Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




DANIL 2:45 - Tanou Moonsoi Timugon

45 Nakito muno batu no naratu' galama' intor ra tobo, am niayuk nakatiu' ra sinungkalalaing ondo' binaal intor ra basi', tambaga', tana' lia', pirok am mas no. I Aki Kapuuno' ondo' maayo tatanga' mambala' rirun ra baal ru orou matong. Ginio noyo inupi muno sotopot no, am arati' nano maalap kaintopot.”

အခန်းကိုကြည့်ပါ။ ကော်ပီ




DANIL 2:45
32 ပူးပေါင်းရင်းမြစ်များ  

Tulu' ngainan sapi' mongolomok no tulu' ngambilor. Tulu' ngaumi gandum ra makaumas no tulu' ngambilor niayuk. Arati' nano nogondo'.


Koson ra pinabala' ku noyo rirun, nambala' noyo i Aki Kapuuno' rirun ra atan baalon Nano.


Nanginduaan ra inupi muno, arati' no baal raginio inaru' noyo ri Aki Kapuuno' am baalon No ginio ra mataki'.


Matulai Kou kaga', iou Tuhan Raja'! Okou kolondo' pogondo'; intor ragili nakapandai akai ra Okou noyo rorondo' i Aki Kapuuno'.


Tuhan no matulai, am musiti' omporon toojo; musiti' Io urumaton masailan poyo intor ra ngaangai' dewa.


Pakakito aku ra mangalaa' mamagun, indagu aku risilo, tingganai-tingganai am pagawai-pagawai nilo, “Pai' kalaa' ra pantula'. Karaa' mumpara' gayo am kinatulai ru Tuhan takau, am ingkotog kano gumula' tayar ru pabukat-pabukat min, anak andu' min am baloi-baloi min.”


“Iou i Aki Kapuuno', i Aki Kapuuno' mai ondo' maayo! I Aki Kapuuno' ondo' makakuasa' am matulai! Nabaya' ra gagaya' sinugut Mu ngaangai' nabantuan. Intor ra raja'-raja' ru Asyur nangimbolo' ramon, saboi raino kaimbalaan ondo' mailian mai maagat kaga'. Raja'-raja', tingganai-tingganai, imam-imam am nabi-nabi mai, kinamatuaan am ngaangai' ulun naimbolo' noyo. Karaa' noyo, iou Aki Kapuuno', mapara' poros ru kaimbalaan mai.


Kalo makapandai takau ra katulayan ri Aki Kapuuno' ra sotopot no, kapoam manguntob ra suang ru bilor Nano.


Nakapandai aku ra Tuhan takano makakuasa'; makakuasa' Io toojo ka tuhan ra bokon.


Tuhan no matulai am maaya' omporon toojo, katulayan Nano kalo maratian takau.


Kuliagayon mu ilo ra pamarintaan ru kalindu' basi'; kuliagayon mu ilo koson ra pagangan ru tana'.’ ”


Tuhan no matulai am musiti' Io omporon kasawato', musiti' Io urumaton makasail poyo intor ra ngaangai' ru dewa.


Kaa' gitio noyo ragu ru Tuhan Raja', “Pabantaan Ku batu maatang ondo' mologo am mokotog ra Sion; rondo' batu mokologo ra makabatik ragitio, ‘Osoi-osoi mangintopot am mirot, ilo kalo jumuung ayuk pakiala.’


Kopongo raginio ongoi i Danil ri Ariok, ulun ondo' sinusub koson mamatoi ra ulun-ulun maminson ra raja'. Kon ri Danil riso, “Pai' potoyo' ulun-ulun maminson no. Ibito' aku muma' ra raja' am mambala' aku ra arati' ru inupi ru raja'.”


Kaa' i Aki Kapuuno' panguasa' giu' ra suruga', nampatutun ra ngaangai' ondo' nakasibuni; nambala' Io rirun intor ra orou matong. Ginio ra iowo' aku mantunung ra inupi muno, iono pinaintalang ondo' nakito muno paat nombolong.


Tatanga' ra okou nombolong, naginupi kou intor ra baal ru orou matong, am nanulu' i Aki Kapuuno' ra ngaangai' ondo' nakasibuni nampakito ra baal ondo' masauk no rirun.


Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.


Sabap ra ruung nano, makasugut io ralalom ru pamparuungan nano. Lumimbau io ra inan nano, am mamuso ra masuang ulun ra kalo mangani' ra pampakaraan. Io no poyo ondo' baani manggal ra Raja' Ondo' Maayo Kaga'. Kaa' pusoon io ra sala' ka ra kuasa' ru ulun.


mamparatu' ra pamarintaan, am manutuk ra kuasa' nilo. Palapiaton Ku kurita'-kurita' kuda am ulun nampaugar no; ngaangai' kuda matoi am ulun-ulun nangura' no mampatoi ra rondo' am bokon.


Paat ra tauli no, pasaukon Ku Jirusalim koson ra batu ondo' maagat. Ati-ati bansa' ondo' kuminam mangkayang riso mapilatan. Ngaangai' bansa' ra tana' ti magamung koson mamulunsar ra Jirusalim.


Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!


Taam i Jisus, “Mangkuot Aku niayuk ramuyun. Amon ru mataam min, bagu no mambala' Aku kuasa' ra atan Aku makapambaal raginio.


Limbowon am tana' ti mapuso, kaa' ragu Kutu mantilayun.”


Pangkuot kukula' ngaulun ru Parisi ri Jisus sanggilan i Aki Kapuuno' matong mamarinta. Taam i Jisus, “Kolondo' tatandu' makito ra pamarintaan ri Aki Kapuuno' no matong.


Tuhan i Aki Kapuuno' mino makakuasa' ra ngaangai' tuhan ra bokon am ngaangai' kakuasaan. Matulai am makakuasa' Io, am musiti' gagayaan Io. Kalo magimbas am kalo mangapu ra rasua.


Ginio nai ra tulisi' noyo baal ondo' makito muno, baal soroi ra raino ti am baal masauk ra maagu no.


Kakito ku boo rondo' malaikat minigor ra mato ru orou. Giminolok io ra bolos mosongou ra ngaangai' kanui, “Ibok ongoi akan ra bunsag maayo ondo' pinatampos ri Aki Kapuuno'.


Kopongo raginio, pakitono' aku poyo. Ilai' ku naukab rondo' kulobon giu' ra suruga' no. Am naining ku bolos koson ra bujung, ondo' minindagu raki' ra talimpuun i, kono, “Pagaloi. Tuluin tokou atan ondo' inaru' masauk malupus ragitio.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ