DANIL 4:3 - Tanou Moonsoi Timugon

³ “Mapara' kia gayo ru kaimuagan ondo' pinakito ri Aki Kapuuno'! Mapara' kia' gayo ru kaimuagan ondo' binaal Nano! I Aki Kapuuno' noyo raja' ra sabuoi-buoi no; mamarinta Io ra kolondo' pupus.

DANIL 4:3 ပူးပေါင်းရင်းမြစ်များ

AYUP 25:2

“I Aki Kapuuno' totopot makakuasa'; ngaangai' ulun musiti' malaa' Riso; Magalung io ra kaansayan ralalom ru pamarintaan Nano giu' ra suruga'.

MAZMUR 104:24

Iou Tuhan, masuang kaga' binangun Muno! matuyu' toojo kandoi nambaalan Muno! tana' napanu' ra nansalinut ondo' maayag ra binaal Muno.

MAZMUR 105:27

Nambaal ilo ra kaimuagan intor ri Aki Kapuuno', am nambaal ilo ra kaimuagan giu' ra Misir.

MAZMUR 145:13

Pamarintaan Muno mantilayun, am Okou noyo raja' ra sabuoi-buoi no. Tuhan mampagagaya' ra ulun Nano am manugut ra bantu' Nano; makaasi' Io ra atan ayuk pana baalon Nano.

MAZMUR 66:7

Namarintaan Nano matulai ra sabuoi-buoi no, am ngaangai' bansa' alungin No. Pai' sangulun pana tumula' Riso!

MAZMUR 72:18

Omporo' noyo Tuhan, i Aki Kapuuno' ru ulun ru Israil, Io ayuk mambaal ra baal-baal ra makaimuag toojo.

MAZMUR 77:19

Tingkalur gogolon, timpalak makapiat, tana' mauyog am mogonggon.

MAZMUR 86:10

Kuasa' ginuut Mu am mambaal ra kaimuagan; Okou no ayuk i Aki Kapuuno'.

MAZMUR 92:5

Binaal Muno, iou Tuhan, makabansuk raki'; marimbai aku maansukan ra binaal Muno.

JISAYA 25:1

Tuhan, Okou noyo i Aki Kapuuno' kuno; mangurumat aku Rirun am mongompor ra inggalan Muno. Nambaal Kou ra kandoi-kandoi makaimuag kaga'; inatang Mu noyo intor poyo ra galing i; am pinaugar mu ralalom gogot ru guang.

JISAYA 28:29

Ngaangai' kapintaran raginio intor ra Tuhan Ondo' Maayo' Kaga' Kuasa'. Ngaangai' inatang ri Aki Kapuuno' mapintar am masalok makaampos.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

DANIL 2:2

Ginio ra nampiau raja' ra ngaangai' mangilong, ulun mapandai kaga' ra sihir, babalian, am ulun makakapandayan koson mambala' ra arati' ru inupi nano. Bulintok ra ngaangai' ulun no muma',

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

DANIL 4:17

Ginio noyo kapatasan ru malaikat-malaikat ondo' mapintar am pagilalain. Ginio ra, ulun ra ati ayuk makapandai ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano, am poyo ra ulun ondo' totopot kalo maatang.’

DANIL 7:14

Inanian io ra urumat am kuasa' koson ra raja', saboi ulun-ulun intor ra ngaangai' bansa', bansa' boborok am ragu mangandoi ayuk riso. Kuasa' nano mantilayun, am pamarintaan nano kolondo' pupus.

DANIL 7:27

Kuasa' am kinaayo ru ngaangai' pamarintaan ra tana' ti pataakin ra ulun ri Aki Kapuuno' Ondo' Masawat Kaga'. Kuasa' nilo koson mamarinta kolondo' pupus, am ngaangai' panguasa' ra tana' ti mangandoi ayuk risilo am niayuk gumagaya' risilo.”

ROMA 11:33

Mumpara' boo susuang ru asi' ri Aki Kapuuno'! Mumpara' boo kinatanda' ru kapintaran am kapandayan Nano! Kolondo' sangulun makarati' ra inaru' Nano. Am kolondo' makapandai ra kokondoyon Nano.

SAGULION 4:34

Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

1 TIMOTIUS 1:17

Io Raja' ra mantilayun, kalo mapuso am poyo kalo maalap kakito, Io no rorondo' ayuk i Aki Kapuuno'. Urumato' am omporo' takau i Aki Kapuuno' ra sabuoi-buoi no. Amin.

IBRANI 1:8

Kaa' intor ra Anak no mindagu Io koson ragitio, “Takhta Muno, i Aki Kapuuno', mantilayun ra sabuoi-buoi no. Am Okou mamarinta ra ulun Muno mabaya' ra katimpakan.

IBRANI 2:4

Am i Aki Kapuuno' nampaikang poyo ra kaintutunan ru ulun-ulun pinaaya' ra nansalinut tatandu', kaimuagan am baal makakuasa' am mansail poyo pantayaran ra taak ru Ambiluo ri Aki Kapuuno' maya' ra kasagaan Nano galama'.

1 PITRUS 4:11

Osoi ayuk inanian ra kapandayan mindagu, moonsoi ru mampasaboi io ra bala' intor ri Aki Kapuuno'; am osoi ayuk mangindangan ra ulun bokon, musiti' io mangindangan mabaya' ra ikang intor ri Aki Kapuuno'. Maa' raginio, ralalom ngaangai' ondo' kondoyon min, i Aki Kapuuno' urumaton sabap ri Jisus Kristus. Io no makakuasa' am maaya' omporon ra sabuoi-buoi no. Amin.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”