DANIL 4:16 - Tanou Moonsoi Timugon

¹⁶ Buoi tulu' ngambilor utok ru ulun kumulau masauk koson ra utok ru bibiag.

DANIL 4:16 ပူးပေါင်းရင်းမြစ်များ

2 SAMUIL 18:32

Pangkuot raja' no riso, “Naayag kia i Absalom, ulun mamulok no?” Kopongo raginio taam ulipon no, “Polosoon ngaangai' pantula' muno, ngaangai' ulun giminuor rirun makaili' ra nasip ondo' nogondo' koson ra ungkuyon mamulok no.”

JISAYA 6:10

Indagu Io boo raki', “Ngongolo' pangkaraan ru ulun ti, barato' talingo nilono am bolowo' mato nilono maa' raginio kalo makakito ilo, kapoam mokorongog, kapoam makarati'. Amon kalo koson raginio, maaru' lair sumaguli' ilo Raki' am babason.”

DANIL 11:13

“Raja' ru Siria muli' am manirong ra pulalai ru saujor ondo' maayo poyo intor ra kasaa'. Masaboi paat no, sumaguli' io mabaya' ra pulalai ondo' maayo am ondo' naukop ra kinandoi.

DANIL 12:7

Kakato' ru malaikat no karuo-ruo kalindu' nano ra tampilon ru limbowon, am pagibot ra ralalom inggalan ri Aki Kapuuno' ondo' mantilayun. Nokorongog aku ra io mindagu, “Talu ngambilor am maintanga'! Mopongo pangimbalaan ra ulun ri Aki Kapuuno' pupusin, am kasaukan-kasaukan ondo' makaimuag no pana pupusin.”

DANIL 4:23

Tatanga' ra okou magilong, rondo' malaikat tumuun intor ra suruga' am mindagu, ‘Tagaro' puun tataun no am pusoo', kaa' polosoon tuor nano ra tana'. Bongkoso' tuor no ra rantai basi' am tambaga', am patatango' tuor no mabaya' ra sakot giu' ra padang. Polosoo' ulun no matiu' ru bolobou, am polosoo' io mayan ra giu' masimpung ra bibiag buoi tulu' ngambilor.’

DANIL 4:25

Pagiruon kou intor ra ulun manampagun, am mayan simpung ra bibiag masigo. Buoi tulu' ngambilor okou mangakan ra sakot koson ra sapi', mombolong giu' ra tana' malimparang saboi basaan ru bolobou. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.

DANIL 7:25

Manggal io ri Aki Kapuuno' Ondo' Masawat Kaga' am mangimbolo' ra ulun ri Aki Kapuuno'. Mangkinam io mangulau ra ukum am pangiantakan ru ugama nilo am ulun ri Aki Kapuuno' kuasaan no buoi talu ngambilor am maintanga'.

DANIL 7:28

Ginio noyo tunung ru inupi no. Malaa' aku kaga' saboi bulos kuno mabula' am binulian ku ngaangai' baal raginio ralalom ru guang kuno.

IBRANI 1:11

Ngaangai' ti maliom niayuk am maapu' koson ra bayang, kaa' Okou Tuhan soroi ayuk mantilayun.

PINAINTALANG 12:14

Kaa' ruandu' no inanian ruo kawo ru kanui maayo, pansiab io boo mongoi ra intok inaru' i riso, giu' ra tana' kaagisan. Alungin io ra giu' no koson minggalur ra kalaatan ru tambuakal no buoi talu ngambilor maintanga'.