DANIL 12:4 - Tanou Moonsoi Timugon

⁴ Kon ru malaikat no raki', “Raino, okou Danil, puruno' am saapi' ra meterai kitab no, saboi ra orou pupus. Masuang ulun kuminam makarati' ra baal ondo' tatanga' masauk, kaa' pirot nilono kolondo' onong.”

DANIL 12:4 ပူးပေါင်းရင်းမြစ်များ

JISAYA 11:9

Giu' ra Sion, Bulur Matulai ri Aki Kapuuno', kolondo' atan-atan pana malaat kapoam makalalaa'. Tana' ti mapanu' ra ulun ondo' makaulig am mangurumat ra Tuhan koson ra raat nototop ra timug.

JISAYA 29:11

Arati' ru moonong pinaintalang makasibuni intor ramuyun koson buuk pinurun ondo' sinaapan. Amon ibiton min buuk rinulun no ra sangulun mapandai mambasa' am manusub riso mambasa', mindagu io kalo makakau' sabap buuk no sinaapan.

JISAYA 30:26

Bulan no suminda mapaang koson ra mato ru orou, am mato ru orou suminda mapaang intulu' poyo kapaang intor ra paang kaindalaman, koson ra sinda ru mato ru orou tulu' ngoorou buoi pinasinda patimpuluso'. Ngaangai' no masauk paat ra Tuhan mamangkos am mamali' ra pipilat-pipilat ru ulun Nano ondo' pinilatan Nano.

JISAYA 32:3

Mato am talingo nilono masalok maukaban koson magilong ra gogoton ru ulun.

JISAYA 8:16

Akau, maamaya' raki' musiti' no mampauli am magalung ra bilin-bilin ondo' pinataak ri Aki Kapuuno' no raki'.

JIRIMIA 5:1

Mamagun kau ru Jirusalim, ugar kano ra ralan-ralan giu' ra bandar min! Ilai' giu' ra liliut min! Ilai' galama'! Uyumo' giu' ra pasar-pasar! Mokoondo' kau kia nakatuum ra sangulun ondo' mabanis guang am ondo' mirot maa' raginio gumagaya' ri Aki Kapuuno'? Amon ru mokoondo', mangampun Tuhan ra Jirusalim.

DANIL 10:1

Paat ra bilor katalu ra pamarintaan ru Raja' Koris koson ra raja' Pirsia, rondo' tanou ondo' pinasaboi ri Danil ondo' niayuk piawon ri Biltsajar. Tanou raginio motopot kaa' mapagon kaga' maratian. Tanou raginio pinabala' ri Danil ralalom rondo' pinaintalang.

DANIL 10:14

Raino matong aku koson mambaal rirun makarati' ra baal ondo' masauk ra bansa' muno. Pinaintalang no intor ra baal ru orou matong.”

DANIL 11:33

Tingganai ru mamagun ondo' mapintar mangindangan ra masuang ulun mokoowot ra pangaratian, kaa' koson kukula' buoi raino ti kukula' ngaulun risilo matoi giu' ra intok pampatayan kapoam solobon saboi matoi. Mokoondo' poyo takawin am saukon ra ulun rinakop.

DANIL 11:40

“Paat ra maar noyo masaboi pupus ru kakuasaan raja' ru Siria, raja' ru Misir mamulunsar riso. Kaa' raja' ru Siria mambalos ra pamulunsaran no ra ngaangai' ru ikang nano. Raja' ru Siria mamakai ra kurita' kuda, kuda am masuang kapal ru timug. Koson ra rosob, raja' ru Siria mamulunsar ra masuang pagun,

DANIL 12:13

Okou Danil, musiti' gumagaya' saboi ra pupus. Matoi kou, kaa' maayag saguli' koson mangapu ra tangguang muno ra orou pupus.”

DANIL 12:5

Kopongo raginio kakito ku ruo ngaulun ungkuyon, ondo' sangulun minigor ra igig ru sungoi tampilon ragiti, am sangulun poyo tampilon ra giu'.

DANIL 12:9

Taam io, “Okou Danil, musiti' kou mongoi raino, sabap ra ragu-ragu raginio musiti' kalo pabalaan saboi ra orou pupus.

DANIL 8:17

Mininggaar i Gabriil raki' am bigor ra sapapa' kuni. Malaa' aku kaga' saboi liminaub aku. Kon ri Gabriil raki', “Okou ulun mapandai matoi, aratio' noyo arati' nano. Pinaintalang no intor ra orou pupus no.”

DANIL 8:19

Kono poyo, “Mambala' aku rirun ra baal nano ra tauli no koson ra kinibit ru sangit ri Aki Kapuuno'. Pinaintalang no intor ra orou pupus no.

DANIL 8:26

Pinaintalang intor ra taak simbalui ra susuab ti am taak simbalui ra mamai' ti ondo' pinakito rirun no niayuk masauk. Kaa' pai' raguo' ginio ra osoi ayuk, sabap ra lakat poyo mabuoi ra kalo poyo masauk baal raginilo.”

MATIUS 24:14

Tanou Moonsoi ra i Aki Kapuuno' mamarinta posoboyon ra ngaangai' ulun ru tana' ti koson ra sasi' mampaintutun risilo. Mopongo ginio bagu no matong pamupusan ru tana' ti.”

ROMA 10:18

Kaa' mangkuot aku: Motopot kia kalo poyo nokorongog ilo ra tanou no? Maaru' nokorongog ilo noyo! Sabap ra kon ru Buuk Kitab, “Bolos ru sinusub nakaralat noyo ra titikop ru tana' ti, am ragu nilai nakasuku' noyo ra ujok ru mamagun.”

PINAINTALANG 10:4

Pakataam ilo ayuk am tulisin ku, kaa' korongog ku rondo' bolos intor ra limbowon minindagu ra, “Sibunio' noyo atan ondo' rinagu ru tulu' timpalak ni, am pai' tulisi'.”

PINAINTALANG 22:10

Indagu io poyo raki', “Pai' noyo pasibunio' bala' ondo' pinaintalang ralalom kitab ti, sabap ra mamaar noyo orou ngaangai' baal ragitio masauk.

PINAINTALANG 5:1

Kakito ku rondo' naskhah rinulun soroi ra kalindu' pamiris ru Io ondo' nanturung ra takhta no. Sapapa' mansapapa' no natitip ra tinulisan. Naskhah no ginaam ra tulu' segel.