DANIL 4:31 - Tanou Moonsoi Timugon

³¹ Kaa' kalo poyo nakai' raja' mindagu, korongog bolos mindagu intor ra limbowon, “Raja' Nibukadnijar, rongogo' ragu-ragu ragitio! Raino kakuasaan muno koson ra raja' alapon intor rirun.

DANIL 4:31 ပူးပေါင်းရင်းမြစ်များ

KASAUKAN 14:18

Raja' Milkisidik raja' ru Salim am niayuk imam ri Aki Kapuuno' Ondo' Masawat Kaga' no, nagibit ra ruti' am wain koson pataakon ri Abram.

AYUP 20:23

Paat ra ilo mangakan ra ngaangai' ondo' kasagaan nilo, sumangit i Aki Kapuuno' am mangukum risilo.

MAZMUR 145:13

Pamarintaan Muno mantilayun, am Okou noyo raja' ra sabuoi-buoi no. Tuhan mampagagaya' ra ulun Nano am manugut ra bantu' Nano; makaasi' Io ra atan ayuk pana baalon Nano.

AMSAL 29:23

Malilimbau mangkinibit ra karatuan, kaa' sangulun ondo' minggana' guang urumaton io.

JISAYA 14:27

Tuhan Ondo' Maayo Kaga' Kuasa' namatas noyo mambaal koson raginio. Mangukum Io risilo, am kolondo' sangulun pana makapanginga' Riso.

DANIL 12:7

Kakato' ru malaikat no karuo-ruo kalindu' nano ra tampilon ru limbowon, am pagibot ra ralalom inggalan ri Aki Kapuuno' ondo' mantilayun. Nokorongog aku ra io mindagu, “Talu ngambilor am maintanga'! Mopongo pangimbalaan ra ulun ri Aki Kapuuno' pupusin, am kasaukan-kasaukan ondo' makaimuag no pana pupusin.”

DANIL 4:24

“Raja' kuno, gitio noyo arati' no, am gitio noyo ondo' pinakito ri Aki Kapuuno' Ondo' Masawat Kaga' intor ra baal ondo' masauk rirun.

DANIL 4:26

Susuban ondo' taakin maa' raginio tuor no patatangon giu' ra tana' makaarati' ra okou masauk ra raja' poyo malupus okou mangiou ri Aki Kapuuno' manguasa' ra titikop ru tana'.

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

DANIL 4:32

Pagiruon kou intor ra ulun manampagun, am mayan giu' ra tatanga' ru bibiag masigo. Mangakan kou ra sakot koson ra sapi' buoi tulu' ngambilor. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.”

DANIL 4:34

Indagu raja', “Pakasail tulu' ngambilor no magilong aku ra limbowon. Pulali' ru pangkaraan kuno nakaliman saguli'. Nongompor aku ri Aki Kapuuno' Ondo' Masawat Kaga' liliwa' mangurumat am mampatulai Riso ondo' naayag ra sabuoi-buoi no. “Mamarinta i Aki Kapuuno' ra sabuoi-buoi no, pamarintaan Nano kolondo' pupus.

DANIL 5:20

Kaa' sabap ra nasauk io ra malilimbau, bambalingatan am malaat, pinatuun io intor ra kurisi' nanturungan am natatakan ra katulayan nano.

DANIL 5:28

Tayaron arati' no pamarintaan muno matatayar am pataakin ra ulun ru Midia am Pirsia.”

DANIL 6:27

Manusub aku maa' raginio ngaangai' ulun ra titikop ru pamarintaan kuno mangurumat am malaa' ri Aki Kapuuno' ondo' sambaan ri Danil. Io noyo i Aki Kapuuno' ondo' naayag, Io mamarinta ra sabuoi-buoi no. Pamarintaan Nano totopot kalo mapuso, am kuasa' Nano kolondo' pupus.

MATIUS 3:17

Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”

LUKAS 12:20

Kaa' indagu i Aki Kapuuno' riso, ‘Ulun sasambungon! Rondom ra raiti' niayuk patayan muno! Osoi mangalap ra ngaangai' ondo' tinimung muno galama'?’ ”

JUANIS 12:28

Ama', pakitono' noyo katulayan Muno.” Morongog boo mokobolos intor ra suruga', “Pinakito Ku noyo katulayan Kuno, am pakitonon Ku poyo.”

1 TISALONIKA 5:3

Paat ra ulun mindagu ra, “Raino nampalinos noyo ngaangai' am mokoondo' noyo pabansayan,” paat raginio niayuk pulali' kon ilo pusoon. Pulali' kon Io matong koson ra ruol ru ruandu' matipaganak, am kalo makapagiru' ilo.

PINAINTALANG 16:7

Korongog ku boo bolos intor ra panalaban ra kaminyan no mindagu, “O Tuhan, i Aki Kapuuno' Maayo Kaga' Kuasa'. Motopot am matimpok ukum pinataak Muno risilo!”

1 SAMUIL 13:14

Kaa' raino pamarintaan muno kalo mabuoi. Sabap ra okou kalo giminagaya' Riso, Tuhan no maguyum ra ulun bokon ondo' kasagain Nano koson pilion masauk ra raja' ru ulun Nano.”

1 SAMUIL 15:23

Gumuor ra Tuhan nogondo' laat no ra mambaal ra sihir, am guang ra malilimbau nogondo' laat no ra sumamba ra sinungkalalaing. Ginio sabap ra okou nangimpai ra susuban ru Tuhan, Tuhan pana nangimpai rirun koson ra raja'.”