DANIL 11:40 - Tanou Moonsoi Timugon

⁴⁰ “Paat ra maar noyo masaboi pupus ru kakuasaan raja' ru Siria, raja' ru Misir mamulunsar riso. Kaa' raja' ru Siria mambalos ra pamulunsaran no ra ngaangai' ru ikang nano. Raja' ru Siria mamakai ra kurita' kuda, kuda am masuang kapal ru timug. Koson ra rosob, raja' ru Siria mamulunsar ra masuang pagun,

DANIL 11:40 ပူးပေါင်းရင်းမြစ်များ

JISAYA 21:1

Gitio noyo tanou ru Tuhan intor ra Babilonia. Koson ra bagiu' mapuor mansail ra tana' kaagisan, koson raginio niayuk ra karaat matong intor ra rondo' pagun ondo' makalalaa'.

JISAYA 5:28

Anak ru panah nilono malarom am tanggayan ru panah makatampos palaguron. Salindu ru kuda nilono mokotog koson ra batu ru apui, am luda' ru kurita' kuda nilono musing koson ra bagiu' mapuor.

JISAYA 66:15

Matong Tuhan mabaya' ra apui. Matong Io sumakoi ra bagiu' koson mangukum ra ulun ondo' sangitin Nano.

JIRIMIA 4:13

Ilai' pantula' matong koson ra gaun. Kurita' kuda nano koson ra bagiu' puting beliung, am kuda nano maribok poyo intor ra susuit kanui. Nalumpa' takau ru karaat! Maluus takau!

YEHEZKIEL 38:4

Saukon Ku io kalo maikang, paatangon kakait ra bungul ru salura nano, am ralaaton io mababaya' ra ngaangai' pulalai nano. Pulalai mangkuda nano ondo' bayang ra sarampun no masuang kaga' ilo. Moonong saujor mokoondo' ra perisai am ilang.

YEHEZKIEL 38:9

I Gog am saujor nano, am niayuk masuang bansa' ondo' namaya' riso mamulunsar koson ra bagiu' mapuor am rasam maawas am mampalibung ra titikop ru pagun no koson ra gaun.”

DANIL 11:10

“Anak-anak ungkuyon ru raja' ru Siria tumampos koson mamulunsar am manirong ra pulalai ru saujor ondo' maayo. Sangulun intor risilo mampajunjung koson ra liur am mamulunsar ra pangampinan ru pantula'.

DANIL 11:11

Raja' ru Misir sumangit kaga', am mamulunsar ra raja' ru Siria am mangala ra pulalai ru saujor nano ondo' maayo no.

DANIL 11:13

“Raja' ru Siria muli' am manirong ra pulalai ru saujor ondo' maayo poyo intor ra kasaa'. Masaboi paat no, sumaguli' io mabaya' ra pulalai ondo' maayo am ondo' naukop ra kinandoi.

DANIL 11:22

Saujor ondo' manggal riso, am poyo Tingganai Maayo Imam pana pusoon am luuson.

DANIL 11:25

“Baani io manirong ra pulalai ru saujor ondo' maayo koson mamulunsar ra raja' ru Misir, ondo' nakatampos tumula' ra pulalai ru pantulaan nano ondo' maayo am maikang. Kaa' raja' ru Misir maruung am kalo makasugut.

DANIL 11:35

Kukula' ngaulun tingganai ondo' mangapintar no potoyon, kaa' kinibit no ulun raginilo masauk ra mapasau. Baal raginio masauk saboi kaampusan ru jam ondo' inaru' ri Aki Kapuuno'.

DANIL 11:39

Mamakai raja' no ra ulun ondo' sumamba ra sinungkalalaing ru bansa' ra bokon koson mamiot ra kubu-kubu nano. Aniin ru raja' ra pangkat maayo ra ulun ondo' mangapu riso koson ra panguasa'. Mangani' raja' no risilo ra intok ondo' masawat am tana' koson ra tangguang.

DANIL 11:7

Kalo mabuoi raginio, sangulun intor ra sasambaloi nano masauk ra raja'. Mamulunsar io ra saujor ru raja' ru Siria, sumubol ra ralalom ru kubu nano am mangala risilo.

DANIL 12:4

Kon ru malaikat no raki', “Raino, okou Danil, puruno' am saapi' ra meterai kitab no, saboi ra orou pupus. Masuang ulun kuminam makarati' ra baal ondo' tatanga' masauk, kaa' pirot nilono kolondo' onong.”

DANIL 12:9

Taam io, “Okou Danil, musiti' kou mongoi raino, sabap ra ragu-ragu raginio musiti' kalo pabalaan saboi ra orou pupus.

DANIL 8:17

Mininggaar i Gabriil raki' am bigor ra sapapa' kuni. Malaa' aku kaga' saboi liminaub aku. Kon ri Gabriil raki', “Okou ulun mapandai matoi, aratio' noyo arati' nano. Pinaintalang no intor ra orou pupus no.”

ABAKUK 3:14

Anak panah Muno nansabut ra panglima saujor nano, paat ra saujor nano matong koson ra bagiu' koson mangkinibit ramon magiru' ra mantutuliar. Maansayan ilo koson ra ulun ondo' simininok mangimbolo' ra ulun musikin.

JAKARIA 9:14

Mintalang Tuhan ra ulun Nano; palabuson no anak panah koson ra ganit. Tuhan Raja' manamput ra tarumpit koson ra tatandu' mapaugar ra pamulunsaran, jumalai Io intor ra rabugus giu' ra tatanga' ru bagiu'.

PINAINTALANG 16:12

Pasasaro' boo ru malaikat koonom no suang ru sangkir nano ra sungoi Iprat ondo' maayo no. Ginio ra sungoi no liminasak saboi nasauk ra intok pansailan ru raja'-raja' ondo' intor ra sirangon no.

PINAINTALANG 9:16

Binalaan aku ra suang ru sampulalai ondo' nanangkuda mokoondo' 200 ngajuta'.