DANIL 4:2 - Tanou Moonsoi Timugon

² Rongogo' tanou kuti intor ra kaimuagan-kaimuagan ondo' pinabala' raki' ri Aki Kapuuno' Ondo' Masawat Kaga'!

DANIL 4:2 ပူးပေါင်းရင်းမြစ်များ

AYUP 7:14

Kaa' nampalalaa' Kou raki' ra inupi, am ilaanon Mu aku ra pinaintalang,

MAZMUR 51:14

Bansuko' aku poyo sabap ra pamayagan Muli, am anii' aku ra guang koson gumagaya' Rirun.

MAZMUR 65:9

Ngaangai' namagun ra tana' ti malaa' am mangurumat, bulintok ra ilo makakito ra binaal muno ra makaimuag. Ginuang Muno magibit ra ulun magitapap ra longon ra titikop ru tana' intor ra pompor suku' ra pompor.

MAZMUR 66:16

Ibok no am rongog no, akau ngaangai' ulun ondo' mangurumat ri Aki Kapuuno', tunungon ku atan ondo' binaal Nano raki'.

MAZMUR 71:18

Raino matutuo aku no am uanon aku no, pai' aku tatango', iou Aki Kapuuno'. Bayaa' aku bulintok ra aku mapatanou ra kuasa' am katulayan Muno ra ngaangai' papag ra matong ti.

DANIL 2:1

Paat ra bilor karuo pamarintaan nano, Raja' Nibukadnijar naginupi. Magalabo kaga' raja' intor ra inupi nano saboi kalo mokororot.

DANIL 3:26

Inggaari' boo ru Raja' Nibukadnijar kulobon ru rapuan no am indagu, “Sadrak! Misak! Abidnigo! Ulipon-ulipon ri Aki Kapuuno' Ondo' Masawat Kaga', ingkual no!” Ilo pana miningkual ra mataki'.

DANIL 4:17

Ginio noyo kapatasan ru malaikat-malaikat ondo' mapintar am pagilalain. Ginio ra, ulun ra ati ayuk makapandai ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano, am poyo ra ulun ondo' totopot kalo maatang.’

DANIL 4:24

“Raja' kuno, gitio noyo arati' no, am gitio noyo ondo' pinakito ri Aki Kapuuno' Ondo' Masawat Kaga' intor ra baal ondo' masauk rirun.

DANIL 4:25

Pagiruon kou intor ra ulun manampagun, am mayan simpung ra bibiag masigo. Buoi tulu' ngambilor okou mangakan ra sakot koson ra sapi', mombolong giu' ra tana' malimparang saboi basaan ru bolobou. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.

DANIL 4:34

Indagu raja', “Pakasail tulu' ngambilor no magilong aku ra limbowon. Pulali' ru pangkaraan kuno nakaliman saguli'. Nongompor aku ri Aki Kapuuno' Ondo' Masawat Kaga' liliwa' mangurumat am mampatulai Riso ondo' naayag ra sabuoi-buoi no. “Mamarinta i Aki Kapuuno' ra sabuoi-buoi no, pamarintaan Nano kolondo' pupus.

DANIL 5:18

“I Aki Kapuuno' Ondo' Masawat Kaga' nampasauk ra ama' muno, Raja' Nibukadnijar ra raja' ondo' maayo, am niayuk nangani' riso ra urumat am katulayan.

DANIL 6:27

Manusub aku maa' raginio ngaangai' ulun ra titikop ru pamarintaan kuno mangurumat am malaa' ri Aki Kapuuno' ondo' sambaan ri Danil. Io noyo i Aki Kapuuno' ondo' naayag, Io mamarinta ra sabuoi-buoi no. Pamarintaan Nano totopot kalo mapuso, am kuasa' Nano kolondo' pupus.

DANIL 7:25

Manggal io ri Aki Kapuuno' Ondo' Masawat Kaga' am mangimbolo' ra ulun ri Aki Kapuuno'. Mangkinam io mangulau ra ukum am pangiantakan ru ugama nilo am ulun ri Aki Kapuuno' kuasaan no buoi talu ngambilor am maintanga'.

JUANIS 4:48

Kaa' indagu i Jisus riso, “Kalo mangintopot kau amon ru kalo makakito kau ra tatandu' am kaimuagan.”

JOSUA 7:19

Indagu i Josua riso, “Okou anak kuno, raguo' noyo ra motopot ra saang ru Tuhan i Aki Kapuuno' ru Israil am pangiou noyo. Raino pambala' raki' ra atan binaal muno. Pai' bunio' baal raginio intor raki'.”