DANIL 11:21 - Tanou Moonsoi Timugon

²¹ Rayuso' ru malaikat no nambala', “Raja' ru Siria ondo' sumunu' no iono ulun ondo' malaat. Kalo maaya' masauk ra raja', kaa' matong io ra mamulali' am mampagaau ra kuasa' ra namparuung.

DANIL 11:21 ပူးပေါင်းရင်းမြစ်များ

MAZMUR 12:8

Ulun malaat maalap kajampa' ra ati ayuk pana intok, am moonong ulun mamanggo ra kalaatan. Bayago' akai no, iou Tuhan, sindungi' akai no intor ra ulun koson raginio.

MAZMUR 15:4

ondo' magasab ra ulun ra kalo kasagain ri Aki Kapuuno', kaa' mangurumat ra ulun ondo' gumagaya' ra Tuhan; ondo' magail manugut ra bantu' nilo, kabalu' pana papalo nilo ayuk;

MAZMUR 55:21

Rangan kuno ra galing i mangayou ra rangan-rangan nali; kalo sinugut no bantu' nali.

JISAYA 32:5

Ulun sasambungon kalo boo karaan ra urumaton kaga', am ulun mamparuung kalo raguon ra mabanis guang.

DANIL 11:20

“Palitin io ru sangulun raja' ra bokon. Manusub raja' no ra sangulun pagawai koson mampajajal ra mamagun mambayar ra cukai ra kuayan mamparuang ra kalangkayaan ru pamarintaan nano. Sangkinolor ayuk paat ru raja' no potoyon, kaa' sala' ka makito ru ulun am sala' ka ralalom ru pampatayan.”

DANIL 11:32

Mamparuung raja' am makasugut mangambi' ra guang ru ulun ondo' nangiruan ra ugama no, kaa' ulun maamaya' ri Aki Kapuuno' manggal riso.

DANIL 11:34

Paat ra masauk pamatayan no, ulun ri Aki Kapuuno' mokoowot sanganu indangan, kabalu' pana ulun ondo' maya' risilo no mangkara' ayuk ra kaatangan galama'.

DANIL 11:7

Kalo mabuoi raginio, sangulun intor ra sasambaloi nano masauk ra raja'. Mamulunsar io ra saujor ru raja' ru Siria, sumubol ra ralalom ru kubu nano am mangala risilo.

DANIL 4:17

Ginio noyo kapatasan ru malaikat-malaikat ondo' mapintar am pagilalain. Ginio ra, ulun ra ati ayuk makapandai ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano, am poyo ra ulun ondo' totopot kalo maatang.’

DANIL 7:8

Liliwa' ra aku magilong ra sangau-sangau no, nakito ku poyo rondo' sangau ondo' boborok siminalula' ra gino ngai' no. Sangau no nanginggi' ra talu sangau ondo' soroi ra giu' no. Sangau boborok no mokoondo' ra mato koson ra mato ru ulun, am kabang ondo' mindagu ra lumimbau.

DANIL 8:23

Paat ra karatuan ru kaapat-apat pamarintaan no mamaar noyo saboi musiti' ukumin, am kalaatan ra giu' no liminanja', sumalula' boo sangulun raja' ondo' bambalingatan, malaat am mamparuung.

DANIL 8:25

Sabap ra ruung nano, makasugut io ralalom ru pamparuungan nano. Lumimbau io ra inan nano, am mamuso ra masuang ulun ra kalo mangani' ra pampakaraan. Io no poyo ondo' baani manggal ra Raja' Ondo' Maayo Kaga'. Kaa' pusoon io ra sala' ka ra kuasa' ru ulun.

DANIL 8:9

Rondo' intor ra apat sangau no pulali' nampatuu' rondo' sangau ondo' boborok, am kuasa' ru sangau boborok no liminangka' minongoi ra tampilon rabugus, sirangon am tampilon ra tana' ondo' moonsoi.

NAGUM 1:14

Gitio noyo ondo' inaru' ru Tuhan intor ra Asyur, “Kolondo' ilo ra papag koson mamparayus ra bansa' nilo. Tutukon Ku sinungkalalaing ondo' giu' ralalom ru kuil-kuil ru dewa nilo. Tatanga' Ku baalon kalalair lobong ra tayar ru ulun ru Asyur, kalo maaya' ilo maayag!”

1 SAMUIL 3:13

Nambala' Aku noyo riso ra mangukum Aku ra sasambaloi nano ra mantilayun, sabap ra anak-anak nano nagasab Raki'. Nakapandai i Ili ra binaal nilono, kaa' kalo ininggalaran no ilo.