DANIL 3:7 - Tanou Moonsoi Timugon

⁷ Ginio ra, pakatalimpuun ilo ayuk nokorongog ra bolos ru kuliamos miujik no, ulun intor ra ngaangai' bansa', bansa' boborok am ragu, migulatur am sumamba ra sinungkalalaing mas ondo' pinabigor ru Raja' Nibukadnijar.

DANIL 3:7 ပူးပေါင်းရင်းမြစ်များ

JIRIMIA 51:7

Ragili Babilonia koson ra sangkir mas ra kalindu' Kuno, am mangkinibit ra ngaangai' bansa' ra tana' ti magauk. Bansa'-bansa' nanginum ra wain saboi ilo mantuyang.

DANIL 2:46

Kopongo raginio Raja' Nibukadnijar pana igulatur ra saang ri Danil am nanusub maa' raginio taak simbalui kaunaran am kaminyan pataakon ri Danil.

DANIL 3:10

Okou raja' minindagu ra makatalimpuun ayuk miujik, moonong ulun musiti' migulatur am sumamba ra sinungkalalaing no.

DANIL 3:4

korongog boo sangulun susubon ru raja' nampatanou ra bolos matangil, “Akau ulun intor ra ngaangai' bansa', am ragu, rongogo' raguon ru raja' ti:

DANIL 3:5

Mokorongog kau ra bolos ru bujung, sumunu' bolos ru suling, rebab, gambus, jitor am kuliamos miujik ra bokon. Makatalimpuun ayuk miujik, akau musiti' migulatur am sumamba ra sinungkalalaing mas ondo' pinabigor ru Raja' Nibukadnijar.

DANIL 3:6

Osoi ayuk ondo' kalo migulatur am sumamba riso indibakin papatiron ra ralalom ru rapuan ondo' bibilak.”

DANIL 3:8

Bulintok raginio noyo kukula' ngaulun Babilonia nangalap ra kaluagan koson maguyum ra kasalaan ru ulun ru Jaudi.

RINALATAN 14:16

Galing i pinoloso ri Aki Kapuuno' ngaangai' bansa' maayag maya' ra kasagaan nilo sigagama'.

1 JUANIS 5:19

Nakapandai takau ra itakau ti intor ri Aki Kapuuno', kabalu' pana ngaangai' ulun ru tana' ti kinuasa' ru Tingganai ru riwato.

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.

PINAINTALANG 13:14

Ngaangai' ulun ra tana' ti ruungon no mansail ra kaimuagan ondo' iniou mabaal no ra saang ru bibiag masigo kasaa' no. Ilo ngaangai' ti susubon no mambaal ra sinungkalalaing koson sumamba ra bibiag masigo ondo' napilatan noyo ra ilang, kaa' lakat poyo maayag.

PINAINTALANG 13:3

Rondo' intor ra tulu' ulu no makito koson mokoondo' pilat maayo ondo' makapatoi, kaa' pilat no napali' noyo. Ngaangai' ulun ru tana' ti nangimuag ra bibiag masigo no, am baya' ilo boo riso.

PINAINTALANG 13:8

Ngaangai' ulun ondo' mayan ra tana' ti sumamba riso. Kaa' mokoondo' niayuk ondo' kalo sumamba riso, ioginio ilo ondo' inggalan nilono tinulisan noyo ra kitab ru Ulun Mokoowot ra Kaayagan Motopot paat ra tana' ti kalo poyo biningkal. Kitab no ampu' ru Anak Domba ondo' pinatoi ru ulun.

PINAINTALANG 17:8

Bibiag masigo ondo' nakito muni, naayag ra galing i, kaa' raino kalo boo. Kalo boo mabuoi am mingkual io intor ra intok ru ulun namagatoi no am pusoon. Ulun-ulun ru tana' no ondo' inggalan nilo kalo tinulisan ra kitab ru Ulun Mokoowot ra Kaayagan Motopot ra kalo poyo tana' ti biningkal, makatigog ilo makakito ra bibiag masigo no. Bibiag masigo no naayag ra galing i; raino kalo boo, kaa' sumalula' io poyo saguli'.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.