DANIL 2:35 - Tanou Moonsoi Timugon

³⁵ Pulali' ru sinungkalalaing no naaba' am nasauk ra tuntur ru basi', tana' lia', tambaga', pirok am mas ondo' naumok koson ra kaau giu' ra intok mangagik ra gandum bulintok ra malasu'. Angin pana nanampui riso ra kalo nanatang ra atan pana babaya'. Kaa' batu no nasauk ra rondo' gunung ondo' namapak ra titikop ru tana' ti.

DANIL 2:35 ပူးပေါင်းရင်းမြစ်များ

AYUP 6:17

Paat masaboi bulintok malasu', ais am timug mokotog lumiot ra kolondo' babaya'; am lonor ru sungoi boborok nasauk mapua' am kolondo' tutuu'.

MAZMUR 103:16

Bulintok masiob ru angin, bunga' no matatak, kolondo' boo ulun makakito riso.

MAZMUR 22:27

Ulun balabag mangkan am maasug; ilo ondo' matong ra Tuhan mongompor Riso. Gama' lumangkaya' ilo ra sabubuoi no!

MAZMUR 37:10

Ulun malaat mapuso ra mataki'; kabalu' pana uyumon, kalo boo majampa' ilo.

MAZMUR 37:36

Aku pana nansail kaa' kalio ilo boo; inuyum ku ilo kaa' kalo najampa' ku.

MAZMUR 46:9

Ibok, ilai' ga atan ondo' binaal ru Tuhan. Ilai' ga, binaal ri Aki Kapuuno' ra tana' ti makaimuag kaga'.

MAZMUR 66:4

Ngaangai' ulun ra tana' ti sumamba Rirun; marimbai ilo mongompor ra inggalan Muno.”

MAZMUR 86:9

Ngaangai' ru bansa' ra inangun Muno rumatong, iou Tuhan, mongoi ilo samba Rirun am mongompor ra katulayan Muno.

JISAYA 11:9

Giu' ra Sion, Bulur Matulai ri Aki Kapuuno', kolondo' atan-atan pana malaat kapoam makalalaa'. Tana' ti mapanu' ra ulun ondo' makaulig am mangurumat ra Tuhan koson ra raat nototop ra timug.

JISAYA 8:9

Pantitimung kano ra malaa', alii ra ngaangai' bansa'! Rongogo' noyo, alii ra intok-intok ra maalur. Tampos kano koson mangayou, kaa' kalaa' kano! Iou, tampos kano, kaa' ra guang malaa'!

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

GOSIA 13:3

Ginio ra lumiot ilo koson ra gaun mapulak kapoam bolobou paat ra susuab ti. Masauk ilo koson ra apol ondo' siabin ru angin intor ra intok pangagikan ra gandum, am koson ra lisun ondo' miningkual intor ra intok no.

MIKA 4:13

Indagu Tuhan, “Mamagun ru Jirusalim kau ngai', ongoyo' ukumi' pantula' min! Mampasauk Aku ramuyun maikang koson ra sapi' ungkuyon ondo' makasangau basi' am makasalindu ra tambaga'. Masuang bansa' pinuso min, am kalangkayaan nilo ondo' naalap ralalom ru kalaatan masauk ra pataakon min Raki', Tuhan ru limbowon am tana' ti.”

JAKARIA 12:3

Paat ra tauli no, pasaukon Ku Jirusalim koson ra batu ondo' maagat. Ati-ati bansa' ondo' kuminam mangkayang riso mapilatan. Ngaangai' bansa' ra tana' ti magamung koson mamulunsar ra Jirusalim.

1 KORINTUS 15:25

Sabap ri Kristus musiti' mamarinta saboi ngaangai' pantula' Nano patindukuon ri Aki Kapuuno' Riso.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 12:8

kaa' kinala ilo. Tambuakal am malaikat-malaikat nano kalo boo paayanon ra suruga' no.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.