DANIL 2:47 - Tanou Moonsoi Timugon

⁴⁷ Kon ru raja', “Sotopot no i Aki Kapuuno' muno matulai ra gino ngai' ru dewa; Io no Tuhan ru ngaangai' raja', am nanulu' Io ra ngaangai' ondo' nakasibuni. Nakapandai aku ra baal raginio sabap ra makapambala' kou ra sinail ondo' nakasibuni no.”

DANIL 2:47 ပူးပေါင်းရင်းမြစ်များ

KASAUKAN 41:39

Indagu raja' no ri Jusup, “Tinuluan kono ri Aki Kapuuno' ra ngaangai' ti. Sabap no ra napandayan noyo ra okou ti makaguang am mapintar poyo intor ra ulun ra bokon.

2 RAJA'-RAJA' 5:15

I Naaman nabaya' ra ngaangai' ru namaya' riso no siminaguli' ri Ilisa. Kon ri Naaman, “Raino nakapandai aku ra rondo' ayuk i Aki Kapuuno' ra titikop ru tana' ti, iono i Aki Kapuuno' ru Israil. Kasaga' no mangapu ra taak kutu.”

AYUP 12:19

pinainggana' No imam-imam am ulun makakuasa'.

MAZMUR 136:2

Paringkuanang no ri Aki Kapuuno' Ondo' Masawat Kaga'; togom Nano mantilayun.

MAZMUR 136:3

Paringkuanang no ra Tuhan Ondo' Maayo Kaga'; togom Nano mantilayun.

MAZMUR 72:11

Ngaangai' raja' migulatur samba ra saang nano, am ngaangai' bansa' sumauk ra ulipon nano.

MAZMUR 82:1

Mazmur ri Asap. I Aki Kapuuno' maningganai ra pansusunuran maatang ra suruga'; saang ru ngaangai' ondo' maayag ra suruga' manaak Io ra pamatasan Nano,

MAZMUR 96:4

Tuhan no matulai am musiti' Io omporon kasawato', musiti' Io urumaton makasail poyo intor ra ngaangai' ru dewa.

YEHEZKIEL 26:7

Indagu Tuhan Raja', “Mangkinibit Aku ra Raja' Nibukadnijar intor ra Babilonia mamulunsar ra Tirus. Raja' ra maikang kaga' no matong intor ra ralayo mabaya' ra pulalai saujor ondo' maayo kaga', am masuang kuda, kurita' kuda am pulalai mangkuda.

DANIL 11:36

“Raja' ru Siria mambaal maya' ra kasagaan ru guang. Nabaya' ra kalimbawan, karaan ru raja' ra maayo io poyo intor ra dewa ru ati pana, am poyo makakuasa' poyo intor ri Aki Kapuuno' Ondo' Masawat Kaga'. Nambaal raja' no raginio saboi ra paat ri Aki Kapuuno' mangukum riso. Baalon ri Aki Kapuuno' totopot koson ra inatangan Nano.

DANIL 2:19

Paat rondom raginio niayuk nampatutun i Aki Kapuuno' ra ondo' nakasibuni ra inupi no ri Danil ralalom rondo' pinaintalang. Pongompor i Danil ri Aki Kapuuno' panguasa' giu' ra suruga' am indagu,

DANIL 2:22

Io mampatutun ra ondo' nakasibuni ondo' malandom kaga'; Nakapandai Io ra baal ondo' nakasibuni ralalom kalandaman, linibungan Io ru sinda.

DANIL 2:28

Kaa' i Aki Kapuuno' panguasa' giu' ra suruga', nampatutun ra ngaangai' ondo' nakasibuni; nambala' Io rirun intor ra orou matong. Ginio ra iowo' aku mantunung ra inupi muno, iono pinaintalang ondo' nakito muno paat nombolong.

DANIL 2:29

Tatanga' ra okou nombolong, naginupi kou intor ra baal ru orou matong, am nanulu' i Aki Kapuuno' ra ngaangai' ondo' nakasibuni nampakito ra baal ondo' masauk no rirun.

DANIL 2:30

Nambala' noyo toojo i Aki Kapuuno' ra ondo' nakasibuni ra inupi no raki', sala' ka sabap no ra aku mapintar poyo intor ra osoi pana, kaa' maa' raginio maratian mu inupi no am makarati' ra suang ru guang muno.

DANIL 2:37

Okou raja' ondo' matulai. I Aki Kapuuno' panguasa' giu' ra suruga' nampasauk rirun ra sangulun raja' maayo kaga'. Nangani' Io rirun ra kuasa', kaikangan am urumat.

DANIL 3:15

Raino paat ra akau mokorongog ra bolos ru bujung, suling, rebab, gambus, jitor am kuliamos ru miujik ra bokon, migulatur kau am samba ra sinungkalalaing no. Amon ru kalo, indibakin kau papatiron ra rapuan ondo' bibilak. Ati kia ra dewa ondo' makapamayag ramuyun?”

DANIL 3:28

Indagu boo raja', “Koompor noyo i Aki Kapuuno' ondo' sambaan ri Sadrak, Misak am i Abidnigo! Nanusub Io ra malaikat koson mamayag ra ulun ondo' mangandoi ayuk am mangintopot Riso. Minanggal ilo ra susuban kuno am baani matoi intor ra migulatur samba ra dewa ra bokon ondo' ak am i Aki Kapuuno' nilo.

DANIL 3:29

“Raino rongogo' raguon kutu: Osoi ayuk intor ra bansa', bansa' boborok kapoam ragu ra atan ayuk ondo' magasab ri Aki Kapuuno' ri Sadrak, Misak am niayuk i Abidnigo, puputulon, am baloi nano gabaan am saukon ra tuntur ru nalunsai. Kolondo' dewa ondo' makapambaal ra ondo' binaal ri Aki Kapuuno' nilo.”

DANIL 4:17

Ginio noyo kapatasan ru malaikat-malaikat ondo' mapintar am pagilalain. Ginio ra, ulun ra ati ayuk makapandai ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano, am poyo ra ulun ondo' totopot kalo maatang.’

DANIL 4:25

Pagiruon kou intor ra ulun manampagun, am mayan simpung ra bibiag masigo. Buoi tulu' ngambilor okou mangakan ra sakot koson ra sapi', mombolong giu' ra tana' malimparang saboi basaan ru bolobou. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.

DANIL 4:32

Pagiruon kou intor ra ulun manampagun, am mayan giu' ra tatanga' ru bibiag masigo. Mangakan kou ra sakot koson ra sapi' buoi tulu' ngambilor. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.”

DANIL 5:11

Mokoondo' sangulun ralalom ru pamarintaan muti ondo' nokoowot ra kuasa' intor ra ambiluo ru dewa-dewa ondo' mapasau. Paat ra pamarintaan ru ama' muno, ulun no nampainono' ra kaligagan, kapandayan am kapintaran koson ra kapintaran ru dewa-dewa. Ama' muno, Raja' Nibukadnijar, nampasauk riso ra tingganai ru ngaangai' ulun mangilong, ulun mapandai kaga' ra sihir, ulun makakapandayan am ulun mapandai kaga' ra nujum.

AMOS 3:7

Tuhan Raja' kalo igondo' nambaal ra rondo' pana ra kalo nambala' galing ra inatangan Nano ra nabi-nabi, ulipon-ulipon Nano.

1 KORINTUS 14:25

Ginio boo ra atan ondo' soroi ra guang nano makasalula', saboi sumamba io ri Aki Kapuuno' mabaya' ra guang minggana' am mangiou ra, “I Aki Kapuuno' topot-topot soroi ramuyun.”

SAGULION 10:17

Tuhan i Aki Kapuuno' mino makakuasa' ra ngaangai' tuhan ra bokon am ngaangai' kakuasaan. Matulai am makakuasa' Io, am musiti' gagayaan Io. Kalo magimbas am kalo mangapu ra rasua.

1 TIMOTIUS 6:15

Ratangan Nano aruon ri Aki Kapuuno' galama', ondo' rorondo' ayuk Mangunguasa' ru ngaangai', Matulai Io, Raja' ru ngaangai' raja' am Tuhan ru ngaangai' tuan.

JOSUA 22:22

“Ondo' Maayo Kaga' Kuasa' iono i Aki Kapuuno'! Io noyo Tuhan! Ondo' Maayo Kaga' Kuasa' iono i Aki Kapuuno'! Io noyo Tuhan! Nakapandai Io kua pambaal akai koson raginio am masaga' akai ra akau makapandai niayuk! Amon ru gumuor akai ra Tuhan am kalo mangintopot Riso, potoyo' akai raino niayuk!

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

PINAINTALANG 19:16

Sukub Nano am ra paa Nano tinulisan ra inggalan koson ragitio, “Raja' ru ngaangai' raja' am Tuhan ru ngaangai' tuan”.