DANIL 4:30 - Tanou Moonsoi Timugon

³⁰ indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

DANIL 4:30 ပူးပေါင်းရင်းမြစ်များ

KASAUKAN 10:10

Pamarintaan galing ri Nimrod nakaaya' Babil, Irik am Akad. Katatalu no ralalom ru pagun Babilonia.

ESTER 1:4

Buoi onom ngansila' raja' no nampatalang ra kalangkayaan ru istana nano, am kinoonsoi am kinaayo ru pamarintaan nano.

MAZMUR 104:1

Omporo' noyo Tuhan, alii ra salibuor kuno! Iou Tuhan, i Aki Kapuuno' kuno, mapara' piboo kinatulai Muno! Linibungan Kou ru katulayan,

MAZMUR 49:20

makasunu' ilo niayuk ra kinamatuaan nilai, ondo' minayan ra intok molondom ra sabuoi-buoi no.

MAZMUR 73:8

Magasab ilo ra ulun bokon am mindagu ilo ra malaat, lumimbau ilo am mangatang koson mangimbolo' ra ulun.

AMSAL 11:2

Ulun ra malilimbau tauyuon. Ulun ra minggana' guang iono mapintar.

AMSAL 16:18

Lumimbau mangkinibit ra kapusaan am karatuan.

AMSAL 29:23

Malilimbau mangkinibit ra karatuan, kaa' sangulun ondo' minggana' guang urumaton io.

JISAYA 13:19

Kula' suang ru pamarintaan, Babilonia niayuk maantak am masauk ra kaansukan ru ulun nano. Kaa' Aku, Tuhan, mamuso ra bandar Babil koson ra Aku namuso ra Sodom am Gomora!

YEHEZKIEL 29:3

Balai' io ra gitio noyo ragu ru Tuhan Raja' ra raja' ru Misir, ‘Aku pantula' muno, okou buayo maayo ondo' liminuya' giu' ra sungoi! Kamu ra Sungoi Nil no longgom muno, am okou nambaal no.

DANIL 4:31

Kaa' kalo poyo nakai' raja' mindagu, korongog bolos mindagu intor ra limbowon, “Raja' Nibukadnijar, rongogo' ragu-ragu ragitio! Raino kakuasaan muno koson ra raja' alapon intor rirun.

ABAKUK 1:11

Kopongo raginio nataki' ilo minugar koson ra siob ru angin. Makasala ilo sabap sumamba ra kaikangan galama'.”

LUKAS 14:11

Moonong ulun makapaliso ra minsawat guang, paingganaan; am moonong ulun makapaliso minggana' guang, painsawaton.”

LUKAS 14:9

Tatangan ra baloi ondo' nampiau ramuyun karuruo matong rirun am mindagu, ‘Pataaki' intok ragitio riso.’ Maaru' mauyu' kou ongoyon paturungo' ra intok ondo' kalo moonsoi no.

1 KORINTUS 10:31

Atan ayuk pana baalon mino, kapoam akanon am inumon min niayuk, baalo' min ngaangai' ginio koson mangurumat ri Aki Kapuuno'.

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”

PINAINTALANG 14:8

Kopongo malaikat kasaa' no sunu' poyo malaikat karuo ondo' minindagu, “Nalunsai io noyo! Bandar Babil ondo' maayo no nalunsai noyo! Mamagun nano mangkimait ra ngaangai' bansa' ra pansasawaan nilo, mogondo' ra ulun jajalin gauko' ra wain.”

PINAINTALANG 16:19

Intor raginio, bandar ondo' maayo no napitalu, am nalunsai niayuk bandar ru ngaangai' pagun ra tana' ti. Kakara' boo ri Aki Kapuuno' bandar Babil ondo' maayo no am painumo' No io ra ruu' ru anggur intor ra sangkir Nano – ioginio wain ru sangit am ukum Nano ondo' makalalaa'.

PINAINTALANG 17:5

Rabas nano tinulisan ra inggalan ondo' arati' nano kalo mapandayan ru ulun: Inggalan no am, “I Babil ondo' maayo, ina' ru ngaangai' mantatalan ra inan am ulun homoseks am lesbian.”

PINAINTALANG 18:10

Migor ilo ra maalur sabap ra malaa' ilo maingkinibitan ra kaimbalaan no, konilo, “Aibui, bandar ondo' nauligan toojo ru ulun. Aibui, bandar Babil ondo' maayo. Ralalom sanjam ayuk pangukuman rirun!”

PINAINTALANG 18:21

Rondo' malaikat ra maikang no boo nangkayang ra rondo' batu kinsaran maayo am patiri' no ra raat am indagu, “Koson noyo ragitio baal ru bandar Babil ondo' maayo, lunsayon saboi mapuso am kalo boo makito io.