DANIL 12:7 - Tanou Moonsoi Timugon

⁷ Kakato' ru malaikat no karuo-ruo kalindu' nano ra tampilon ru limbowon, am pagibot ra ralalom inggalan ri Aki Kapuuno' ondo' mantilayun. Nokorongog aku ra io mindagu, “Talu ngambilor am maintanga'! Mopongo pangimbalaan ra ulun ri Aki Kapuuno' pupusin, am kasaukan-kasaukan ondo' makaimuag no pana pupusin.”

DANIL 12:7 ပူးပေါင်းရင်းမြစ်များ

AYUP 27:2

“Ralalom inggalan ri Aki Kapuuno' Ondo' Maayo Kaga' Kuasa', i Aki Kapuuno' ondo' maayag, ondo' marara' mangani' raki' ra katimpakan am ondo' nampakapait ra kaayagan kuno,

JISAYA 62:12

Piawon kau ra “Ulun Ondo' Matulai”, “Ulun Ondo' Binayag ru Tuhan”. Jirusalim sabiton ra “Bandar Ondo' Tinagaman ri Aki Kapuuno'”, “Bandar Ondo' Kalo Iniruanan ri Aki Kapuuno'”.

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

YEHEZKIEL 20:5

Posoboyo' ragu Kuno risilo. Paat ra Aku nampili' ra Israil, nambaal Aku ra nabantuan risilo. Pinabala' Ku inan Kuno risilo giu' ra Misir am nambala' risilo, ‘Aku noyo Tuhan, i Aki Kapuuno' min.’

DANIL 10:5

Tungar aku am nakakito ra sangulun ondo' nambayang ra bayang linon am abot ondo' binaal intor ra mas kopoyo.

DANIL 11:13

“Raja' ru Siria muli' am manirong ra pulalai ru saujor ondo' maayo poyo intor ra kasaa'. Masaboi paat no, sumaguli' io mabaya' ra pulalai ondo' maayo am ondo' naukop ra kinandoi.

DANIL 12:6

Sangulun no nangkuot ra malaikat ondo' minigor giu' ra ralayo ru sungoi, “Kula' kia buoi ru kasaukan-kasaukan ondo' makaimuag no masauk ra kalo poyo pupusin?”

DANIL 12:8

Nokorongog aku ra ragu-ragu nano, kaa' kalo maratian ku. Ginio ra nangkuot aku, “Tuan, kaa' ati kulaan boo ra pupus nano ra tauli no?”

DANIL 4:31

Kaa' kalo poyo nakai' raja' mindagu, korongog bolos mindagu intor ra limbowon, “Raja' Nibukadnijar, rongogo' ragu-ragu ragitio! Raino kakuasaan muno koson ra raja' alapon intor rirun.

DANIL 4:34

Indagu raja', “Pakasail tulu' ngambilor no magilong aku ra limbowon. Pulali' ru pangkaraan kuno nakaliman saguli'. Nongompor aku ri Aki Kapuuno' Ondo' Masawat Kaga' liliwa' mangurumat am mampatulai Riso ondo' naayag ra sabuoi-buoi no. “Mamarinta i Aki Kapuuno' ra sabuoi-buoi no, pamarintaan Nano kolondo' pupus.

DANIL 7:21

Tatanga' ra aku magilong, sangau boborok no nampapatoi ra ulun ri Aki Kapuuno' am nangala risilo.

DANIL 7:25

Manggal io ri Aki Kapuuno' Ondo' Masawat Kaga' am mangimbolo' ra ulun ri Aki Kapuuno'. Mangkinam io mangulau ra ukum am pangiantakan ru ugama nilo am ulun ri Aki Kapuuno' kuasaan no buoi talu ngambilor am maintanga'.

DANIL 8:14

Nokorongog aku ra malaikat ra bokon tumaam, “Baal raginio masauk buoi 1,150 ngoorou, am buoi ru ginio taak simbalui ra susuab ti am taak simbalui ra mamai' ti kalo pataakon. Mopongo raginio Baloi ru Tuhan punaan.”

DANIL 8:24

Masauk io ra maikang kaga', kaa' sala' ka sabap no ra kuasa' nano galama'. Mangkinibit io ra kapusaan ondo' makalalaa', am makasugut ralalom ru pirot baalon nano. Mamuso io ra ulun ondo' maikang kaga', am ulun ri Aki Kapuuno' niayuk.

LUKAS 21:14

Ginio poyo ikango' min guang ra kalo pana magalabo ati kulaan kau tumaam,

LUKAS 21:24

Mokoondo' ulun potoyon ra ilang, am mokoondo' poyo ibiton am uliponon ra ati ayuk pagun ra bokon; am bandar Jirusalim kikinjangin ru bansa' ondo' kalo makaulig ri Aki Kapuuno' saboi paat ra inaru' no risilo maukop.”

SAGULION 26:19

Mapasauk Io ramuyun ra mauligan kaga' poyo intor ra ngaangai' bansa' ra bokon ondo' sinauk Nano, am omporon am urumaton kau. Masauk kau ra ulun Nano, koson ondo' binantu' Nano.”

SAGULION 32:36

Mamayag Tuhan ra ulun Nano paat ra Io makakito risilo kolondo' ikang. Makaasi' Io ra ulipon Nano, paat ra Io nakakito risilo kalo makalulu'.

SAGULION 32:40

Sabap ra Aku galama', i Aki Kapuuno' ondo' naayag, mangakat Aku ra kalindu' am mampator

SAGULION 7:6

Baalo' noyo baal raginio sabap akau longgom ru Tuhan i Aki Kapuuno' min. Intor ra ngaangai' bansa' ra tana' ti, nampili' Io ramuyun masauk ra ulun Nano ondo' tagamin.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

PINAINTALANG 12:14

Kaa' ruandu' no inanian ruo kawo ru kanui maayo, pansiab io boo mongoi ra intok inaru' i riso, giu' ra tana' kaagisan. Alungin io ra giu' no koson minggalur ra kalaatan ru tambuakal no buoi talu ngambilor maintanga'.

PINAINTALANG 12:6

Pagiru' ruandu' no ra tana' kaagisan, ioginio intok ondo' pinatampos noyo ri Aki Kapuuno' no riso. Giu' no alungin ruandu' no buoi 1,260 ngoorou.

PINAINTALANG 13:5

Bibiag masigo no iowon lumimbau am migiangku ra io i Aki Kapuuno'. Iowon io poyo manguasa' apat ngoopor am ruo ngambulan.

PINAINTALANG 4:10

karuo ngoopor am apat ngaulun tingganai no lumaub ra saang ru Io ondo' nanturung ra takhta no am niayuk sumamba Riso ondo' maayag ra mantilayun. Papatiro' nilo boo karaun mas nilono ra saang ru takhta no am indagu,

PINAINTALANG 4:9

Kaapat-apat ilo ondo' maayag ti marimbai ra mangurumat, mongompor am maringkuanang Riso ondo' manturung ra takhta no am ondo' maayag ra mantilayun. Am paat kaapat-apat nilo marimbai,