DANIL 11:27 - Tanou Moonsoi Timugon

²⁷ Ruo ngaulun raja' no pana manturung boo am mabaya' mangakan ra rondo' mija', kaa' guangon nilo malaat. Mamparuung ilo ra rondo' am bokon, kaa' kalo makasugut ilo sabap ra kalo poyo nasaboi jam nilo.

DANIL 11:27 ပူးပေါင်းရင်းမြစ်များ

2 SAMUIL 13:26

Kopongo raginio indagu i Absalom, “Amon koon poyo raginio, iowo' pabukat kuno i Amnon maya' ramon.” Indagu raja' no, “Kalo pana maya' io.”

MAZMUR 12:2

Indangano' akai no, iou Tuhan, sabap ra kolondo' boo ulun ra moonsoi; ulun ondo' moonsoi guang kalo boo mauma'.

MAZMUR 52:1

Ra tingganai ru santimungan maririmbai. Sisindiron ri Daut,

MAZMUR 58:2

Akau mangunguasa', natimpok kia namalantasan mino? Paat ra akau mangukum ra ulun, natimpok kia?

MAZMUR 62:9

Akau bansa' kuno, pangintopot kano ri Aki Kapuuno' ra moonong bulintok. Pabalaa' min noyo Riso ngaangai' kapaganan mino, sabap ra Io noyo intok takau sumindung.

MAZMUR 64:6

Mangunsu' ilo ra rangan-rangan koson mambaal ra malaat; mansusunur ilo koson mangatang ra jajaling; indoson nilo kolondo' ulun nakakito.

AMSAL 12:20

Ulun mangatang ra kalaatan napanu' ra ruung; ulun mampaguang ra pangindanganan iono makakaansukan.

AMSAL 19:21

Masuang atangon ru ulun, kaa' kasagaan ru Tuhan ayuk masauk.

AMSAL 26:23

Koson ra paliuk binaal intor ra tana' ondo' linakatan ra pirok, koson raginio noyo ulun maamis kabang kaa' malaat guang.

YEHEZKIEL 17:9

“Aku, Tuhan Raja' pana mangkuot: Puun ru anggur ti biag kia am tumuu'? Kalo kia bubulon bakat no ru susuit kanui ondo' kasaa', mangupu' ra kawa'-kawa' nano, mamandak ra bulisang nano, am polosoon ginio lumonot? Kolondo' pakuan masuang ikang kapoam bansa' ondo' maikang koson mambaal ra baal raginio.

DANIL 10:1

Paat ra bilor katalu ra pamarintaan ru Raja' Koris koson ra raja' Pirsia, rondo' tanou ondo' pinasaboi ri Danil ondo' niayuk piawon ri Biltsajar. Tanou raginio motopot kaa' mapagon kaga' maratian. Tanou raginio pinabala' ri Danil ralalom rondo' pinaintalang.

DANIL 11:28

Raja' ru Siria muli' mabaya' ra ngaangai' kuliamos tinakou nano. Namatas io koson mamuso ra ugama ru ulun ri Aki Kapuuno'. Mambaal io maya' ra kasagaan ru guang nano, am muli' ra pagun nano.

DANIL 11:29

“Kalo mabuoi raginio, raja' ru Siria mamulunsar poyo ra Misir, kaa' ragino ti kinibit nano suai intor ra ondo' kasaa'.

DANIL 11:35

Kukula' ngaulun tingganai ondo' mangapintar no potoyon, kaa' kinibit no ulun raginilo masauk ra mapasau. Baal raginio masauk saboi kaampusan ru jam ondo' inaru' ri Aki Kapuuno'.

DANIL 11:40

“Paat ra maar noyo masaboi pupus ru kakuasaan raja' ru Siria, raja' ru Misir mamulunsar riso. Kaa' raja' ru Siria mambalos ra pamulunsaran no ra ngaangai' ru ikang nano. Raja' ru Siria mamakai ra kurita' kuda, kuda am masuang kapal ru timug. Koson ra rosob, raja' ru Siria mamulunsar ra masuang pagun,

DANIL 8:17

Mininggaar i Gabriil raki' am bigor ra sapapa' kuni. Malaa' aku kaga' saboi liminaub aku. Kon ri Gabriil raki', “Okou ulun mapandai matoi, aratio' noyo arati' nano. Pinaintalang no intor ra orou pupus no.”

DANIL 8:19

Kono poyo, “Mambala' aku rirun ra baal nano ra tauli no koson ra kinibit ru sangit ri Aki Kapuuno'. Pinaintalang no intor ra orou pupus no.

ABAKUK 2:3

Tulisi' tanou no sabap ra kalo poyo nasaboi orou koson masauk. Kaa' orou raginio mataki' matong am atan ondo' pabalaan Kuno rirun maaru' masauk. Kabalu' pana ilain ra orou raginio mabuoi matong, kaa' kulimano' ayuk; baal raginio maaru' masauk am kalo painjulon.

RINALATAN 1:7

Taam i Jisus, “Ama' Kuno galama' mangaru' ra orou am paat nano. Ginio kalo pana makapandai kau, sabap ra baal raginio i Ama' ra kuasa'.

RINALATAN 17:31

Sabap ra inaru' No noyo rondo' orou koson mangukum ra ngaangai' ulun ru tana' ti ra matanda'. Ginio saukon No ralalom ru sangulun ondo' inaru' noyo Riso, am gitio noyo tatandu' no ra ngaangai' ulun; Ulun no binayag saguli' ri Aki Kapuuno' intor ra kapatayan.”

1 TISALONIKA 5:1

Pabukat ku ngai', kalo pana boo manulis akai ramuyun ra sanggilan baal raginio masauk.