DANIL 3:25 - Tanou Moonsoi Timugon

²⁵ Pangkuot raja', “Kaa' kua kia nakito ku apat ngaulun mugar-ugar ra tatanga' ru apui no? Kalo binangkil ilo, am ilain ra kalo napilatan ilo. Ulun kaapat no koson ra malaikat baal nano.”

DANIL 3:25 ပူးပေါင်းရင်းမြစ်များ

AYUP 1:6

Paat ra sangarawan ilo ondo' maayag am minayan ra suruga' minuma' ra Tuhan, am i Manusuk niayuk siminaang nababaya' risilo.

AYUP 38:7

paat ra butitin-butitin ru susuab ti mababaya' marimbai, am ilo ondo' maayag giu' ra suruga' magilakup maansukan?

AYUP 5:19

Amon karaat makapatoi rirun, masalok Io mamayag rirun.

MAZMUR 34:7

Ulun makakapaganan ti mampiau am Tuhan tumaam, mapalabus Io risilo intor ra nansalinut kapaganan.

AMSAL 30:4

Osoi kia nakaili' nagaloi am timinuun ra suruga'? Osoi kia nakaili' nompogonggom ra angin, kapoam mompolopot ra timug no ra konoon, kapoam mangaru' ra balitan-balitan ru tana' ti? Osoi kia inggalan nano, am osoi kia anak nano? Maaru' nakapandai kou.

JISAYA 43:2

Bulintok ra akau sumandaup ra raat malandom, mabaya' Aku ramuyun; kalo makalom kau ralalom kapaganan. Bulintok ra akau mansail ra apui, kalo mosolob kau; kalo majamaran kau ra pangkinaman-pangkinaman ra maagat.

JIRIMIA 1:8

Pai' no kalaa' risilo sabap ra mabaya' Aku rirun koson manindung rirun. Aku, Tuhan, nakaindagu noyo!”

JIRIMIA 15:21

Palabuson Tokou intor ra kuasa' ru ulun malaat kaga'. Aku, Tuhan nakaindagu noyo.”

DANIL 3:18

Kaa' amon ru kalo niayuk baalon No, musiti' mu pabalaan ra kalo sumamba akai ra dewa muno am niayuk migulatur samba ra sinungkalalaing mas ondo' pinabigor muno.”

DANIL 3:24

Pulusat ru Raja' Nibukadnijar minigor sabap ra nakatigog am nangkuot ra pagawai-pagawai nano, “Sala' ka kia binangkil takau talu ngaulun am pinapatir ra ralalom ru rapuan ondo' bibilak no?” Taam ilo, “Motopot, raja' mai.”

DANIL 3:28

Indagu boo raja', “Koompor noyo i Aki Kapuuno' ondo' sambaan ri Sadrak, Misak am i Abidnigo! Nanusub Io ra malaikat koson mamayag ra ulun ondo' mangandoi ayuk am mangintopot Riso. Minanggal ilo ra susuban kuno am baani matoi intor ra migulatur samba ra dewa ra bokon ondo' ak am i Aki Kapuuno' nilo.

DANIL 6:23

Nangator i Aki Kapuuno' ra malaikat Nano koson mangimut ra kabang ru singa'-singa' no saboi kalo nampajamar raki'. Binaal No koson raginio sabap ra nakapandai Io kolondo' sala kuno, ra Io kapoam ra okou.”

MARKUS 16:18

Amon ru mampaguut ilo ra kukuo kapoam manginum ilo ra tuwo, kolondo' karaat masauk risilo. Pabantaan nilo kalindu' nilo ra ulun marualan am ulun no mababas.”

LUKAS 1:35

Taam malaikat no, “Matong Ambiluo ri Aki Kapuuno' rirun am kuasa' ri Aki Kapuuno' sumoroi rirun. Ginio sabap ra anak ondo' anakon muno sabiton Anak ri Aki Kapuuno' ondo' matulai.

RINALATAN 28:5

Kaa' tagago' boo ri Paulus kukuo i ralalom ru apui am kolondo' nalimanan no ra atan ayuk ruol.

ROMA 1:4

kaa' maya' ra papag Nano ra suruga', nampakito i Aki Kapuuno' ra Io no Anak Nano, am ralalom ru kuasa' maayo binayag Io intor ra kapatayan.

1 PITRUS 3:13

Osoi kia masaga' mampakalaat ramuyun, amon ru masalok kau mambaal ra moonsoi?