DANIL 11:45 - Tanou Moonsoi Timugon

⁴⁵ Raja' ru Siria mambaal ra kim ru raja' ondo' maayo giu' ra lolot ru raat am gunung intok ru Baloi ru Tuhan. Kaa' raja' ru Siria matoi, am kolondo' sangulun pana mangindangan riso.”

DANIL 11:45 ပူးပေါင်းရင်းမြစ်များ

MAZMUR 48:2

Matulai toojo Tuhan am omporon giu' ra bandar ri Aki Kapuuno' takau, ra tampak ru bulur Nano ondo' matulai.

JISAYA 10:12

Kaa' mindagu Tuhan, “Amon ru mopongo' atan ondo' baalon Kuno giu' ra Bulur Sion am Jirusalim, ukumin Ku raja' ru Asyur sabap maayo ragu nano am limbau nano.”

JISAYA 11:9

Giu' ra Sion, Bulur Matulai ri Aki Kapuuno', kolondo' atan-atan pana malaat kapoam makalalaa'. Tana' ti mapanu' ra ulun ondo' makaulig am mangurumat ra Tuhan koson ra raat nototop ra timug.

JISAYA 14:13

Gumogot kou magaloi ra limbowon am mapauli ra panturungan muno ra rasawat ru butitin-butitin ondo' masawat kaga'. Pangkaraan muno makaturung kou koson ra raja' ra rasawat ru gunung giu' ra ralayo, intok timungan ru dewa-dewa.

JISAYA 2:2

Bulintok orou ra matong bulur intok ru Baloi ru Tuhan masauk ra bulur ondo' masawat kaga' ra ilo ngai' bulur ra bokon. Ngaangai' bansa' saguguluyur mongoi ra giu',

JISAYA 27:13

Bulintok raginio, bujung samputin koson mampiau mampauli' ra ngaangai' ulun ru Israil ondo' pinatiran giu' ra Asyur am Misir. Matong ilo ra Jirusalim am sumamba ra Tuhan giu' ra rasawat ru bulur Nano ondo' matulai.

JISAYA 65:25

Taani am anak domba masisimpung mangakan, singa' mangakan ra rami koson ra sapi', am kukuo kalo boo makakalalaa'. Giu' ra Sion, bulur Kuno ra matulai, kolondo' boo makalalaa', kapoam malaat.”

JISAYA 66:20

Ibiton nilo ngaangai' ulun ru bansa' mino muli' intor ra pagun-pagun raginio koson ra taak nilo Raki'. Sumakoi ilo ra kuda, baghal, unta, kurita' kuda am pedati mongoi ra bulur Kuno ra matulai giu' ra Jirusalim, koson ra ulun ru Israil magibit ra gandum pinasuang ra rondo' intok mapasau mongoi ra Baloi ru Tuhan koson maringkuanang Raki'.

YEHEZKIEL 39:2

Palimpuongon Ku io, am magibit riso mingkual intor ra intok maalur giu' ra ralayo saboi io ra kagunungan ru Israil.

DANIL 11:16

Pamakuan ru panguasa' ru Siria risilo maya' ra kasagaan ru guang ra kolondo' manggal. Mayan io ra tana' ondo' moonsoi am manguasa' ra ngaangai' no.

DANIL 11:41

am poyo mamulunsar ra tana' ondo' moonsoi am mamatoi ra kaaparan ribu ulun; kaa' pagun ru Idom, Moab am ulun ondo' lakat poyo soroi giu' ra Amon bayagon.

DANIL 11:44

Tanou intor ra sirangon am ralayo pana mambaal boo ra raja' ru Siria magalabo, mamulunsar io ra masaran am niayuk mamatoi ra masuang ulun.

DANIL 2:35

Pulali' ru sinungkalalaing no naaba' am nasauk ra tuntur ru basi', tana' lia', tambaga', pirok am mas ondo' naumok koson ra kaau giu' ra intok mangagik ra gandum bulintok ra malasu'. Angin pana nanampui riso ra kalo nanatang ra atan pana babaya'. Kaa' batu no nasauk ra rondo' gunung ondo' namapak ra titikop ru tana' ti.

DANIL 7:26

Makama pangakiman ru suruga' pana mansusunur am mampagaau boo ra kuasa' nano, am niayuk mamuso raginio saboi malingon kapuso.

DANIL 8:25

Sabap ra ruung nano, makasugut io ralalom ru pamparuungan nano. Lumimbau io ra inan nano, am mamuso ra masuang ulun ra kalo mangani' ra pampakaraan. Io no poyo ondo' baani manggal ra Raja' Ondo' Maayo Kaga'. Kaa' pusoon io ra sala' ka ra kuasa' ru ulun.

DANIL 9:16

Sinaung Mu akai ragili. Ginio ra pai' noyo boo sangit ra Jirusalim. Bandar ti bandar Muno, bulur Muno ondo' matulai. Ngaangai' ulun intor ra pagun-pagun paginggaar nagasab ra Jirusalim am ulun Muno, sabap ra tula mai am kalaatan ondo' binaal ru kinamatuaan mai.

DANIL 9:20

Rinayus ku nakiasi', am nangiou ra tula kuno am niayuk tula ru bansa' kuno Israil. Aku niayuk nakitaak ra Tuhan, i Aki Kapuuno' kuno koson mapatapuli' ra Baloi Nano ondo' matulai.

JOIL 2:20

Painggaluron Ku pulalai ru gapu' ondo' minatong intor ra ralayo. Pagiruon Ku santayaran intor ra pulalai raginio giu' ra tana' kaagisan. Baris ra pagulu ru pulalai no pagiruon saboi malinjob giu' ra Raat Matoi, am baris ra tinaulian malinjob giu' ra Raat Tanga'. Gapu' ondo' minatoi masauk ra mootong. Pusoon Ku pulalai raginio sabap ra ngaangai' binaal nano ramuyun.

MIKA 4:2

am konilo, “Ibok no magaloi takau ra bulur ru Tuhan, mongoi ra Baloi ru Tuhan, i Aki Kapuuno' ru Israil. Mangila' Io ra kasagaan Nano ondo' musiti' baalon takau; maya' takau ra ralan ondo' pinili' Nano, sabap ra pangilaan ru Tuhan i minatong intor ra Jirusalim; intor ra Sion minindagu Io ra ngaangai' ulun Nano.”

JAKARIA 14:8

Paat orou raginio, timug ondo' mangani' ra kaayagan tumilis intor ra Jirusalim; sampiruo intor ra timug no tumilis mongoi ra Raat Matoi, am sampiruo poyo tumilis ayuk buoi ru bilor, bulintok tampio am niayuk bulintok rumasam.

UNTABAN 34:5

Giu' no balitan no lumikou mongoi ra limayak giu' ra balitan ru pagun ru Misir, am mapupusan giu' ra Raat Tanga'.

2 TISALONIKA 2:4

Makimantula' am makiompor io ra ngaangai' ondo' rokoon tuhan kapoam atan ayuk ondo' sambaan ru ulun, saboi sumubol am manturung io ra Baloi Tuhan am migiangku ra io rokoon i Aki Kapuuno'.

2 TISALONIKA 2:8

bagu no Ulun Malaat ti mintalang. Kaa' paat ri Tuhan Jisus matong, potoyon No Ulun Malaat no ra sampuyon no ayuk am pusoon No io ra sinda ru ratangan Nano.

PINAINTALANG 13:10

Osoi ayuk inaru' noyo rokopon, maaru' marakop. Osoi ayuk inaru' potoyon ra ilang, maaru' matoi ra ilang. Ginio sabap ra ulun ri Aki Kapuuno' musiti' tumaan ra kaimbalaan am gumagaya'.”

PINAINTALANG 20:2

Rokopo' no tambuakal no – io ti kukuo intor ra galing i, ioginio Tingganai ru riwato kapoam Iblis – am rantayo' no buoi saribu ngambilor.

PINAINTALANG 20:9

Nakaralat ilo ra titikop ru tana' ti saboi liputin nilo kim ru ulun ri Aki Kapuuno', ioginio bandar ondo' tinagaman Nano. Kaa' timinuun apui intor ra suruga' mangumpo risilo.