DANIL 4:26 - Tanou Moonsoi Timugon

²⁶ Susuban ondo' taakin maa' raginio tuor no patatangon giu' ra tana' makaarati' ra okou masauk ra raja' poyo malupus okou mangiou ri Aki Kapuuno' manguasa' ra titikop ru tana'.

DANIL 4:26 ပူးပေါင်းရင်းမြစ်များ

DANIL 2:18

Nanusub io risilo makiasi' ri Aki Kapuuno' panguasa' giu' ra suruga' maa' raginio makaasi' Io risilo am mampatutun ra ondo' nakasibuni ra inupi no risilo, maa' raginio kalo potoyon ilo mababaya' ra ulun maminson ra bokon giu' ra Babil.

DANIL 2:19

Paat rondom raginio niayuk nampatutun i Aki Kapuuno' ra ondo' nakasibuni ra inupi no ri Danil ralalom rondo' pinaintalang. Pongompor i Danil ri Aki Kapuuno' panguasa' giu' ra suruga' am indagu,

DANIL 2:37

Okou raja' ondo' matulai. I Aki Kapuuno' panguasa' giu' ra suruga' nampasauk rirun ra sangulun raja' maayo kaga'. Nangani' Io rirun ra kuasa', kaikangan am urumat.

DANIL 4:15

Kaa' patatango' tuor no ra tana', am bongkoso' ra rantai basi' am tambaga'. Patatango' tuor no giu' ra padang sakot. “ ‘Polosoo' ungkuyon no matiu' ru bolobou am polosoo' io mayan simpung ra bibiag am tutuu' ra bokon.

DANIL 4:23

Tatanga' ra okou magilong, rondo' malaikat tumuun intor ra suruga' am mindagu, ‘Tagaro' puun tataun no am pusoo', kaa' polosoon tuor nano ra tana'. Bongkoso' tuor no ra rantai basi' am tambaga', am patatango' tuor no mabaya' ra sakot giu' ra padang. Polosoo' ulun no matiu' ru bolobou, am polosoo' io mayan ra giu' masimpung ra bibiag buoi tulu' ngambilor.’

DANIL 4:31

Kaa' kalo poyo nakai' raja' mindagu, korongog bolos mindagu intor ra limbowon, “Raja' Nibukadnijar, rongogo' ragu-ragu ragitio! Raino kakuasaan muno koson ra raja' alapon intor rirun.

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

DANIL 5:20

Kaa' sabap ra nasauk io ra malilimbau, bambalingatan am malaat, pinatuun io intor ra kurisi' nanturungan am natatakan ra katulayan nano.

DANIL 5:21

Pinagiru' io intor ra ulun manampagun, am utok nano nasauk koson ra utok ru bibiag. Minayan io simpung ra kaladai, nangakan ra sakot koson ra sapi', am nombolong ra tana' malimparang saboi inan nano naasa' ru bolobou. Pupus no nangiou io ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am mangani' Io ra pamarintaan no ra osoi ayuk kasagaan Nano.

MATIUS 21:20

Paat ra maamaya'-maamaya' Nano nakakito ra atan binaal ri Jisus ni, nakatigog ilo. “Ati koson puun ara ni namulali' minatoi?” kuot nilo.

MATIUS 5:34

Kaa' raino ti balain takamin: Pai' kau pagibot! Pai' kau pagibot ra limbowon no alapon min ra sasi', sabap ra limbowon no kurisi' turungan ri Aki Kapuuno',

LUKAS 15:18

Mongoi aku tuum ri ama' am mindagu riso: Ama', makatula aku ri Aki Kapuuno' am niayuk rirun.

LUKAS 15:21

Indagu anak i, ‘Ama', makatula aku ri Aki Kapuuno' am niayuk rirun. Kalo boo sama' sabiton aku ra anak muno.’