DANIL 12:1 - Tanou Moonsoi Timugon

¹ Malaikat ondo' nambayang ra linon no mindagu, “Paat raginio, malaikat maayo, iono i Maikol manindung ra bansa' muno sumalula'. Bulintok raginio mokoondo' ra kapaganan ondo' maagat kaga' intor ra bansa'-bansa' soroi. Paat raginio, ngaangai' ulun intor ra bansa' muno ondo' inggalan nano tinulisan ra ralalom ru kitab ri Aki Kapuuno' bayagon.

DANIL 12:1 ပူးပေါင်းရင်းမြစ်များ

MAZMUR 56:8

Ukumi' ilo, iou Aki Kapuuno' sabap ra kalaatan nilono, ralalom ru sangit Muno, pusoo' ilo!

MAZMUR 69:28

Patuliso' noyo ngaangai' tula nilono; pai' ilo ampuno'.

JISAYA 4:3

Moonong ulun natatang ra Jirusalim, ioginio ulun ondo' pinili' ri Aki Kapuuno' maa' raginio maayag ilo, am piawon ra matulai.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

JIRIMIA 30:10

Ulun Ku ngai', pai' kalaa'! Ulun kau ru Israil, pai' ponontol! Bayagon Takamin intor ra pagun ondo' maalur, intor ra pagun intok min rinakop ru pantula'. Muli' kau ra pagun min am maayag ra kaansayan. Maayag kau, am kolondo' ulun mampakalalaa' ramuyun.

JIRIMIA 30:7

Orou makalalaa' masaboi, orou ondo' kolondo' pogondo' no. Tayar ru ulun Kuno, ginio noyo orou ondo' mampakalaa' risilo, kaa' bayagon ilo.”

YEHEZKIEL 13:9

Ukumin Takamin, nabi-nabi ondo' nakakito ra pinaintalang ra kalo motopot am niayuk nampasaboi ra ondo' inala' ra mampalayau. Kalo mababaya' kau ra ulun Kuno paat ra ilo mansusunur; inggalan mino kalo tulisin ra ralalom inggalan ru ngaangai' ulun ru Israil, am kalo makauli' kau ra intok mino galama'. Bagu no makapandai kau ra Aku noyo Tuhan Raja'.

YEHEZKIEL 34:24

Aku, Tuhan masauk ri Aki Kapuuno' nilo; am sangulun raja' koson ri Daut, ulipon Kuno masauk ra ulun manguasa' risilo. Aku, Tuhan nakaindagu noyo.

YEHEZKIEL 5:9

Sabap ra ngaangai' binaal muno ondo' kasisangin Kuno, mangukum Aku ra Jirusalim koson ondo' kalo igondo' Kuno baalo' am kalo boo baalon Ku.

DANIL 10:13

Malaikat manindung ra pamarintaan ru Pirsia minanggal raki' buoi ruo ngoopor am rondo' ngoorou. Kopongo raginio, i Maikol, rondo' intor ra tingganai ru malaikat, minatong nangindangan raki', sabap ra pinatatang aku sangulun giu' ra Pirsia.

DANIL 11:45

Raja' ru Siria mambaal ra kim ru raja' ondo' maayo giu' ra lolot ru raat am gunung intok ru Baloi ru Tuhan. Kaa' raja' ru Siria matoi, am kolondo' sangulun pana mangindangan riso.”

DANIL 7:10

am apui tumilis intor ra kurisi' ru raja' Nano. Riribu ulun soroi ra giu' no koson mangandoi ayuk Riso, am jujuta' ulun minigor ra saang Nano. Kopongo raginio makama ru pangakiman manalimpuun ra pamisaraan, am kitab-kitab inukab.

DANIL 9:12

Sinugut Mu noyo ondo' rinagu Muno ramon am panguasa'-panguasa' mai. Nangukum Kou ra Jirusalim moporos poyo intor ra bandar-bandar ra bokon ra tana' ti.

JOIL 2:2

Orou raginio molondom am majuut, orou maitom am makagaun. Saujor ru gapu' no matong koson ra kalandaman ondo' liminibung ra kagunungan. Kalo poyo igondo' nasauk baal koson ragitio, am baal ragitio kalo boo masauk saguli'.

MALIAKI 3:16

Kopongo raginio ulun ondo' malaa' ra Tuhan mindagu ra ilo galama'. Mangkirongog Tuhan am mampaguang ra ragu-ragu nilo. Giu' ra saang ru Tuhan, inggalan ru moonong ulun ondo' mangurumat Riso am malaa' Riso, tulisin ralalom ru rondo' kitab.

MATIUS 24:21

Sabap ra kalaatan ru paat raginio kalo igondo' nasauk intor ra tana' ti biningkal saboi raino am kalo boo masauk saguli'.

MARKUS 13:19

Paat raginio tumalimpuun kaimbalaan ondo' kalo igondo' kasauk ra tana' ti, intor ri Aki Kapuuno' nambaal ra tana' ti saboi raino am kalo boo baalon.

LUKAS 10:20

Kaa' kabalu' pana koson raginio, pai' kau pakaansuk sabap ra riwato-riwato gumagaya' ramuyun, kaa' pakaansuk kano sabap ra inggalan mino tinulisan noyo ra suruga'.”

ROMA 11:15

Paat ra ilo kalo inapu ri Aki Kapuuno' ulun ra bokon ra tana' ti mobonsoi saguli' Riso. Ati kulaan amon ru apuon ilo saguli' ri Aki Kapuuno'? Maaru' ginio koson ra ulun minatoi maayag saguli'!

ROMA 11:26

Koson raginio ngaangai' ulun ru Israil bayagon. Tinulisan noyo ra Buuk kitab; “Intor ra bandar Sion matong Mamamayag no, mangiru' Io ra ngaangai' kalaatan ru papag ri Jakub.

IPISUS 1:21

Giu' no i Kristus manguasa' ra ngaangai' mamarinta, tingganai, mangunguasa', kaikangan am tuan-tuan. Kuasa' Nati maayo kaga' ka atan ayuk soroi ra raino ti kapoam niayuk ra matong no.

PILIPI 4:3

Am okou niayuk Sunsugos, rangan kuno mangandoi, bilin ku rirun ra indangano' noyo ruandu' ragitilo mobonsoi saguli'. Sabap ra ilo ti mapirot toojo nangindangan raki' mampabala' ra Tanou Moonsoi; koson niayuk ra indangano' poyo i Kilimin am ngaangai' ondo' nangandoi nabaya' raki'. Inggalan nilai ti nakatulis noyo ra kitab ru Ulun Mokoowot ra Kaayagan Motopot.

JUDAS 1:9

Kaa' Tingganai ru malaikat, i Maikol galama', kalo noyo igondo' pakakau' nambaal koson raginio. Paat ra io am Tingganai ru riwato no nagaau ra baangkai ri nabi Musa i, kalo noyo nakakau' i Maikol ti nagibot riso ra ragu magasab. Minindagu io ayuk ra, “Tuhan galama' mangukum rirun!”

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

PINAINTALANG 12:7

Mangayou boo giu' ra suruga' no. I Maikol am malaikat-malaikat nano mangayou ra tambuakal no. Tambuakal no inindangan ru malaikat-malaikat nano galama',

PINAINTALANG 13:8

Ngaangai' ulun ondo' mayan ra tana' ti sumamba riso. Kaa' mokoondo' niayuk ondo' kalo sumamba riso, ioginio ilo ondo' inggalan nilono tinulisan noyo ra kitab ru Ulun Mokoowot ra Kaayagan Motopot paat ra tana' ti kalo poyo biningkal. Kitab no ampu' ru Anak Domba ondo' pinatoi ru ulun.

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

PINAINTALANG 20:12

Nakito ku ulun namagatoi, langkaya' am musikin, minigor ra saang ru takhta no. Ukabo' boo kitab-kitab. Rondo' poyo inukab, ioginio kitab ru Ulun Mokoowot ra Kaayagan Motopot. Inukuman boo ulun namagatoi no maya' ra binaal nilono koson natulisan ra kitab.

PINAINTALANG 20:15

Osoi ayuk ondo' inggalan nano kalo tinulisan ra ralalom ru kitab ru Ulun Mokoowot ra Kaayagan Motopot, patirin io ra tasik ru apui.

PINAINTALANG 3:5

“Osoi ayuk mangala ra kuasa' ru kalaatan pambayangon Ku ilo ra mapulak, am kalo luluon Ku inggalan nilono intor ra kitab ru Ulun Mokoowot ra Kaayagan Motopot. Giu' ra saang ri Ama' Kuno am ra malaikat-malaikat Nano, iowon Ku ilo ti maamaya' Kuno.

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.