DANIL 12:6 - Tanou Moonsoi Timugon

⁶ Sangulun no nangkuot ra malaikat ondo' minigor giu' ra ralayo ru sungoi, “Kula' kia buoi ru kasaukan-kasaukan ondo' makaimuag no masauk ra kalo poyo pupusin?”

DANIL 12:6 ပူးပေါင်းရင်းမြစ်များ

MAZMUR 74:9

Nabi-nabi am baal-baal makaimuag kalo boo makito, am kolondo' sangulun pana makapandai sanggilan pupus ru babaal ragitio.

YEHEZKIEL 9:2

Pulusat ru onom ngaulun ungkuyon minatong intor ra tampilon ra liwar ru kulobon garabang Baloi ru Tuhan, am sigagama' nagibit ra kinandoi. Minaya' risilo sangulun ondo' nambayang ra linon am nagibit ra kuliamos koson manulis. Ilo ngaangai' minatong am minigor mamaar ra altar gangsa'.

DANIL 12:5

Kopongo raginio kakito ku ruo ngaulun ungkuyon, ondo' sangulun minigor ra igig ru sungoi tampilon ragiti, am sangulun poyo tampilon ra giu'.

DANIL 12:8

Nokorongog aku ra ragu-ragu nano, kaa' kalo maratian ku. Ginio ra nangkuot aku, “Tuan, kaa' ati kulaan boo ra pupus nano ra tauli no?”

DANIL 8:13

Kopongo raginio nokorongog aku rondo' malaikat nangkuot ra malaikat ra bokon, “Kula' kia buoi ru baal ondo' nakito ralalom pinaintalang no mugar? Kula' kia buoi ru tula maayo malit ra taak simbalui orou-orou no? Kula' kia buoi ru saujor-saujor ru suruga' am Baloi ru Tuhan kikinjangin?”

DANIL 8:16

Nokorongog aku ra bolos intor ra Sungoi Ulai mindagu, “Gabriil, pambala' toojo ra arati' ru pinaintalang no riso.”

MATIUS 24:3

Paat ri Jisus nanturung giu' ra bulur Jaitun, maamaya'-maamaya' Nano simininok pangkuot Riso, “Balai' akai, sanggilan ngaangai' baal ti masauk? Baal ra atan kia masauk no koson manulu' ra nasuku' noyo ratangan Muno am pamupusan ru tana' ti?”

MARKUS 13:4

Indagu ilo ri Jisus, “Balai' akai ra sanggilan ngaangai' raginio masauk? Am tatandu'-tatandu' no ra mapandayan ra mamaar noyo orou ngaangai' raginio masauk.”

IPISUS 3:10

Maa' raginio koson ra raino ti, mansail ra pasimpungan ulun Kristian, mampakito i Aki Kapuuno' ra kapintaran Nano ra mangunguasa' am kaikangan ru limbowon ti.

1 PITRUS 1:12

Pinaintalang noyo ra nabi-nabi ra atan ondo' kinandoi nilai i, sala' ka kaatangan nilo galama' ayuk, kaa' sotopot no akau. Am ondo' pinabala' nilo ragili, mogondo' niayuk ra atan ondo' pinabala' toojo ramuyun ra raino ti ru ilo ondo' mampasaboi ra Tanou Moonsoi intor ri Jisus Kristus. Kandoi nilo ragitio mansail ra kuasa' ru Ambiluo ri Aki Kapuuno' ondo' inataran intor ra suruga'. Am malaikat-malaikat pana mompogogot niayuk toojo mintutun ra baal-baal ragitio.

PINAINTALANG 15:6

Ingkual tulu' malaikat nagibit ra tulu' kapaganan malaat. Binayang nilo konoon linon kopoyo am manguliat am kubab nilono inangkupan ra mas.

PINAINTALANG 19:14

Masuang saujor ru suruga' siminunu' Riso ra nanangkuda ilo ra kuda mapulak am nambayang ra linon kopoyo ondo' mapulak.

PINAINTALANG 6:10

Giminolok ilo ra mapuor, “O Tuhan Maayo Kaga' Kuasa', mapasau am motopot! Kula' poyo buoi no bagu akimin Mu ulun ru tana' ti am mangukum risilo sabap ra namatoi ramon?”