DANIL 11:36 - Tanou Moonsoi Timugon

³⁶ “Raja' ru Siria mambaal maya' ra kasagaan ru guang. Nabaya' ra kalimbawan, karaan ru raja' ra maayo io poyo intor ra dewa ru ati pana, am poyo makakuasa' poyo intor ri Aki Kapuuno' Ondo' Masawat Kaga'. Nambaal raja' no raginio saboi ra paat ri Aki Kapuuno' mangukum riso. Baalon ri Aki Kapuuno' totopot koson ra inatangan Nano.

DANIL 11:36 ပူးပေါင်းရင်းမြစ်များ

MAZMUR 136:2

Paringkuanang no ri Aki Kapuuno' Ondo' Masawat Kaga'; togom Nano mantilayun.

MAZMUR 33:10

Inatangan ru bansa'-bansa' ampangin ru Tuhan; pinuso no atan ondo' gogoton nilono.

AMSAL 19:21

Masuang atangon ru ulun, kaa' kasagaan ru Tuhan ayuk masauk.

JISAYA 10:23

Sotopot no Tuhan Raja' Ondo' Maayo Kaga' Kuasa' mamparatong ra karaat ra titikop ru pagun ti, koson ra rinagu Nali.

JISAYA 10:25

Kalo boo mabuoi lumonggo' Aku mangukum ramuyun, am pusoon Ku ilo.

JISAYA 10:5

Mindagu Tuhan, “Aibui boo ra Asyur! Pamakuan Kuno ra Asyur koson ra tataun pamalamba' mangukum ra ulun ondo' sangitin Kuno.

JISAYA 14:13

Gumogot kou magaloi ra limbowon am mapauli ra panturungan muno ra rasawat ru butitin-butitin ondo' masawat kaga'. Pangkaraan muno makaturung kou koson ra raja' ra rasawat ru gunung giu' ra ralayo, intok timungan ru dewa-dewa.

JISAYA 14:14

Gumogot kou magaloi ra bujuk ra gaun am masauk koson ra Io Ondo' Maayo Kaga' Kuasa'.

JISAYA 26:20

Subol kano ra baloi mino, akau bansa' kuno, am angabi' kulobon. Pansibuni sangkinolor, saboi sangit ru Tuhan luminos.

JISAYA 30:33

Intor poyo ra galing i tinampos noyo apui ra maayo koson monolob ra raja' ru Asyur. Intok no malandom am mapila' am niayuk makasuang ra luton ondo' pariuntur. Tuhan monolob ra luton no mamakai ra angin ru paminawo Nano.

JISAYA 46:10

Intor ra talimpuun pabalaan Ku baal ra orou matong, intor ra galing i maguang Ku atan kasaukan. Ragu Ku: Pamatasan Kuno maaru' masauk, kasagaan Kuno musiti' Ku baalon!

JISAYA 57:9

Mampakai kau ra umau ondo' maamis owou am sumamba ra Dewa Molok. Manusub kau ra ulun mongoi ra pagun-pagun maalur, am niayuk giu' ra pagun ru ulun matoi.

YEHEZKIEL 28:2

“Okou ulun mapandai matoi, posoboyo' atan ondo' paraguon Kuno, Tuhan Raja' ra raja' ru Tirus, ‘Malilimbau kou am mangkara' ra inan muno dewa ondo' nanturung giu' ra tatanga' ru raat. Tumilu kou koson ra dewa, ondo' sotopot no ulun kou ayuk ondo' mapandai matoi!

YEHEZKIEL 35:13

Nokorongog Aku ra ngaangai' pagasaban min Raki'.”

DANIL 11:16

Pamakuan ru panguasa' ru Siria risilo maya' ra kasagaan ru guang ra kolondo' manggal. Mayan io ra tana' ondo' moonsoi am manguasa' ra ngaangai' no.

DANIL 11:3

“Sangulun raja' ondo' maikang sumalula'. Mamarinta io ra rondo' pamarintaan ondo' maayo am mambaal ra kasagaan ru guang nano.

DANIL 11:37

Raja' kalo mampalio ra dewa ondo' sambaan ru kinamatuaan nano, am niayuk dewa ondo' sambaan ru ruandu'-ruandu'. Sotopot no raja' no kalo mampalio ra ngaangai' dewa sabap ra pangkaraan nano io maayo poyo intor ra ngaangai' no.

DANIL 12:7

Kakato' ru malaikat no karuo-ruo kalindu' nano ra tampilon ru limbowon, am pagibot ra ralalom inggalan ri Aki Kapuuno' ondo' mantilayun. Nokorongog aku ra io mindagu, “Talu ngambilor am maintanga'! Mopongo pangimbalaan ra ulun ri Aki Kapuuno' pupusin, am kasaukan-kasaukan ondo' makaimuag no pana pupusin.”

DANIL 2:47

Kon ru raja', “Sotopot no i Aki Kapuuno' muno matulai ra gino ngai' ru dewa; Io no Tuhan ru ngaangai' raja', am nanulu' Io ra ngaangai' ondo' nakasibuni. Nakapandai aku ra baal raginio sabap ra makapambala' kou ra sinail ondo' nakasibuni no.”

DANIL 4:35

Ulun ra tana' ti kolondo' arati' Riso; malaikat giu' ra suruga' am ulun ra tana' ti, ngaangai' ragana' ru kuasa' Nano. Kolondo' osoi pana makaanggal ra kasagaan Nano, kapoam mangkuot ra binaal Nano.

DANIL 5:19

Nasauk io ra maayo kaga' saboi ulun intor ra ngaangai' bansa', bansa' boborok am ragu malaa' am monontol riso. Mamatoi io kapoam mompoloso ra sasangulun maayag sumugut ra kasagaan nano. Painsawaton kapoam paingganaan no osoi ayuk sumugut ra kasagaan nano.

DANIL 5:20

Kaa' sabap ra nasauk io ra malilimbau, bambalingatan am malaat, pinatuun io intor ra kurisi' nanturungan am natatakan ra katulayan nano.

DANIL 7:8

Liliwa' ra aku magilong ra sangau-sangau no, nakito ku poyo rondo' sangau ondo' boborok siminalula' ra gino ngai' no. Sangau no nanginggi' ra talu sangau ondo' soroi ra giu' no. Sangau boborok no mokoondo' ra mato koson ra mato ru ulun, am kabang ondo' mindagu ra lumimbau.

DANIL 8:19

Kono poyo, “Mambala' aku rirun ra baal nano ra tauli no koson ra kinibit ru sangit ri Aki Kapuuno'. Pinaintalang no intor ra orou pupus no.

DANIL 8:4

Nakakito aku ra domba gawayan no nanangau ra tampilon kalasaan, ralayo am rabugus. Kolondo' bibiag ondo' makainga' riso, kapoam makapagiru intor ra kuasa' nano. Domba gawayan no mambaal maya' ra kasagaan ru guang am giminaai lumimbau.

JAKARIA 11:16

Pinangandoi ku sangulun magagalung koson magalung ra domba Kuno, kaa' kalo nampalio io domba ondo' natatak. Kalo naguyum io ra domba ondo' nakalayau, kapoam namabas ra ondo' napilat, kapoam nangani' ra akanon ra domba ondo' lakat poyo naayag. Kaa' inakan no kual ru domba ondo' molomok kaga', am namagus ra salindu ru domba.

JUANIS 5:30

“Kalo makapambaal Aku ra atan ayuk pana maya' ra kuasa' Kuno galama'. Kaa' mangakim Aku ra ulun sumugut ra nambalaan ri Ama' Raki'. Matimpok toojo pangakiman Kutu, sabap ra kalo maguyum Aku ra kasagaan galama', kaa' kasagaan Nali ondo' nanusub Raki' i ayuk.

JUANIS 6:38

Sabap ra Aku ti timinuun intor ra suruga' sala' ka mambaal ra kasagaan Kuno galama', kaa' mambaal ra kasagaan ru Io ondo' nanusub Raki'.

RINALATAN 4:28

Ilo rondo' guang nambaal ra ngaangai' ondo' inaru' Muno kalalair masauk. Inaru' Muno koson raginio maya' ra kuasa' am kasagaan Muno.

SAGULION 10:17

Tuhan i Aki Kapuuno' mino makakuasa' ra ngaangai' tuhan ra bokon am ngaangai' kakuasaan. Matulai am makakuasa' Io, am musiti' gagayaan Io. Kalo magimbas am kalo mangapu ra rasua.

2 TISALONIKA 2:3

Pai' min noyo polosoo' osoi ayuk mamparuung ramuyun ra atan ayuk pana sasaban. Sabap ra kalo poyo masuku' Orou ratangan ru Tuhan Jisus, maaru' gitio galing masauk: Masuang boo ulun tumula' ri Aki Kapuuno' am mintalang boo Ulun Malaat, io ondo' inaru' noyo pasubolon ra naraka.

2 TISALONIKA 2:4

Makimantula' am makiompor io ra ngaangai' ondo' rokoon tuhan kapoam atan ayuk ondo' sambaan ru ulun, saboi sumubol am manturung io ra Baloi Tuhan am migiangku ra io rokoon i Aki Kapuuno'.

2 TISALONIKA 2:8

bagu no Ulun Malaat ti mintalang. Kaa' paat ri Tuhan Jisus matong, potoyon No Ulun Malaat no ra sampuyon no ayuk am pusoon No io ra sinda ru ratangan Nano.

JOSUA 22:22

“Ondo' Maayo Kaga' Kuasa' iono i Aki Kapuuno'! Io noyo Tuhan! Ondo' Maayo Kaga' Kuasa' iono i Aki Kapuuno'! Io noyo Tuhan! Nakapandai Io kua pambaal akai koson raginio am masaga' akai ra akau makapandai niayuk! Amon ru gumuor akai ra Tuhan am kalo mangintopot Riso, potoyo' akai raino niayuk!

PINAINTALANG 10:7

Paat ra malaikat katulu' no manamput ra bujung, pasaukon ri Aki Kapuuno' inatangan ondo' sinibuni Nano, ondo' pinabala' noyo ra galing i ra nabi-nabi, ioginio ulipon-ulipon Nano.”

PINAINTALANG 12:14

Kaa' ruandu' no inanian ruo kawo ru kanui maayo, pansiab io boo mongoi ra intok inaru' i riso, giu' ra tana' kaagisan. Alungin io ra giu' no koson minggalur ra kalaatan ru tambuakal no buoi talu ngambilor maintanga'.

PINAINTALANG 13:1

Kakito ku boo sanginan bibiag masigo siminalula' intor ra ralalom ru raat. Mokoondo' io ra mopor sangau am tulu' ulu. Rorondo' ra sangau no mokoondo' karaun am rorondo' ra ulu no makabatik ra inggalan magulas ri Aki Kapuuno'.

PINAINTALANG 17:17

Sabap ri Aki Kapuuno' nakapangulau noyo ra guang nilono mampaugar ra kasagaan Nano. Pogogondoon ri Aki Kapuuno' guang nilono koson mampataak ra kuasa' nilono ra bibiag masigo no, ondo' mamarinta saboi masauk atan ondo' pinabala' ri Aki Kapuuno' i.

PINAINTALANG 17:3

Ambiluo ri Aki Kapuuno' no boo nanguasa' raki' am ibito' aku ru sangulun malaikat ra intok masiluk. Giu' no makito ku sangulun ruandu' nanturung ra rasawat ru sanginan bibiag masigo malia' ondo' natitip niayuk ra tinulisan ra inggalan magulas ri Aki Kapuuno'. Bibiag masigo no makaulu tulu' am makasangau mopor.