DANIL 3:18 - Tanou Moonsoi Timugon

¹⁸ Kaa' amon ru kalo niayuk baalon No, musiti' mu pabalaan ra kalo sumamba akai ra dewa muno am niayuk migulatur samba ra sinungkalalaing mas ondo' pinabigor muno.”

DANIL 3:18 ပူးပေါင်းရင်းမြစ်များ

1 RAJA'-RAJA' 19:14

Taam i Ilia, “Iou Tuhan, i Aki Kapuuno' Ondo' Maayo Kaga' Kuasa', magail aku mangandoi ayuk Rirun am ra Okou ayuk. Kaa' ulun ru Israil minanggal noyo ra nabantuan nilono Rirun. Pinuut nilo altar Muno am namatoi ra ngaangai' nabi Muno. Aku sangulun ayuk ondo' lakat poyo naayag, am raino masaga' ilo mamatoi pinai raki'!”

1 RAJA'-RAJA' 19:18

Kaa' mamayag Aku ra tulu' ngaribu ngaulun giu' ra Israil, iono ilo ondo' gumagaya' Raki' am kalo poyo igondo' samba ra Baal, kapoam nangalok riso.”

AYUP 13:15

Polosoon i Aki Kapuuno' mamatoi raki' sabap ra nakai' noyo guang kuno, kaa' manaung aku ra baal kuno ra saang Nano.

AMSAL 28:1

Ulun malaat masimbul kabalu' pana kolondo' ulun mangilou risilo, kaa' ulun mabanis guang baani koson ra singa'.

DANIL 3:28

Indagu boo raja', “Koompor noyo i Aki Kapuuno' ondo' sambaan ri Sadrak, Misak am i Abidnigo! Nanusub Io ra malaikat koson mamayag ra ulun ondo' mangandoi ayuk am mangintopot Riso. Minanggal ilo ra susuban kuno am baani matoi intor ra migulatur samba ra dewa ra bokon ondo' ak am i Aki Kapuuno' nilo.

IMAMAT 19:4

“Pai' samba ra sinungkalalaing. Pai' pambaal ra sinungkalalaing intor ra logam am pai' samba raginio. Aku noyo Tuhan i Aki Kapuuno' min.

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

MATIUS 10:39

Osoi ayuk kalo masaga' mampataak ra kaayagan nano, io no matatakan ra kaayagan motopot; kaa' osoi ayuk mampataak ra kaayagan nano sabap ra Aku, makaalap io ra kaayagan motopot.”

MATIUS 16:2

Kaa' taam i Jisus, [“Paat ra mato ru orou no tumolop, mindagu kau, ‘Kalo rumasam sabap ra nangkalamia'.’

RINALATAN 4:19

Kaa' taam i Pitrus am i Juanis, “Guango' min galama' atan motopot ra pagilangan ri Aki Kapuuno': Gumagaya' ramuyun kia kapoam gumagaya' ri Aki Kapuuno'?

IBRANI 11:25

Sabap ra masaga' io ayuk ra imboloon mabaya' ra ulun ri Aki Kapuuno' intor ra mampagagaya' ayuk ra kalaayan ru guang makatula ondo' sangkinolor ayuk moonsoi.

JOSUA 24:15

Amon ru kalo masaga' kau mangandoi ayuk Riso, aruo' noyo raino ri osoi akau mangandoi ayuk, ra tuhan-tuhan ra bokon ondo' sinamba ru kinamatuaan min giu' ra Misopotamia, kapoam ra tuhan-tuhan ru ulun ru Amori giu' ra pagun ondo' inayanan min raino. Kaa' ra aku am sasambaloi kuno, masaga' akai mangandoi ayuk ra Tuhan.”

PINAINTALANG 12:11

Pabukat-pabukat takau nangala noyo riso sabap ra Anak Domba nampasasar ra raraa' Nano, am sabap ra katapatan intor ri Aki Kapuuno' ondo' pinatanou nilo: am nakatampos ilo pampataak ra painawo nilono ra potoyon.