DANIL 2:48 - Tanou Moonsoi Timugon

⁴⁸ Kopongo raginio nangani' raja' ri Danil ra intok ondo' masawat, nangani' riso ra tangguang-tangguang ra pinaluntuk, nampasauk riso ra panguasa' ru wilayah Babil am tingganai ru ulun maminson ra raja'.

DANIL 2:48 ပူးပေါင်းရင်းမြစ်များ

2 SAMUIL 19:32

I Barjilai ti matutuo noyo kaga'. Io ti balu' ngoopor ngambilor noyo. Langkaya' io kaga', am buoi ru raja' minayan giu' ra Maganaim ragili, i Barjilai ondo' manaak ra akanon ra raja'.

2 RAJA'-RAJA' 5:1

I Naaman ti sangulun panglima saujor ru pagun ru Siria. Io ti urumaton kaga' am kaansayin kaga' ru raja' ru Siria, sabap ra i Naaman ti, nangani' Tuhan ra kamanangan ra pulalai saujor ru Siria. I Naaman ti sangulun panglima ra mapanggol, kaa' makamaruol io ra maruol ru kungkung ondo' maaja' kaga'.

AYUP 1:3

am niayuk mokoondo' ra suang 7,000 ngainan domba, 3,000 ngainan unta am 1,000 ngainan sapi' am 500 ngainan kaladai. Io niayuk mokoondo' masuang ulipon, am io noyo ulun ondo' langkaya' kaga' ra gino ngai' mamagun giu' ra libung ru Sirangon.

JIRIMIA 5:5

Mongoi aku ra tingganai-tingganai am mindagu risilo. Maaru' makapandai ilo ra gogoton ri Aki Kapuuno' nilo, am susuban ru Tuhan nilo.” Kaa' ilo ngaangai' nangimpai ra kakuasaan ru Tuhan am marara' gumagaya' Riso.

DANIL 2:6

Kaa' amon ru maalap min mambala' ra inupi kuno am arati' no, mangani' aku ra tangguang ondo' moonsoi kaga' am pangurumatan ondo' maayo ramuyun. Raino pabalaa' inupi kuno am arati' no.”

DANIL 3:1

Paat ra sanganuan nambaal Raja' Nibukadnijar ra rondo' sinungkalalaing intor ra mas: sawat no 27 ngamito am pila' no maar 3 ngamito. Pinabigor no sinungkalalaing no giu' ra intok marata' Dura ra wilayah Babil.

DANIL 3:12

Kukula' ngaulun ru Jaudi ondo' sinauk muno ra ulun mampaugar ra kandoi tadbir ra wilayah Babil kalo gumagaya' ra susuban muno. Ilo iono i Sadrak, Misak am Abidnigo. Ilo kalo migulatur am sumamba ra dewa muno, ondo' niayuk ra sinungkalalaing ondo' pinabigor muno.”

DANIL 3:30

Kopongo raginio kinasawat ru raja' pangkat ri Sadrak, Misak am i Abidnigo giu' ra wilayah Babil.

DANIL 4:6

Nanusub aku ra ngaangai' ulun maminson giu' ra Babil maa' raginio matong muma' am mambala' ra arati' ru inupi kuno.

DANIL 4:9

Okou Biltsajar, tingganai ru ulun ondo' mapandai, nakapandai aku ra ambiluo ru dewa-dewa ondo' mapasau soroi rirun, am makarati' kou ra ngaangai' ondo' nakasibuni ondo' malandom. Gitio noyo inupi kuno. Pambala' ra arati' nano.

DANIL 5:11

Mokoondo' sangulun ralalom ru pamarintaan muti ondo' nokoowot ra kuasa' intor ra ambiluo ru dewa-dewa ondo' mapasau. Paat ra pamarintaan ru ama' muno, ulun no nampainono' ra kaligagan, kapandayan am kapintaran koson ra kapintaran ru dewa-dewa. Ama' muno, Raja' Nibukadnijar, nampasauk riso ra tingganai ru ngaangai' ulun mangilong, ulun mapandai kaga' ra sihir, ulun makakapandayan am ulun mapandai kaga' ra nujum.

DANIL 5:16

Nokorongog aku ra okou makapambala' ra arati' ru ondo' noopot-noopot ondo' malandom am nakasibuni. Amon ru maalap mu kabasa' am pakabala' arati' ru tulisan no, aniin kou ra bayang ru raja', iono sukub matanggilung am sisigot mas tatandu' maayo, am pasaukon kou ra panguasa' katalu ralalom ru pamarintaan ti.”

DANIL 5:29

Paat raginio niayuk Raja' Bilsyajar nanusub ra ulipon-ulipon nano nampabayang ra bayang ru raja', iono sukub matanggilung ri Danil, am sisigot mas tatandu' maayo pinasisigot ra liog nano. Pinasauk io ru raja' ra panguasa' katalu ralalom ru pamarintaan no.

DANIL 5:7

Golok raja' nampiau ra ulun mapandai kaga' ra sihir, ulun makakapandayan, am ulun mapandai kaga' ra nujum. Paat ra ilo muma', indagu raja' risilo, “Osoi ayuk makabasa' ra tulisan no am niayuk mambala' ra arati' no aniin ra bayang ru raja', iono sukub matanggilung am sisigot mas tatandu' maayo. Ulun no pasaukon ra panguasa' katalu ralalom ru pamarintaan ti.”

DANIL 8:27

Malawo aku am narualan buoi kukula' ngoorou. Kopongo raginio sukal aku am saguli' nambaal ra kandoi ondo' pinataak ru raja'. Magalabo aku mangkara' ra pinaintalang no am kalo makarati' raginio.

UNTABAN 24:11

Raino uli' noyo! Kabalu' pana nambantu' aku mambayar rirun, kaa' Tuhan kalo mangiou rirun mangapu ra bayaran muno.”

1 SAMUIL 17:25

Konilo ra rondo' am bokon, “Ilai' ga boo io! Rongogo' anggal nano! Nambantu' noyo Raja' Saul ra ulun ondo' makapamatoi ri Goliat aniin ra taak ondo' maayo. Paanduin niayuk ru Raja' no anak ruandu' nano ra ulun raginio, am sasambaloi ru ulun raginio kalo boo pana mambayar ra cukai.”

1 SAMUIL 2:8

Io mangkayang ra ulun musikin intor ra kaimbalaan, am Io mapalabus ra ulun asabin intor ra kaimbalaan. Ilo pasaukon ra rangan ru ulun mangaatang ondo' makapangkat, am aniin ra intok maatang kaga'. Lonor ru tana' ti longgom ru Tuhan, giu' ra ralimbou ru lonor no, tinirong no tana' ti.

1 SAMUIL 25:2

Giu' ra bandar Maon mokoondo' sangulun ungkuyon makainggalan ri Nabal, intor ra bansa' Kalib. Io ti mokoondo' ra tana' mamaar ra bandar Karmil. Io ti langkaya' kaga' am mokoondo' ra talu ngaribu ngainan domba am saribu ngainan kambing. I Abigail andu' nano, maligag am mantalur, kaa' i Nabal ti makuliga' am makapaliso ra malaat. Rondo paat raginio tatanga' i Nabal mopolompor ra bulu ru domba nano giu' ra Karmil.