DANIL 11:4 - Tanou Moonsoi Timugon

⁴ Kaa' paat ra rasawat ru kuasa' nano, pamarintaan nano maabak am matayar masauk apat. Raja'-raja' ondo' sala' ka papag nano malit riso koson ra raja', kaa' kalo maikang ilo koson riso.

DANIL 11:4 ပူးပေါင်းရင်းမြစ်များ

MAZMUR 39:6

Mapara' piboo kinariwa' ru umur kuno inaru' Mu! Ra Okou, buoi ru bayag kuno kolondo' onong-onong. Sotopot no kaayagan ru moonong ulun koson ra kaabusan maminawo,

MAMPATANOU 4:8

Mokoondo' ulun ondo' maayag misangulun ra kolondo' anak kapoam pabukat. Kabalu' pana raginio, kalo lumonggo' io mangandoi. Kalo majala' io ra rapu' ondo' linonggom nano. Mangandoi io ri osoi saboi mingkotog mangandoi am mangimpai ra katasuan? Sala' ka kia ginio kolondo' onong, am rondo' baal ru kaayagan ondo' mangiluk?

JIRIMIA 12:15

Kaa' malupus ra Aku mamatir risilo, makaasi' Aku poyo risilo; moonong bansa' ibiton Ku sumaguli' ra pagun nilo galama'.

JIRIMIA 12:17

Kaa' bansa' ondo' marara' gumagaya' Raki', bubulon Ku koson ra tatanom am pusoon Ku. Aku, Tuhan, nakaindagu noyo.”

JIRIMIA 18:7

Amon ru paat ra Aku mamatas koson mamubul, mamparatu', kapoam manutuk ra rondo' bansa' kapoam pamarintaan,

JIRIMIA 31:40

Titikop ru limayak raginio, ondo' pakayon koson ra tana' kalabangan am intok pamatiran ra ginsamol, am ngaangai' umo giu' ra kiing ru Sungoi Kidron saboi ra Kulobon Garabang Kuda mongoi tampilon ra sirangon, patimpokon Raki'. Bandar Jirusalim kalo boo lunsayon kapoam pusoon.”

JIRIMIA 45:4

Kaa' raino Aku, Tuhan, tatanga' mampalunsai ra atan ondo' binaal Kuno; tatanga' Aku mamubul ra atan ondo' tinanom Kuno. Baalon Ku ginio ra titikop ru tana' ti.

JIRIMIA 49:36

Mangkinibit Aku ra angin intor ra ngaangai' intok magangin ra Ilam, am pantutuliaron Ku mamagun nano saboi kolondo' rondo' pagun pana ondo' kalo rinatangan ru ulun nagigiru' intor ra Ilam.

YEHEZKIEL 37:9

Indagu i Aki Kapuuno' raki', “Okou ulun mapandai matoi, indagu ra ragu manala' ra angin. Raguo' ra Tuhan Raja' manusub ra angin maa' raginio matong intor ra moonong intok koson pasampuyon painawo ra ralalom ru inan-inan ti saboi maayag saguli'.”

DANIL 7:2

ondo' nakito ku paat ra rondom raginio: Nagangin ra mapuor intor ra ngaangai' intok am nampalamba' ra ralimbou ru raat.

DANIL 7:6

Tatanga' aku magilong, sanginan poyo bibiag siminalula'. Baal nano koson ra ampunguon, kaa' bakulung nano mokoondo' apat kawo koson ra kawo ru susuit. Bibiag no mokoondo' apat ulu, am ilain makakuasa'.

DANIL 7:8

Liliwa' ra aku magilong ra sangau-sangau no, nakito ku poyo rondo' sangau ondo' boborok siminalula' ra gino ngai' no. Sangau no nanginggi' ra talu sangau ondo' soroi ra giu' no. Sangau boborok no mokoondo' ra mato koson ra mato ru ulun, am kabang ondo' mindagu ra lumimbau.

DANIL 8:22

Apat sangau ondo' minujak nalupus sangau ondo' kasaa' no napandak, arati' no pamarintaan ru Junani matayar ra apat pamarintaan ondo' kalo maikang koson ra pamarintaan ondo' kasaa' no.

DANIL 8:8

Kambing gawayan no giminaai limbau, kaa' pakasaboi kambing gawayan no ra rasawat toojo ru kakuasaan nano, sangau nano napandak. Koson ra palit nano, salula' poyo apat sangau ondo' nakaujak am manulu' ra intok ondo' nansasala'.

JAKARIA 2:6

Indagu Tuhan ra ulun Nano, “Pinantutuliar Takamin noyo giu' ra ngaangai' intok. Kaa' raino, akau ulun pinatiran, pagiru' kano intor ra Babilonia am saguli' kano ra Jirusalim.

JAKARIA 6:5

Taam io, “Gitio noyo apat angin ondo' bagu minatong intor ra saang ru Tuhan ondo' namingkal ra tana' ti am limbowon.”

MATIUS 12:25

Napandayan ri Jisus ra atan pamaguangan nilo Riso, indagu Io boo risilo, “Moonong pagun ondo' natayar-tayar am mantutula' ra ilo galama', maaru' mapuso. Moonong pekan kapoam sambaloi ondo' natayar-tayar am mantutula' ra ilo galama', mantutuliar ilo.

LUKAS 12:20

Kaa' indagu i Aki Kapuuno' riso, ‘Ulun sasambungon! Rondom ra raiti' niayuk patayan muno! Osoi mangalap ra ngaangai' ondo' tinimung muno galama'?’ ”

PINAINTALANG 7:1

Kopongo raginio, kakito ku apat malaikat minigor ra kaapat pisuk ra tana' ti. Ginuut nilo kaapat angin no koson kalo boo mansiob ra lantur, raat kapoam ra puun tataun.