DANIL 2:28 - Tanou Moonsoi Timugon

²⁸ Kaa' i Aki Kapuuno' panguasa' giu' ra suruga', nampatutun ra ngaangai' ondo' nakasibuni; nambala' Io rirun intor ra orou matong. Ginio ra iowo' aku mantunung ra inupi muno, iono pinaintalang ondo' nakito muno paat nombolong.

DANIL 2:28 ပူးပေါင်းရင်းမြစ်များ

KASAUKAN 40:8

Taam ilo, “Akai ruo ti naginupi, kaa' kolondo' sangulun pana ragiti makapambala' toojo ra arati' ru inupi maili.” Indagu i Jusup, “I Aki Kapuuno' ayuk makapapaarati' ra inupi. Tunungi' min aku ra inupi mini.”

KASAUKAN 41:16

Taam i Jusup, “Raja' mai ra matulai kaga', sala' ka aku kaa' i Aki Kapuuno' ondo' makapambala' ra arati' ru inupi no ra motopot.”

KASAUKAN 41:25

Indagu i Jusup ra raja' no, “Karuo-ruo inupi no nogondo' arati'. Nambala' noyo i Aki Kapuuno' rirun ra atan baalon Nano.

KASAUKAN 49:1

Piawo' ri Jakub anak-anak ungkuyon nano am indagu, “Tulibung kano am balain takamin ra atan ondo' masauk ramuyun ra tauli no:

MAZMUR 115:3

I Aki Kapuuno' mai soroi ra suruga'; suguton No atan kasaga' Nano.

JISAYA 2:2

Bulintok orou ra matong bulur intok ru Baloi ru Tuhan masauk ra bulur ondo' masawat kaga' ra ilo ngai' bulur ra bokon. Ngaangai' bansa' saguguluyur mongoi ra giu',

JIRIMIA 10:7

Osoi ondo' marara' mangurumat Rirun, raja' ru ngaangai' bansa'? Okou no totopot urumaton ru ngaangai'. Okou kolondo' pogondo' ra ngaangai' ulun mapintar intor ra bansa'-bansa', kapoam raja'-raja' nilo.

JIRIMIA 48:47

Kaa' paat ra orou matong no, saukon ru Tuhan Moab ra langkaya' saguli'. Nakaindagu noyo Tuhan ra ngaangai' baal raginio masauk ra Moab.

YEHEZKIEL 28:3

Indoson mu ra mapintar kou poyo intor ri Danil, saboi mapandayan mu ngaangai' ondo' inopot.

YEHEZKIEL 38:16

am mamulunsar ra Israil, ulun Kuno, koson ra bagiu' mapuor am rasam maawas lumumpa' ra tana' ti. Paat raginio, manusub Aku rirun koson mamulunsar ra pagun Kuno. Ra binaal Kuno pinabala' galing rirun, makapandai boo bansa'-bansa' ra Aku ti matulai.

YEHEZKIEL 38:8

Kopongo kukula' ngambilor, Susubon Ku io mamulunsar ra Israil, pagun ondo' tinirong noyo saguli' kalupus nalunsai sabap ra pangayawan. Pagun no lair noyo nokoloso nasauk ra kolondo' tutuu' am masiluk, am saguli' boo ulun ru Israil intor ra pagun-pagun ra bokon ra kagunungan ru pagun nilo. Raino ilo ngaangai' naayag ra kaansayan.

DANIL 1:20

Moonong raja' mangkuot ra ondo' pataamon no maawar am karaan toojo, makapandai raja' ra pataamon am guangon ru kaapat ngaulun ungkuyon mamulok no inggopor moonsoi poyo intor ra pataamon am guangon ru ngaangai' ulun mangilong am ulun mapandai kaga' ra sihir giu' ra titikop ru pamarintaan nano.

DANIL 10:14

Raino matong aku koson mambaal rirun makarati' ra baal ondo' masauk ra bansa' muno. Pinaintalang no intor ra baal ru orou matong.”

DANIL 2:18

Nanusub io risilo makiasi' ri Aki Kapuuno' panguasa' giu' ra suruga' maa' raginio makaasi' Io risilo am mampatutun ra ondo' nakasibuni ra inupi no risilo, maa' raginio kalo potoyon ilo mababaya' ra ulun maminson ra bokon giu' ra Babil.

DANIL 2:22

Io mampatutun ra ondo' nakasibuni ondo' malandom kaga'; Nakapandai Io ra baal ondo' nakasibuni ralalom kalandaman, linibungan Io ru sinda.

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

DANIL 2:45

Nakito muno batu no naratu' galama' intor ra tobo, am niayuk nakatiu' ra sinungkalalaing ondo' binaal intor ra basi', tambaga', tana' lia', pirok am mas no. I Aki Kapuuno' ondo' maayo tatanga' mambala' rirun ra baal ru orou matong. Ginio noyo inupi muno sotopot no, am arati' nano maalap kaintopot.”

DANIL 2:47

Kon ru raja', “Sotopot no i Aki Kapuuno' muno matulai ra gino ngai' ru dewa; Io no Tuhan ru ngaangai' raja', am nanulu' Io ra ngaangai' ondo' nakasibuni. Nakapandai aku ra baal raginio sabap ra makapambala' kou ra sinail ondo' nakasibuni no.”

DANIL 4:5

Kaa' paat ra sangarawan ra aku tatanga' nombolong, naginupi aku am nakaalap ra pinaintalang ondo' makalalaa'.

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

AMOS 4:13

Sotopot no, i Aki Kapuuno' ondo' nambaal ra kagunungan; Io niayuk nampasauk ra angin. Pinabala' No inatangan Nano ra ulun. Kinulau No matawang masauk molondom; giu' ra rasawat ru tampak-tampak ru tana' mugar Io, Tuhan i Aki Kapuuno' Ondo' Maayo Kaga' Kuasa', ginio noyo inggalan Nano.

UNTABAN 24:14

Indagu i Biliam ra Raja' Balak, “Raino masaga' aku muli' ra bansa' kuli. Kaa' ra kalo poyo mugar aku, polosoo' aku no mambala' rirun ra atan ondo' baalon ru ulun ru Israil ra bansa' muno ra orou tauli no.”

MATIUS 6:9

Sotopot no koson ragitio akau makiasi': ‘Ama' mai giu' ra suruga', omporon inggalan Muno.

SAGULION 31:19

Raino tulisi' noyo rimbai ragitio am ilaa' ra ulun ru Israil. Rimbai ragitio masauk ra sasi' risilo.

SAGULION 4:30

Paat ra akau ralalom kapaganan am ngaangai' baal makalalaa' no makalumpa' ramuyun, bagu no sumaguli' kau ra Tuhan i Aki Kapuuno' min am gumagaya' Riso.

2 TIMOTIUS 3:1

Karaan mu gitio! Mokoondo' masuang kapaganan masauk paat ra orou pupus no.

IBRANI 1:1

Paat ra galing i, ingkukula' noyo i Aki Kapuuno' nampasaboi ra bala' ra nansalinut bayaan ra kinamatuaan takali ondo' pinabala' galing ra nabi-nabi.

2 PITRUS 3:3

Kasaa' ti, pakarati' kano ra orou pupus no mokoondo' sumalula' ulun ondo' kuasaan ru guang mansasawa' nilai am mangiis ilo poyo ramuyun.

PINAINTALANG 1:1

Gitio noyo ondo' pinaintalang ri Jisus ra baal ondo' masauk no. Ioginio, tinaakan ri Aki Kapuuno' ralalom inggalan ri Jisus koson mampakito ra ulun pinili' Nano ra atan ondo' saukon Nano kalo boo mabuoi tumalimpuun. Nambala' i Kristus ra baal ragitio ra ulipon Nali i Juanis, pinabala' galing ra sangulun malaikat ondo' sinusub Nano,