DANIL 4:27 - Tanou Moonsoi Timugon

²⁷ Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

DANIL 4:27 ပူးပေါင်းရင်းမြစ်များ

KASAUKAN 11:4

Indagu ilo, “Raino pambaal takau ra bandar am manara ondo' makasuku' ra lingkatur ru limbowon maa' raginio itakau mauligan kaga' ru ulun am kalo makapantuliar ra titikop ru tana' ti.”

1 RAJA'-RAJA' 21:29

“Nakito mu kia ra Raja' Agab minggana' guang ra saang Kuno? Sabap ra nambaal io koon raginio, kalo maparatong Aku ra karaat no riso paat ra io maayag no. Maparatong Aku ra karaat no ra sasambaloi nano paat ra anak nano maayag.”

MAZMUR 119:46

Potonowon ku panusuban inatang Muno ra ngaangai' raja', am kalo boo tauyuon aku.

AMSAL 11:2

Ulun ra malilimbau tauyuon. Ulun ra minggana' guang iono mapintar.

AMSAL 16:6

Ulun ondo' gumagaya' ri Aki Kapuuno' ampunon No. Ulun ondo' mangurumat am malaa' ra Tuhan makainggalur intor ra kalaatan.

AMSAL 28:13

Osoi mangali' ra tula nano kolondo' ampos ru kaayagan nano. Osoi mangakun am mangiruan ra tula nano, tagamin ri Aki Kapuuno'.

JISAYA 10:13

Raja' ru Asyur maayo ragu, “Nansalinut binaal kuno intor ra kaikangan kuno galama'. Mapintar aku am mapandai. Pinuso ku balitan ru pagun-pagun am nampagaau ra inula' nilono. Koson ra sanginan sapi' gawayan, kikinjangin ku bansa' ondo' minayan ra giu' no.

JISAYA 47:10

Malimanan muno moonsoi ralalom ru kalaatan muno; indoson muno kolondo' sangulun pana makapandai. Kapintaran am kaintutunan muno mapalayau rirun. Indoson muno kolondo' mokogondo' rirun.

JISAYA 47:8

Rongogo' Aku no, okou ondo' masaga' mangilou ra katasuan! Indoson mu kaayagan muno moonsoi, am kolondo' koson rirun. Indoson mu kalo masauk kou ra mapuor, kapoam mailusan ra anak-anak muno.

JIRIMIA 29:7

Pangandoi no koson ra kalangkayaan ru bandar intok namatiran Kuno ramuyun. Pakiasi' kano Raki' koson ra kaatangan ru bandar raginio, sabap amon ru bandar no langkaya', akau pana langkaya'.

JIRIMIA 38:20

Indagu aku ra raja', “Okou raja' kalo pataakon ra pantula'. Kitaakon ku, gagayaa' noyo ragu ru Tuhan maa' raginio ngaangai' no maayag am painawo muno pana maalungan.

YEHEZKIEL 18:7

Kalo mamparuung io kapoam mantakou. Pasagulion no kuliamos ondo' inapu nano koson ra jaminan ra irain. Mampaakan io ra ulun maitilan am mangani' ra bayang ra ulun kolondo' bayang.

YEHEZKIEL 29:3

Balai' io ra gitio noyo ragu ru Tuhan Raja' ra raja' ru Misir, ‘Aku pantula' muno, okou buayo maayo ondo' liminuya' giu' ra sungoi! Kamu ra Sungoi Nil no longgom muno, am okou nambaal no.

YEHEZKIEL 29:9

Masauk Misir ra intok kolondo' tutuu' am masiluk. Makapandai kau boo ra Aku noyo Tuhan. “Okou raja' ru Misir! Sabap ra minindagu kou ra Sungoi Nil longgom muno, am okou nambaal no,

JOIL 2:14

Maaru' lair Tuhan i Aki Kapuuno' mino mangulau ra pangkaraan Nano, am mambarakat ramuyun ra ampos ru tana' ti ondo' masuang. Ginio ra makapampataak kau Riso ra gandum am wain.

AMOS 6:13

Masawat ragu min sabap kinala min noyo bandar Lodibar. Kamin ra liminimbau, “Naukop ikang mai koson mampagaau ra bandar Karnaim.”

JUNUS 3:9

Maaru' lair kulawon ri Aki Kapuuno' ginuang Nano am kalo boo sumangit, am itakau pana kalo mapuso!”

ABAKUK 1:11

Kopongo raginio nataki' ilo minugar koson ra siob ru angin. Makasala ilo sabap sumamba ra kaikangan galama'.”

JIPANYA 2:15

Ginio noyo ondo' masauk ra bandar ondo' noloos maansukan am ondo' mangkara' ra inan nano makakaansayan. Mamagun nano mangkara' ra bandar nilo noyo bandar ondo' maayo kaga' ra tana' ti. Mapara' siluk no ru libung no, kolondo' ulun minayan ra intok no ondo' ayuk am bibiag ru kataunan ondo' makabunsut ra giu' no! Moonong ulun ondo' mansail giu' ra bandar no magasab riso am makaliman ra malaa'.

MATIUS 3:8

Bonsoyo' bayag mino sabap ra ginio noyo tatandu' ra akau timinalikur intor ra tula mino.

LUKAS 11:41

Pataaki' noyo suang ru galas am piring mino ra ulun musikin, bagu maya' ra pagilaian ri Aki Kapuuno', ngaangai' no mapasau ramuyun.

RINALATAN 24:25

Kaa' paat ri Paulus nanunggul ra ragu nali intor ra kataawan, kaaratan am niayuk intor ra ukum ra Orou Pupus, nalaa' i Piliks am indagu, “Moonsoi sumaguli' kou raino am amon ru makakaluagan aku poyo, piawon tokou saguli'.”

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

RINALATAN 8:22

Talikur kono ayuk ra paliso malaat muno, am pakiasi' no ra Tuhan maa' raginio pangkaraan muno ra malaat no ampunon No!

2 KORINTUS 5:11

Ginio sabap ra nakapandai akai atan arati' malaa' ra Tuhan, am ginio ra mapaintopot akai ra ulun. Guang mai napandayan toojo ri Aki Kapuuno', am malansan aku ra akau pana makatutun toojo ramon.

GALATIA 5:13

Kaa' koson ramuyun, pabukat kau ngaangai', napiau kano masauk ra ulun nakalabus. Kaa' pai' min polosoo' kaluagan raginio mangkinibit ramuyun makatula, koson mampagagaya' kau ayuk ra kasagaan ru guang min. Ondo' ayuk am gitio; kotogom am koonsoi kano ra rondo' am bokon.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

IPISUS 4:28

Osoi ayuk mantatakou, moonsoi langgain no am mangandoi koson maginakan io galama' am niayuk makapangindangan boo ra ulun musikin.

SAGULION 24:13

Pasagulio' noyo bayang no riso moonong rondom maa' raginio mabayang no ra mombolong. Ra koson raginio, maringkuanang ulun no ramuyun am maansayan ramuyun Tuhan i Aki Kapuuno' min.

SAGULION 32:27

Kaa' kalo mokoloso Ku pantula' ra lumimbau, ra ilo noyo ondo' nangala ra ulun Kuno, atika Aku noyo manutuk ra ulun Kuno.’

SAGULION 8:17

Ginio ra pai' lingon mangkara' ra lumangkaya' kau sabap kuasa' am kaikangan min galama'.

1 PITRUS 4:8

Kaa' kasaa' toojo ti, tagami' noyo toojo rondo' am bokon, sabap ra intor raginio tula mino ra masuang ampunon noyo ri Aki Kapuuno'.