DANIL 2:18 - Tanou Moonsoi Timugon

¹⁸ Nanusub io risilo makiasi' ri Aki Kapuuno' panguasa' giu' ra suruga' maa' raginio makaasi' Io risilo am mampatutun ra ondo' nakasibuni ra inupi no risilo, maa' raginio kalo potoyon ilo mababaya' ra ulun maminson ra bokon giu' ra Babil.

DANIL 2:18 ပူးပေါင်းရင်းမြစ်များ

KASAUKAN 18:28

Kaa' maaru' lair makaapat ngoopor am limo ngaulun ayuk ondo' kolondo' sala am sala' ka limo ngoopor. Pusoon Mu niayuk kia bandar raginio sabap ra limo ngaulun poyo kalo naukop?” Taam Tuhan, “Kalo pusoon Ku bandar no ru mapandayan Ku makaapat ngoopor am limo ngaulun ondo' kolondo' sala.”

MAZMUR 136:26

Paringkuanang no ri Aki Kapuuno' mangunguasa' ra suruga'; togom Nano mantilayun.

MAZMUR 50:15

Piawo' min Aku bulintok ra akau makakapaganan; bayagon Takamin, am omporon min Aku.”

MAZMUR 91:15

Bulintok ra mampiau ilo Raki', tumaam Aku risilo. Bulintok ra ilo makakapaganan, indanganon Ku ilo. Bayagon Ku ilo am urumaton Ku ilo.

JISAYA 37:4

Raja' ru Asyur nanusub ra tingganai masawat kaga' nano koson magasab ri Aki Kapuuno' ondo' naayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' nakaindagu no. Ginio ra pakiasi' kano ri Aki Kapuuno' koson mangindangan ra ulun ondo' lakat poyo naayag.”

JIRIMIA 33:3

“Golok no Raki', am taamon Ku; mambala' Aku rirun ra baal-baal ondo' moonsoi am makaimuag, ondo' kalo poyo napandayan muno.

YEHEZKIEL 36:37

Indagu Tuhan Raja', “Igondo' poyo iowon Ku ulun ru Israil makiindangan Raki', am ruangin Ku suang nilo koson ra sampanon ru domba.

DANIL 2:23

Mongompor aku am mangurumat Rirun, iou i Aki Kapuuno' ru kinamatuaan kuno. Nangani' Kou raki' ra kapintaran am kaikangan; nangiou Kou ra pakiasian kuno, am nangani' ramon ra pataamon ra raja'.”

DANIL 3:17

Amon ru i Aki Kapuuno' ondo' sambaan maino masaga' mamayag ramon intor ra rapuan ondo' bibilak am intor ra kuasa' muno, bayagon No akai.

DANIL 4:26

Susuban ondo' taakin maa' raginio tuor no patatangon giu' ra tana' makaarati' ra okou masauk ra raja' poyo malupus okou mangiou ri Aki Kapuuno' manguasa' ra titikop ru tana'.

JUNUS 1:9

Taam i Junus, “Ulun aku ru Ibrani. Sumamba aku ra Tuhan, i Aki Kapuuno' giu' ra suruga', ondo' nambaal ra raat am lantur.”

MALIAKI 3:18

Ulun Kuno makakito poyo ra pansuayan ru pupus ru ulun moonsoi am pupus ru ulun malaat, ulun ondo' mangandoi ayuk Raki' am ondo' kalo.”

MATIUS 18:12

“Amon ru sangulun mokoondo' maatus ngainan domba am sanginan intor ra maatus ni natatak, atan boo alapon ru tatangan ra domba ti? Sala' ka kia tatangon no siam ngoopor am siam domba no mongkotop ra bulur am ongoi uyumo' sanginan i.

MATIUS 18:19

“Karaa' min niayuk: Amon ru mokoondo' ruo ngaulun intor ramuyun rumondo' guang makiasi' ra atan ayuk, pakiasian nilo ti saukon ru Ama' Kuno giu' ra suruga'.

RINALATAN 12:4

Karakop i Pitrus, pasubolo' io ra lamin pangaputan. Mokoondo' apat ngantayaran saujor sinusub magalung riso am moonong tayar mokoondo' apat ngaulun saujor. Mopongo Pangiantakan ra Paska masaga' i Irodis mamisara' ri Pitrus ra saang ru ulun masuang.

ROMA 15:30

Pabukat kau ngaangai', kitaakon takamin toojo ralalom inggalan ru Tuhan takau i Jisus Kristus am ralalom ru togom tinaakan ru Ambiluo ri Aki Kapuuno', koson mababaya' takau mirot makiasi' ri Aki Kapuuno' ra bala kuno.

2 PITRUS 2:9

Ngaangai' raginio mampakito ra Tuhan noyo makapandai atan koson mamayag ra ulun ondo' mampakatasu' Riso paat ra ilo makatuum ra pangkinaman. Mangaru' Io niayuk ra kalo labusin ulun malaat no maa' raginio ukumin ra Orou Pangakiman ra tauli no;

1 SAMUIL 17:37

Namayag noyo Tuhan no raki' intor ra singa' am baawang; Mamayag Io niayuk raki' intor ra ulun ru Palistin no.” Indagu i Saul, “Iou noyo. Ongoi no, gama' ru Tuhan no mabaya' rirun.”