.

JUNUS 1:14

Ginio ra golok ilo ra Tuhan, “Iou Tuhan, kitaakon mai, pai' no pamuso ramon sabap mangalap ra painawo ru ulun ondo' kolondo' sala ramon. Iou Tuhan, Okou noyo ondo' makapandai ra ngaangai' baal ragitio; gitio noyo binaal Muno.”

MIKA 4:7

Ilo kalo makalulu' am maalur intor ra baloi, kaa' mangani' Aku ra kaluagan bagu risilo ondo' lakat poyo maayag, am masauk ilo ra rondo' bansa' ondo' maayo. Mamarinta Aku risilo intor ra Bulur Sion suku' ra sabuoi-buoi no.”

LUKAS 1:33

Mantilayun Io mamarinta ra papag ri Jakub am pamarintaan Nano kolondo' pupus.”

LUKAS 18:13

Kaa' mampalulur ra cukai no giu' ayuk ra tinaulian am kalo makakau' mantingaa' ra suruga'. Luntugo' no kubab sabap ra mangiluk guang nali liliwa' minindagu, ‘Aki Kapuuno', pakaasi' no raki' ulun makatula ti!’ ”

JUANIS 5:26

Koson i Ama' noyo intaran ru kaayagan, nogondo' niayuk ra Anak inanian No ra kuasa' koson Io ti pana intaran ru kaayagan.

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

1 TIMOTIUS 1:17

Io Raja' ra mantilayun, kalo mapuso am poyo kalo maalap kakito, Io no rorondo' ayuk i Aki Kapuuno'. Urumato' am omporo' takau i Aki Kapuuno' ra sabuoi-buoi no. Amin.

1 TIMOTIUS 6:16

Io no rorondo' ayuk mantilayun. Io maayag ra ralalom ru sinda ondo' kalo maalap kainggaari' ru ulun makatula. Kolondo' sangulun pana nakaili' nakakito Riso kapoam makakito Riso. Gama' ru urumaton am manguasa' Io ra sabuoi-buoi! Amin.

PINAINTALANG 10:6

Pagibot io ralalom inggalan ri Aki Kapuuno' ondo' maayag ra mantilayun, am ondo' nampasauk ra suruga', tana' ti, raat no am ngaangai' suang nilono. Kon ru malaikat no, “Orou ra inaanin i kalo noyo painjulon.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 4:10

karuo ngoopor am apat ngaulun tingganai no lumaub ra saang ru Io ondo' nanturung ra takhta no am niayuk sumamba Riso ondo' maayag ra mantilayun. Papatiro' nilo boo karaun mas nilono ra saang ru takhta no am indagu,

PINAINTALANG 4:9

Kaapat-apat ilo ondo' maayag ti marimbai ra mangurumat, mongompor am maringkuanang Riso ondo' manturung ra takhta no am ondo' maayag ra mantilayun. Am paat kaapat-apat nilo marimbai,