DANIL 3:1 - Tanou Moonsoi Timugon

¹ Paat ra sanganuan nambaal Raja' Nibukadnijar ra rondo' sinungkalalaing intor ra mas: sawat no 27 ngamito am pila' no maar 3 ngamito. Pinabigor no sinungkalalaing no giu' ra intok marata' Dura ra wilayah Babil.

DANIL 3:1 ပူးပေါင်းရင်းမြစ်များ

ABAKUK 2:19

Aibui boo ramuyun sabap mindagu kau ra saputul luton, “Tirong no!” kapoam mindagu ra rondo' batu maayo, “Ingkakat no!” Makaindagu kia sinungkalalaing rirun? Maaru' lair sinungkalalaing inangkupan ra pirok am mas, kaa' sinungkalalaing no kalo mamainawo.

JIRIMIA 16:20

Makapambaal kia ulun ra tuhan nano galama'? Totopot kalo! Atan ondo' binaal nano maaru' sala' ka i Aki Kapuuno' ondo' motopot.”

JISAYA 46:6

Ulun mapaingkual ra mas intor ra katia' nano, am manimbang ra pirok ra timbangan. Mampagaji' io sangulun manukang ra mas koson mambaal ra sinungkalalaing, am sambaan no sinungkalalaing binaal nano.

GOSIA 8:4

“Ulun Kuno nampili' ra raja'-raja' ra kalo nangkuot ra pampaguangan Kuno. Nampili' ilo ra tingganai-tingganai ra kalo nakitaak ra pangiawan Kuno. Nangalap ilo ra mas am pirok am nambaal ra sinungkalalaing ondo' nangkinibit ra kapusaan nilo.

RINALATAN 19:26

Raino nakito min am norongog min noyo galama' atan kia baalon ri Paulus ti. Mindagu io ra atan ayuk sinungkalalaing ondo' baalon ru ulun, ginilo sala' ka Tuhan toojo. Masuang ulun nangintopot riso, sala' ka giti ayuk ra Ipisus ti, kaa' maar makai' pagun Asia ti poyo.

RINALATAN 17:29

Sabap ra itakau anak ri Aki Kapuuno', pai' takau noyo pangkara' ra i Aki Kapuuno' no koson ra sinungkalalaing ondo' binaal ayuk intor ra mas, pirok kapoam batu maya' ra kapandayan ru ulun.

JISAYA 2:20

Bulintok ra orou raginio, patirin ru ulun sinungkalalaing ondo' binaal intor ra pirok am mas, ondo' patatangon no ra tikus am pungit.

MAZMUR 135:15

Sinungkalalaing nilono binaal intor ra pirok am mas, binaal ru kalindu' ru ulun.

1 RAJA'-RAJA' 12:28

Kopongo ra nabuoi nangkara', Raja' Jirobiam nambaal ruo sinungkalalaing sapi' gawayan intor ra mas am indagu ra mamagun nano, “Sama' noyo buoi min minongoi sambayang giu' ra Jirusalim. Raino, akau Israil, gitio noyo tuhan-tuhan min ondo' nagibit ramuyun miningkual intor ra Misir!”

DANIL 5:23

Minanggal kou ra Tuhan panguasa' giu' ra suruga'. Pinakai mu mangkuk-mangkuk ondo' inalap intor ra Baloi ru Tuhan. Okou raja', ulun mangaatang muno, ngaangai' andu' am ruandu' parulug muno nanginum noyo ra wain intor ra mangkuk-mangkuk no, am niayuk nongompor ra dewa-dewa ondo' binaal intor ra mas, pirok, gangsa', basi', tataun am batu – dewa-dewa ondo' kalo makakito, kapoam mokorongog, kapoam makapandai ra atan-atan. Kalo nangurumat kou ri Aki Kapuuno' ondo' makakuasa' mangaru' ra okou no maayag kapoam matoi, am ondo' nanguasa' ra ngaangai' binaal muno.

DANIL 2:48

Kopongo raginio nangani' raja' ri Danil ra intok ondo' masawat, nangani' riso ra tangguang-tangguang ra pinaluntuk, nampasauk riso ra panguasa' ru wilayah Babil am tingganai ru ulun maminson ra raja'.

JIRIMIA 10:9

Sinungkalalaing nilo inangkupan ra pirok intor ra Sipanyol, am inangkupan ra mas intor ra Upas; ngaangai' no binaal ru ulun manukang. Bayang ru sinungkalalaing intor ra konoon matanggilung ra molondom am matanggilung ra mabubula', binaal ru ilo ondo' mapandai toojo mambaal ra konoon.

JISAYA 30:22

Alapon min sinungkalalaing sambaan ondo' inangkupan ra pirok am mas, am patirin koson ra ginsamol. Mindagu kau riso, “Ugar no intor raki'!”

SAGULION 7:25

Solobo' noyo sinungkalalaing nilo. Pai' gogoto' mas am pirok ondo' soroi ra sinungkalalaing nilo, am pai' alap ra kuliamos raginio tayar rirun galama'. Pai' kau pangalap raginio, malumpa' kau ra kapio, sabap masisang Tuhan ra sumamba ra sinungkalalaing.

KAINGKUALAN 32:31

Saguli' i Musa uma' ra Tuhan am indagu, “Nambaal ulun raginilo ra tula maayo. Nambaal ilo ra tuhan intor ra mas am sinamba nilo.

KAINGKUALAN 20:23

Pai' taligama' pambaal ra sinungkalalaing intor ra pirok kapoam mas koson sambaan ra sapapa' Kuno.

PINAINTALANG 9:20

Kaa' ulun-ulun ra bokon ondo' kalo napatoi ra talu kapaganan malaat no, kalo niayuk timinalikur intor ra ondo' binaal ru kalindu' nilo galama'. Kalo liminonggo' ilo sumamba ra riwato am sinungkalalaing ondo' binaal nilo ra mas, pirok, gangsa', batu am tataun. Ginilo kalo makakito, mokorongog kapoam makaugar.

DANIL 3:30

Kopongo raginio kinasawat ru raja' pangkat ri Sadrak, Misak am i Abidnigo giu' ra wilayah Babil.

ESTER 1:1

Giu' ra Susan, pusor bandar ru Pirsia, Raja' Agaswiros namarinta ra 127 wilayah, intor ra India polos ra Itiopia.

DANIL 3:14

Indagu raja' risilo, “Sadrak, Misak am Abidnigo, motopot kia ra kalo masaga' kau sumamba ra dewa kuno am kalo masaga' migulatur ra saang ru sinungkalalaing mas ondo' pinabigor kuno?

DANIL 5:4

Liliwa' nanginum, nongompor ilo ra dewa-dewa ondo' binaal intor ra mas, pirok, gangsa', basi', tataun am batu.

GOSIA 2:8

Ginio ra, bulintok ra manantab luguton Ku saguli' tinaakan Kuno riso, ioginio gandum am wain. Alapon Ku saguli' bulu domba am linon ondo' tinaakan Kuno riso koson saukon ra bayang.

DANIL 2:49

Kaa' ra kitaak ri Danil, nampataak raja' ra kandoi tadbir ru wilayah Babil ri Sadrak, i Misak am i Abidnigo. Kaa' i Danil minayan giu' ra istana raja' am nangandoi ra giu' no.