DANIL 3:24 - Tanou Moonsoi Timugon

²⁴ Pulusat ru Raja' Nibukadnijar minigor sabap ra nakatigog am nangkuot ra pagawai-pagawai nano, “Sala' ka kia binangkil takau talu ngaulun am pinapatir ra ralalom ru rapuan ondo' bibilak no?” Taam ilo, “Motopot, raja' mai.”

DANIL 3:24 ပူးပေါင်းရင်းမြစ်များ

2 TUNUNG RU BANSA' ISRAIL 22:4

Raja' Agajia makatula ra Tuhan sabap ra kalupus pinatayan ru ama' nali, kukula' ngaulun ra sasambaloi ru Raja' Agab nasauk ra ulun maminson riso; ilo noyo ondo' nangkinibit ra naratuan ru Raja' Agajia.

DANIL 3:17

Amon ru i Aki Kapuuno' ondo' sambaan maino masaga' mamayag ramon intor ra rapuan ondo' bibilak am intor ra kuasa' muno, bayagon No akai.

DANIL 3:23

I Sadrak, Misak am i Abidnigo ondo' nabangkil no naratu' ra ralalom ru rapuan ondo' bibilak no.

DANIL 3:25

Pangkuot raja', “Kaa' kua kia nakito ku apat ngaulun mugar-ugar ra tatanga' ru apui no? Kalo binangkil ilo, am ilain ra kalo napilatan ilo. Ulun kaapat no koson ra malaikat baal nano.”

DANIL 4:22

“Iou raja' kuno, okou no puun tataun ondo' masawat am maikang no. Kinaayo muno gumaai saboi ra limbowon, am kuasa' muno lumangka' ra titikop ru tana'.

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

DANIL 5:18

“I Aki Kapuuno' Ondo' Masawat Kaga' nampasauk ra ama' muno, Raja' Nibukadnijar ra raja' ondo' maayo, am niayuk nangani' riso ra urumat am katulayan.

DANIL 5:6

Malaa' kaga' raja' saboi mabula' bulos nano am monontol atur nano.

DANIL 6:22

Taam i Danil, “Kaayag kono raja' ra sabuoi-buoi no!

DANIL 6:7

Ginio ra uma' ilo ra raja' am indagu, “Kaayag kono ra sabuoi-buoi no, Raja' Darius!

RINALATAN 12:13

Pakasuku' ayuk ra giu' titiko' ri Pitrus kulobon i, am mokoondo' sangulun ulipon ruandu' makainggalan ri Rodi minongoi pampalilig ra osoi kia io.

RINALATAN 26:13

Raja' Agripa, paat ra aku nangkiralan ra io tanga' ru orou ragili, mokoondo' pulusat silau intor ra limbowon ondo' mapaang kaga' intor ra mato ru orou. Silau i liminiput raki' am niayuk rangan-rangan kuli.

RINALATAN 26:27

Raja' Agripa! Mangintopot kou kia ra rinagu ru nabi-nabi? Maaru' mangintopot kou niayuk!”

RINALATAN 9:6

Kaa' raino sukal am ongoi ra Damsyik no. Giu' no balain tokou atan ondo' musiti' baalon muno.”

1 SAMUIL 17:55

Pakakito Raja' Saul ri Daut giminula' ri Goliat, nangkuot io ri Abnir, panglima saujor nano, “Abnir, osoi ra anak kia buayoi raginio?” Taam i Abnir, “Raja' kuno, kalo nakapandai aku.”