DANIL 2:2 - Tanou Moonsoi Timugon

² Ginio ra nampiau raja' ra ngaangai' mangilong, ulun mapandai kaga' ra sihir, babalian, am ulun makakapandayan koson mambala' ra arati' ru inupi nano. Bulintok ra ngaangai' ulun no muma',

DANIL 2:2 ပူးပေါင်းရင်းမြစ်များ

KASAUKAN 41:8

Suabon raginio magalabo guang ru raja' no. Ginio ra piawo' no ngaangai' ulun mapandai kaga' ra sihir am makakapandayan mangilong ru pagun ru Misir no. Tunungo' no risilo inupi nano, kaa' kolondo' sangulun pana risilo makapambala' ra arati' ru inupi ru raja' no.

ESTER 1:13

Mokoondo' raja' ra kaindalaman koson makitaak ra ginuang ru ulun mangapintar intor ra pangkuatan ru undang-undang am kaulayan. Ginio ra piniau ru raja' ulun-ulun maminson riso koson mangkuot ra atan ondo' musiti' baalon ralalom ru baal koson raginio.

KAINGKUALAN 7:11

Kopongo raginio pampiau raja' no ra ulun makakapandayan am ulun mapandai kaga' ra sihir, am ra kapandayan ra sihir, nambaal ilo ra baal nogondo'.

JISAYA 19:3

Ampangin Ku inatangan ru ulun ru Misir am polowoon Ku guang nilono. Makiindangan ilo ra ngaangai' sinungkalalaing nilono, makibilin am makitulu' ilo ra babalian am ambiluo ru ulun namagatoi.

JISAYA 8:19

Kaa' ulun manusub ramuyun makitulu' intor ra ulun mangilong am babalian ondo' konos-konos am kuniam-kuniam. Mindagu ulun, “Sala' ka kia musiti' takau makitulu' intor ra ulun namagatoi koson kaatangan ru ulun lakat poyo maayag?”

DANIL 1:20

Moonong raja' mangkuot ra ondo' pataamon no maawar am karaan toojo, makapandai raja' ra pataamon am guangon ru kaapat ngaulun ungkuyon mamulok no inggopor moonsoi poyo intor ra pataamon am guangon ru ngaangai' ulun mangilong am ulun mapandai kaga' ra sihir giu' ra titikop ru pamarintaan nano.

DANIL 1:4

Ilo musiti' maindon, masawat inigilaan, maligag am masuang napandayan am niayuk kalo najamaran, maa' raginio makapangandoi ilo ra istana ru raja'. Sinusub i Aspinas maa' raginio mangila' risilo mambasa' am manulis ra ragu ru Babilonia.

DANIL 2:10

Kon ru ulun-ulun maminson ra raja', “Kolondo' sangulun pana ra titikop ru tana' ti makapambala' rirun atan ondo' kasagaan muno. Iou pana ra raja' ondo' matulai am maikang kalo igondo' mangitaak ra ulun mangilong, ulun mapandai kaga' ra sihir am ulun makakapandayan mambaal koson raginio.

DANIL 2:27

Taam i Danil, “Kolondo' ulun makakapandayan, ulun mapandai kaga' ra sihir, ulun mangilong am ulun mapandai kaga' ra nujum ondo' makapambaal raginio.

DANIL 3:8

Bulintok raginio noyo kukula' ngaulun Babilonia nangalap ra kaluagan koson maguyum ra kasalaan ru ulun ru Jaudi.

DANIL 4:3

“Mapara' kia gayo ru kaimuagan ondo' pinakito ri Aki Kapuuno'! Mapara' kia' gayo ru kaimuagan ondo' binaal Nano! I Aki Kapuuno' noyo raja' ra sabuoi-buoi no; mamarinta Io ra kolondo' pupus.

DANIL 4:6

Nanusub aku ra ngaangai' ulun maminson giu' ra Babil maa' raginio matong muma' am mambala' ra arati' ru inupi kuno.

DANIL 5:7

Golok raja' nampiau ra ulun mapandai kaga' ra sihir, ulun makakapandayan, am ulun mapandai kaga' ra nujum. Paat ra ilo muma', indagu raja' risilo, “Osoi ayuk makabasa' ra tulisan no am niayuk mambala' ra arati' no aniin ra bayang ru raja', iono sukub matanggilung am sisigot mas tatandu' maayo. Ulun no pasaukon ra panguasa' katalu ralalom ru pamarintaan ti.”

1 SAMUIL 6:2

nampiau ulun ru Palistin ra imam-imam am ulun-ulun mapandai kaga' ra sihir, am pangkuot, “Atan kinua' baalon takau ra Kaban Nabantuan ru Tuhan no? Amon ru pasagulion takau Kaban no ra intok nali, atan kinua' kuliamos ondo' musiti' pabayaan raginio?”