DANIL 3:28 - Tanou Moonsoi Timugon

²⁸ Indagu boo raja', “Koompor noyo i Aki Kapuuno' ondo' sambaan ri Sadrak, Misak am i Abidnigo! Nanusub Io ra malaikat koson mamayag ra ulun ondo' mangandoi ayuk am mangintopot Riso. Minanggal ilo ra susuban kuno am baani matoi intor ra migulatur samba ra dewa ra bokon ondo' ak am i Aki Kapuuno' nilo.

DANIL 3:28 ပူးပေါင်းရင်းမြစ်များ

KASAUKAN 9:26

Koompor noyo Tuhan i Aki Kapuuno' ri Siim! Masauk i Kanaan ra uliponon ri Siim!

1 TUNUNG RU BANSA' ISRAIL 5:20

Saujor-saujor no mangintopot ri Aki Kapuuno' am nakiindangan Riso, i Aki Kapuuno' pana nangiou ra kinitaak nilo. Nangani' Io ra kamanangan ra bansa' ru Gagri am paguum nilo ra saujor-saujor no.

2 TUNUNG RU BANSA' ISRAIL 20:20

Nokorondom ra suabon no ilo ngaangai' minongoi ra tana' kaagisan mamaar ra Tikoa. Paat ra ilo minintor, kon ru Raja' Josapat risilo, “Mamagun kau ru Jiuda am Jirusalim, pangintopot no ra Tuhan, i Aki Kapuuno' min, am akau pana mokoorot! Pangintopot no ra bilin ru nabi-nabi Nano, am akau pana makasugut.”

2 TUNUNG RU BANSA' ISRAIL 32:21

Nangator Tuhan ra rondo' malaikat ondo' namatoi ra saujor-saujor am pagawai-pagawai ru saujor pagun ru Asyur. Raja' ru pagun ru Asyur pana minuli' boo ra pagun nano ra nauyu' kaga'. Paat ra sangarawan, paat ra raja' ru Asyur soroi giu' ra kuil ru sinungkalalaing nano, kukula' ngaulun anak ungkuyon nano namatoi riso ra ilang.

IJRA 1:3

Gama' ru i Aki Kapuuno' manindung ramuyun ngaangai' ondo' nasauk ra ulun Nano. Musiti' kau sumaguli' ra Jirusalim am mambaal saguli' ra Baloi ru Tuhan, i Aki Kapuuno' ru Israil, i Aki Kapuuno' ondo' sambaan giu' ra Jirusalim.

IJRA 6:11

Nanusub aku niayuk ra osoi manggal ra susuban ti, tataun ru taap ra baloi nano lunsayon, kaniuson am patujokon ra inan nano saboi mansabut. Baloi ru ulun no saukon ra intok ru ginsamol.

MAZMUR 103:20

Omporo' noyo Tuhan, akau ngaangai' malaikat ondo' maikang am mapanggol, ondo' mangkirongog am mambaal ra susuban Nano!

MAZMUR 147:11

kaa' maansayan Io ra ulun ondo' mangurumat Riso, ulun ondo' malansan toojo ra togom mantilayun Nano.

MAZMUR 33:18

Ilo ondo' gumagaya' ilain ru Tuhan, malansan ilo ra katagaman Nano.

MAZMUR 33:21

Io magibit ritakau ra maansukan; mangintopot takau ra inggalan Nano ondo' matulai.

MAZMUR 34:22

Ulun ra malaat matoi sabap ra kalaatan nilono; ulun ondo' masisang ra ulun motopot no ukumin.

MAZMUR 62:8

Pamayagan kuno am kaatangan kuno lumansan ri Aki Kapuuno'; Io noyo manindung raki' ondo' maikang; Io noyo intok sindungan kuno.

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 37:36

Kopongo raginio sangulun malaikat Tuhan minongoi ra nangkiman ru ulun ru Asyur am namatoi 185,000 ngaulun saujor. Katawang ra suabon no minatoi ilo ngaangai'!

JISAYA 50:10

Akau ondo' mangurumat ra Tuhan, am mangkirongog ra ragu ru ulipon Nano, ralan ra bayain mino magu' molondom, am kolondo' sinda makatampulau ramuyun; kaa' pangintopot noyo ra Tuhan; am lansang no ri Aki Kapuuno' mino.

DANIL 2:47

Kon ru raja', “Sotopot no i Aki Kapuuno' muno matulai ra gino ngai' ru dewa; Io no Tuhan ru ngaangai' raja', am nanulu' Io ra ngaangai' ondo' nakasibuni. Nakapandai aku ra baal raginio sabap ra makapambala' kou ra sinail ondo' nakasibuni no.”

DANIL 3:25

Pangkuot raja', “Kaa' kua kia nakito ku apat ngaulun mugar-ugar ra tatanga' ru apui no? Kalo binangkil ilo, am ilain ra kalo napilatan ilo. Ulun kaapat no koson ra malaikat baal nano.”

DANIL 4:34

Indagu raja', “Pakasail tulu' ngambilor no magilong aku ra limbowon. Pulali' ru pangkaraan kuno nakaliman saguli'. Nongompor aku ri Aki Kapuuno' Ondo' Masawat Kaga' liliwa' mangurumat am mampatulai Riso ondo' naayag ra sabuoi-buoi no. “Mamarinta i Aki Kapuuno' ra sabuoi-buoi no, pamarintaan Nano kolondo' pupus.

DANIL 6:16

Ulun naguguum no pana siminaguli' boo am indagu ra raja', “Nakapandai kou ra sumugut ra undang-undang ru Midia am Pirsia, susuban ondo' iningkual ru raja' kalo boo kulawon.”

DANIL 6:26

Kopongo raginio nanulis Raja' Darius ra surat posoboyon ra ulun intor ra ngaangai' bansa', bansa' boborok am ragu ra tana' ti: “Kaansayan!

MATIUS 4:10

Taam i Jisus, “Pagiru' no, okou Tingganai ru riwato. Mokoondo' tinulisan ra Buuk Kitab, ‘Sambaa' ayuk Tuhan, i Aki Kapuuno' muno, am pangandoi kou ayuk Riso!’ ”

RINALATAN 4:19

Kaa' taam i Pitrus am i Juanis, “Guango' min galama' atan motopot ra pagilangan ri Aki Kapuuno': Gumagaya' ramuyun kia kapoam gumagaya' ri Aki Kapuuno'?

RINALATAN 5:19

Kaa' rondom ragili, sangulun malaikat ru Tuhan nangukab ra kulobon-kulobon ru lamin pangaputan no, am ibito' no rasul-rasul no miningkual. Indagu malaikat no risilo, kono,

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

1 KORINTUS 13:3

Kabalu' pana pataakin ku ngaangai' atan ondo' raki' ra ulun musikin, am pataakin poyo inan kutu koson solobon, kaa' amon kalo motogom aku ra ulun bokon, ginio kolondo' ampos raki'.

PILIPI 1:20

Sabap ragitio noyo kaandaman am kalansanan ru guang kuno ra kolondo' rondo' pana kandoi kuno mampakauyu' raki'. Masalok aku niayuk moondom, am mulu' poyo raino, makakau' toojo mapatulai ri Kristus ralalom kiralan ru kaayagan kuno – iou ra maayag aku kapoam matoi.

IBRANI 1:14

Sabap ra sotopot no malaikat-malaikat no mangngandoi ri Aki Kapuuno' am ilo sinusub No mangindangan ra ulun ondo' makaapu ra pamayagan.

IBRANI 11:37

Mokoondo' poyo pinatoi bobolo' ra batu am niayuk piniruo garagajio' kapoam tinobok saboi minatoi. Am poyo mokoondo' jajawot ayuk ra kolondo' intok randanan nilai; kungkung ru domba kapoam kambing ayuk bayang nilai sabap ra musikin ilo toojo. Nansalinut kapaganan am imbolo' ondo' natuum nilo.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.

PINAINTALANG 12:11

Pabukat-pabukat takau nangala noyo riso sabap ra Anak Domba nampasasar ra raraa' Nano, am sabap ra katapatan intor ri Aki Kapuuno' ondo' pinatanou nilo: am nakatampos ilo pampataak ra painawo nilono ra potoyon.