DANIL 11:37 - Tanou Moonsoi Timugon

³⁷ Raja' kalo mampalio ra dewa ondo' sambaan ru kinamatuaan nano, am niayuk dewa ondo' sambaan ru ruandu'-ruandu'. Sotopot no raja' no kalo mampalio ra ngaangai' dewa sabap ra pangkaraan nano io maayo poyo intor ra ngaangai' no.

DANIL 11:37 ပူးပေါင်းရင်းမြစ်များ

2 TISALONIKA 2:4

Makimantula' am makiompor io ra ngaangai' ondo' rokoon tuhan kapoam atan ayuk ondo' sambaan ru ulun, saboi sumubol am manturung io ra Baloi Tuhan am migiangku ra io rokoon i Aki Kapuuno'.

JISAYA 14:13

Gumogot kou magaloi ra limbowon am mapauli ra panturungan muno ra rasawat ru butitin-butitin ondo' masawat kaga'. Pangkaraan muno makaturung kou koson ra raja' ra rasawat ru gunung giu' ra ralayo, intok timungan ru dewa-dewa.

1 TIMOTIUS 4:3

Ilo ti mangila' ra kalo matagandu' am kalo makaakan ra kukula' akanon. Kaa' sotopot no, akanon raginio sinauk ri Aki Kapuuno' koson apuon mabaya' ra paringkuanangan ru ulun ondo' mangintopot am makatutun ra katapatan.

YEHEZKIEL 24:16

“Okou ulun mapandai matoi, pulali' Ku mangalap ra ulun ondo' tagamin muno kaga', kaa' kalo makapanulaboi kou, kapoam mantangi', kapoam mompoloso ra lomou muno rumatu'.

RIMBAI PANGAMPARAN 7:10

Aku longgom ru ambai kuno, malaai io kaga' raki'.

SAGULION 21:11

maaru' ra gino ngai' nilo nakakito kou ra sangulun ruandu' mantalur ondo' kalaayin muno, am moogot mu anduon.

SAGULION 5:21

‘Pai' pangingkaut ra longgom ru ulun bokon: andu' nano, baloi nano, tana' nano, uliponon nano, bibiag tinambiag nano, kaladai nano kapoam atan pana longgom nano.’

KASAUKAN 3:16

Indagu Tuhan i Aki Kapuuno' ra ruandu' no, “Janjain Ku pagon paat okou maapang am niayuk maruol ra okou maganak. Kabalu' pana raginio, okou lakat ayuk poyo makaguang lumampit ra ralaki muno, kaa' kumuku' kou riso.”

KASAUKAN 3:5

Mindagu i Aki Kapuuno' koon raginio sabap nakapandai Io ra amon ru mangakan kau ra kawa' raginio, makapandai kau ra ngaangai' baal; masauk kau koson ri Aki Kapuuno' am makapandai ra atan ayuk ondo' moonsoi am malaat.”

DANIL 8:11

Sangau boborok no baani kaga' manggal ra Panglima ru saujor-saujor ru suruga', nopolonggo' ra taak simbalui orou-orou ondo' pataakon ra Panglima no, am nampajamol ra Baloi ru Tuhan.

DANIL 11:36

“Raja' ru Siria mambaal maya' ra kasagaan ru guang. Nabaya' ra kalimbawan, karaan ru raja' ra maayo io poyo intor ra dewa ru ati pana, am poyo makakuasa' poyo intor ri Aki Kapuuno' Ondo' Masawat Kaga'. Nambaal raja' no raginio saboi ra paat ri Aki Kapuuno' mangukum riso. Baalon ri Aki Kapuuno' totopot koson ra inatangan Nano.

DANIL 11:38

Kaa' sumamba raja' no ra dewa ondo' manindung ra kubu-kubu. Nampataak raja' no ra mas, pirok, intan am taak-taak ra bokon ondo' mologo ra dewa ondo' kalo igondo' sinamba ru kinamatuaan nano.

JISAYA 14:14

Gumogot kou magaloi ra bujuk ra gaun am masauk koson ra Io Ondo' Maayo Kaga' Kuasa'.

YEHEZKIEL 28:2

“Okou ulun mapandai matoi, posoboyo' atan ondo' paraguon Kuno, Tuhan Raja' ra raja' ru Tirus, ‘Malilimbau kou am mangkara' ra inan muno dewa ondo' nanturung giu' ra tatanga' ru raat. Tumilu kou koson ra dewa, ondo' sotopot no ulun kou ayuk ondo' mapandai matoi!