DANIL 4:32 - Tanou Moonsoi Timugon

³² Pagiruon kou intor ra ulun manampagun, am mayan giu' ra tatanga' ru bibiag masigo. Mangakan kou ra sakot koson ra sapi' buoi tulu' ngambilor. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.”

DANIL 4:32 ပူးပေါင်းရင်းမြစ်များ

2 TUNUNG RU BANSA' ISRAIL 33:13

Iniou ri Aki Kapuuno' pakiasian ru Raja' Manasi am nangiou riso siminaguli' ra Jirusalim am niayuk namarinta poyo. Binaal ri Aki Kapuuno' no nampaintopot ra Raja' Manasi ra Tuhan no i Aki Kapuuno'.

AYUP 42:2

“Nakapandai aku, iou Tuhan, ra makapambaal Kou ra ngaangai' no; makapambaal Kou ra atan ayuk.

AYUP 9:12

Inalap No atan ondo' kasagaan Nano, am kolondo' osoi pana makapanginga' Riso; kolondo' osoi pana baani mangkuot Riso, “Atan baalon Muno?”

MAZMUR 115:3

I Aki Kapuuno' mai soroi ra suruga'; suguton No atan kasaga' Nano.

MAZMUR 135:6

Baalon No atan ondo' kasaga' Nano, giu' ra limbowon kapoam tana' ti; giu' ra raat kapoam tatanga' ru raat ondo' malandom.

KAINGKUALAN 8:10

Taam raja' no, “Pakiasi' noyo ra bala kuno ra susuab no.” Indagu i Musa, “Makiasi' aku koson ra kitaak muno raja', am makapandai kou raja' boo ra kolondo' koson ra Tuhan i Aki Kapuuno' mai.

KAINGKUALAN 9:14

Raino ti mangukum Aku sala' ka ayuk ra pagawai muno am mamagun muno, kaa' okou niayuk, maa' raginio makapandai kou ra kolondo' osoi pana ondo' koson Raki' ra titikop ru tana' ti.

KAINGKUALAN 9:29

Indagu i Musa ra raja', “Makaingkual aku ayuk ra bandar, makiasi' aku ra Tuhan liliwa' mangakat ra longon. Lumonggo' tingkalur am tuminas rasam batu ti, koson makapandai kou ra tana' ti longgom ru Tuhan.

JISAYA 37:20

Ginio ra, bayago' akai intor ra ulun ru Asyur, iou Tuhan i Aki Kapuuno' mai, maa' raginio ngaangai' bansa' ru tana' ti makapandai ra Okou noyo rondo'-rondo' ayuk Tuhan.”

JISAYA 40:15

Pampaguangan ru Tuhan, bansa'-bansa' koson ra somposok timug ralalom ru pansagawan, koson sangunor kaau ra timbangan; pulu'-pulu' nogondo' maan no ra kaau.

JISAYA 40:17

Ngaangai' bansa' kolondo' arati' no Riso, koson ayuk ra kolondo' minatong ra saang Nano.

JISAYA 45:3

Aniin Tokou ra kalangkayaan intor ra intok-intok ondo' molondom am nakasibuni; bagu no makapandai kou ra Aku noyo Tuhan, am niayuk i Aki Kapuuno' ru Israil nampiau noyo ra inggalan muno.

JIRIMIA 27:5

“Mabaya' ra kuasa' Kuno ondo' maayo am mabaya' ra kaikangan Kuno, inangun Ku tana' ti, ulun am ngaangai' bibiag ra tana' ti; makapangani' Aku ra ngaangai' no ra osoi ayuk ondo' kasagaan Kuno.

DANIL 2:21

Io no manguasa' ra bulintok am jam; Io mampasauk am mopolonggo' ra raja'; Io no mangani' ra kapintaran am pangaratian.

DANIL 4:31

Kaa' kalo poyo nakai' raja' mindagu, korongog bolos mindagu intor ra limbowon, “Raja' Nibukadnijar, rongogo' ragu-ragu ragitio! Raino kakuasaan muno koson ra raja' alapon intor rirun.

DANIL 5:21

Pinagiru' io intor ra ulun manampagun, am utok nano nasauk koson ra utok ru bibiag. Minayan io simpung ra kaladai, nangakan ra sakot koson ra sapi', am nombolong ra tana' malimparang saboi inan nano naasa' ru bolobou. Pupus no nangiou io ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am mangani' Io ra pamarintaan no ra osoi ayuk kasagaan Nano.

JOSUA 4:24

Ra sauk raginio, ngaangai' ulun ru tana' makapandai ra mapara' gayo ru kuasa' ru Tuhan. Ginio ra mangurumat kau ra Tuhan i Aki Kapuuno' min ra sabuoi-buoi no.”