DANIL 3:22 - Tanou Moonsoi Timugon

²² Sabap ra raja' nangani' ra susuban maa' raginio rapuan no kinalasu' nasailan intor ra kaindalaman, apui no nonolob saboi minatoi saujor-saujor ondo' nampapatir ra talu ngaulun no ra ralalom ru rapuan.

DANIL 3:22 ပူးပေါင်းရင်းမြစ်များ

1 RAJA'-RAJA' 13:28

Nangura' io ra kaladai nano am ugar. Natuum no baangkai ru nabi no nakalangan ra tanga' ru ralan, am kaladai am niayuk singa' minigor ra kiing nano. Singa' no kalo nangakan ra baangkai no kapoam nansaam ra kaladai no.

KAINGKUALAN 12:33

Nangulisok ulun ru Misir ra ulun ru Israil mangiruan ra pagun nilo ra mataki'. Indagu ulun ru Misir, “Matoi akai ngai' amon ru kalo iruanin min intok ragitio.”

AMSAL 11:8

Ulun ra kolondo' tula makainggalur ra kapaganan, kaa' ulun malaat mokoowot ra kapaganan.

AMSAL 21:18

Ulun malaat makatutun ra imbolo' pinalumpa' nilo ra ulun moonsoi.

DANIL 1:7

Tingganai pagawai ru istana no nangani' risilo ra inggalan-inggalan bagu iono i Biltsajar, Sadrak, Misak am i Abidnigo.

DANIL 2:15

pangkuot i Danil ri Ariok, sabap ru raja' nangani' ra susuban ondo' malaat no. I Ariok pana nantunung ra atan ondo' nasauk.

DANIL 6:24

Mapara' boo bansuk ru raja'! Nanusub raja' maa' raginio paingkualon i Danil intor ra luang batu no. I Danil pana pinaingkual, am kalo najamaran io ra sanganu pana, sabap ra mangintopot io ri Aki Kapuuno'.

MATIUS 27:5

Papatiro' ri Judas ruit no ra ralalom Baloi Tuhan am iruani' no ilo. Ugar io boo am ongoi sigot pantuwo.

RINALATAN 12:19

Nanusub raja' Irodis ra ulun maguyum ri Pitrus, kaa' kalio nauyum nilo. Panusub io boo koson imumuyin toojo saujor-saujor am papatayin boo. Iruani' boo ru raja' Irodis pagun Judia ti am minayan io ra Kaisaria ra kukula' buoi.