DANIL 2:40 - Tanou Moonsoi Timugon

⁴⁰ Mopongo raginio rondo' pamarintaan ra kaapat ondo' maikang koson ra basi' momopol am manutuk ra ngaangai' no. Koson ra basi' nanutuk ra ngaangai' no, koson niayuk ra pamarintaan no momopol am manutuk ra ngaangai' pamarintaan ra bokon no.

DANIL 2:40 ပူးပေါင်းရင်းမြစ်များ

AYUP 9:17

Inulisap No aku ra bagiu' mapuor kaga', am nangambai ra pilat kuno ra kolondo' sasaban.

JIRIMIA 15:12

Kolondo' sangulun pana makapamandak ra basi', mulu' poyo basi' intor ra ralayo ondo' linatakan ra gangsa'.)

DANIL 2:33

paa am tonok nano intor ra basi', am kalayam nano santayaran intor ra basi' am santayaran poyo intor ra tana' lia'.

DANIL 2:39

Mopongo pamarintaan muno mapupusan, sumalula' rondo' pamarintaan ondo' kalo maayo koson ra pamarintaan muno. Mopongo raginio sumalula' pamarintaan ra katalu, ondo' tatandu' no tambaga', ondo' mamarinta ra titikop ru tana'.

DANIL 2:41

Nakito muno kalayam am bubua' ru kalayam ru sinungkalalaing no binaal intor ra basi' am tana' lia'. Arati' no ra pamarintaan no matayar-tayar. Pamarintaan no niayuk mokoondo' ra kaikangan koson ra basi' sabap ra tana' lia' no naratok ra basi'.

DANIL 7:7

Tatanga' aku magilong, bibiag kaapat poyo siminalula'. Bibiag no maikang kaga', masangit am makalalaa'. Ripon basi' nano ondo' maayo, bibiag no manutuk ra ondo' akanon nano, am kikinjangin no. Nansuai ra bibiag-bibiag ra kalo poyo ginio, bibiag no mokoondo' mopor sangau.

DANIL 8:24

Masauk io ra maikang kaga', kaa' sala' ka sabap no ra kuasa' nano galama'. Mangkinibit io ra kapusaan ondo' makalalaa', am makasugut ralalom ru pirot baalon nano. Mamuso io ra ulun ondo' maikang kaga', am ulun ri Aki Kapuuno' niayuk.

DANIL 9:26

Pompor ru paat raginio, tingganai ondo' pinili' ri Aki Kapuuno' no potoyon kabalu' pana kolondo' sala nano. Bandar Jirusalim am Baloi ru Tuhan pusoon ru pulalai ru saujor ru sangulun raja' ondo' makakuasa'. Pupus ru ginio sumaboi koson ra liur ondo' magibit ra pampatayan am kapusaan ondo' inaru' noyo ri Aki Kapuuno'.

AMOS 1:3

Indagu Tuhan, “Mamagun ru Damsyik ruruli' noyo makatula, ginio ra maaru' ukumin Ku ilo. Pamakuan nilo ra ulun Giliad malaat kaga'.

JUANIS 11:48

Amon ru polosoon takau ayuk Io, ngaangai' ru ulun mangintopot Riso. Pupus no, tingganai ru pagun Roma mongoi pampalunsai ra Baloi Tuhan takau am mamuso ra ngaangai' bansa' takau.”