DANIL 4:14 - Tanou Moonsoi Timugon

¹⁴ Indagu io ra bolos matangil, ‘Tagaro' puun tataun no, am putulo' raan-raan no. Tutuo' raun no am patiaso' kawa' no. Pagiruo' bibiag ra saau no am susuit ondo' nanabunsut ra raan no.

DANIL 4:14 ပူးပေါင်းရင်းမြစ်များ

AYUP 24:20

Ina' nilo galama' nakalilian risilo, am lingguang nangakan ra inan nilo. Inggalan nilo kalo boo karaan; pinuso ilo koson ra puun tataun ondo' naaba'.

JIRIMIA 27:5

“Mabaya' ra kuasa' Kuno ondo' maayo am mabaya' ra kaikangan Kuno, inangun Ku tana' ti, ulun am ngaangai' bibiag ra tana' ti; makapangani' Aku ra ngaangai' no ra osoi ayuk ondo' kasagaan Kuno.

JIRIMIA 51:6

Pagiru' no intor ra Babilonia! Bayago' noyo inan min! Pai' patoi sabap ra tula ru ulun ru Babilonia. Raino tatanga' Aku mansuli' am mangukum risilo nontopot ra binaal nilo.

JIRIMIA 51:9

Ulun bansa' ra bokon ondo' minayan ra giu' no minindagu, ‘Nangkinam akai nangindangan ra Babilonia, kaa' nakatawos. Iruani' Babilonia am ibok no muli'. Nangukum noyo i Aki Kapuuno' ra Babilonia ra maagat am mamuso riso ra lingonon.’ ”

YEHEZKIEL 31:10

“Ginio ra Aku, Tuhan Raja' mambala' ramuyun atan ondo' masauk ra puun tataun ondo' untu nano nakasaboi ra gaun. Gumaai sawat nano, gumaai limbau ru puun tataun no.

DANIL 2:21

Io no manguasa' ra bulintok am jam; Io mampasauk am mopolonggo' ra raja'; Io no mangani' ra kapintaran am pangaratian.

DANIL 3:4

korongog boo sangulun susubon ru raja' nampatanou ra bolos matangil, “Akau ulun intor ra ngaangai' bansa', am ragu, rongogo' raguon ru raja' ti:

DANIL 4:12

Raun-raun no moonsoi am kawa' no maawas kaga' – maukop koson akanon ru ulun ra titikop ru tana' ti. Bibiag masigo sumindung ra saau nano; susuit mambaal ra bunsut ra raan nano am ngaangai' ondo' maayag mangakan ra kawa' nano.

DANIL 4:23

Tatanga' ra okou magilong, rondo' malaikat tumuun intor ra suruga' am mindagu, ‘Tagaro' puun tataun no am pusoo', kaa' polosoon tuor nano ra tana'. Bongkoso' tuor no ra rantai basi' am tambaga', am patatango' tuor no mabaya' ra sakot giu' ra padang. Polosoo' ulun no matiu' ru bolobou, am polosoo' io mayan ra giu' masimpung ra bibiag buoi tulu' ngambilor.’

DANIL 4:29

Kopongo mopor am ruo ngansila', bulintok raja' mugar giu' ra taap ru istana nano giu' ra Babil,

DANIL 5:20

Kaa' sabap ra nasauk io ra malilimbau, bambalingatan am malaat, pinatuun io intor ra kurisi' nanturungan am natatakan ra katulayan nano.

DANIL 5:21

Pinagiru' io intor ra ulun manampagun, am utok nano nasauk koson ra utok ru bibiag. Minayan io simpung ra kaladai, nangakan ra sakot koson ra sapi', am nombolong ra tana' malimparang saboi inan nano naasa' ru bolobou. Pupus no nangiou io ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am mangani' Io ra pamarintaan no ra osoi ayuk kasagaan Nano.

MATIUS 3:10

Kapak kalalair noyo mantagar ra puun suku' ra bakat. Moonong puun ondo' kalo mangkawa' maaru' tagaron am suruin.

MATIUS 7:19

Puun ondo' kalo manangkawa' ra moonsoi tagaron am suruin.

LUKAS 3:9

Raino mokoondo' noyo panaa' koson mantagar ra puun ru tataun suku' ra bakat nano. Moonong puun ondo' kalo mangkawa' ra moonsoi, tagaron am solobon ra apui.”

PINAINTALANG 10:3

Golok io ra bolos mosongou, koson ra kukula' ngainan singa' nansangal. Pokopompogolok io, taam tulu' timpalak no ra mapuor.

PINAINTALANG 18:2

Pambala' io boo ra bolos mosongou, “Nalunsai noyo! Bandar Babil ondo' maayo nalunsai noyo! Raino nasauk io ra inayanan ru riwato, ambiluo malaat am ngaangai' susuit malaat ondo' kasisangin ru ulun.