DANIL 2:29 - Tanou Moonsoi Timugon

²⁹ Tatanga' ra okou nombolong, naginupi kou intor ra baal ru orou matong, am nanulu' i Aki Kapuuno' ra ngaangai' ondo' nakasibuni nampakito ra baal ondo' masauk no rirun.

DANIL 2:29 ပူးပေါင်းရင်းမြစ်များ

KASAUKAN 41:25

Indagu i Jusup ra raja' no, “Karuo-ruo inupi no nogondo' arati'. Nambala' noyo i Aki Kapuuno' rirun ra atan baalon Nano.

YEHEZKIEL 38:10

Indagu Tuhan ra Raja' ri Gog, “Paat raginio, baalon muno inatangan malaat.

DANIL 2:22

Io mampatutun ra ondo' nakasibuni ondo' malandom kaga'; Nakapandai Io ra baal ondo' nakasibuni ralalom kalandaman, linibungan Io ru sinda.

DANIL 2:23

Mongompor aku am mangurumat Rirun, iou i Aki Kapuuno' ru kinamatuaan kuno. Nangani' Kou raki' ra kapintaran am kaikangan; nangiou Kou ra pakiasian kuno, am nangani' ramon ra pataamon ra raja'.”

DANIL 2:28

Kaa' i Aki Kapuuno' panguasa' giu' ra suruga', nampatutun ra ngaangai' ondo' nakasibuni; nambala' Io rirun intor ra orou matong. Ginio ra iowo' aku mantunung ra inupi muno, iono pinaintalang ondo' nakito muno paat nombolong.

DANIL 2:45

Nakito muno batu no naratu' galama' intor ra tobo, am niayuk nakatiu' ra sinungkalalaing ondo' binaal intor ra basi', tambaga', tana' lia', pirok am mas no. I Aki Kapuuno' ondo' maayo tatanga' mambala' rirun ra baal ru orou matong. Ginio noyo inupi muno sotopot no, am arati' nano maalap kaintopot.”

DANIL 2:47

Kon ru raja', “Sotopot no i Aki Kapuuno' muno matulai ra gino ngai' ru dewa; Io no Tuhan ru ngaangai' raja', am nanulu' Io ra ngaangai' ondo' nakasibuni. Nakapandai aku ra baal raginio sabap ra makapambala' kou ra sinail ondo' nakasibuni no.”

AMOS 4:13

Sotopot no, i Aki Kapuuno' ondo' nambaal ra kagunungan; Io niayuk nampasauk ra angin. Pinabala' No inatangan Nano ra ulun. Kinulau No matawang masauk molondom; giu' ra rasawat ru tampak-tampak ru tana' mugar Io, Tuhan i Aki Kapuuno' Ondo' Maayo Kaga' Kuasa', ginio noyo inggalan Nano.