DANIL 11:15 - Tanou Moonsoi Timugon

¹⁵ Raja' ru Siria pana nagawang ra rondo' bandar ondo' mokoondo' ra kubu am kalaan no. Saujor ru Misir kalo boo mamulunsar, am poyo saujor no ondo' maikang kaga' makayaan ra ikang.

DANIL 11:15 ပူးပေါင်းရင်းမြစ်များ

JIRIMIA 33:4

Aku, Tuhan, i Aki Kapuuno' ru Israil, minindagu ra baloi-baloi giu' ra Jirusalim am istana ru raja' ru Jiuda lunsayon, kinibit ru pagawangan am pamulunsaran ru pantula'.

JIRIMIA 5:10

Mangator Aku ra pantula' koson mampaluyak ra umo ru anggur ru ulun Kuno, kaa' sala' ka koson mamuso ra malingon. Manusub Aku ra pantula' mangindaan ra bulisang ru puun ru anggur, sabap ra bulisang-bulisang no sala' ka Aku tatangan.

JIRIMIA 52:4

Ginio ra Raja' Nibukadnijar nababaya' ra ngaangai' pulalai ru saujor nano namulunsar ra Jirusalim paat ra orou koopor, sila' koopor ralalom bilor kasiam ra pamarintaan ru Raja' Jidikia. Nangkim ilo giu' ra liwar ru Jirusalim am nambaal ra timbok koson magawang ra bandar no.

JIRIMIA 6:6

Tuhan Ondo' Maayo Kaga' Kuasa' nanusub noyo ra raja'-raja' koson mantagar ra puun tataun am mambaal ra timbok koson magawang ra Jirusalim. Indagu Tuhan, “Mangukum Aku ra bandar ti sabap ra masuang kaga' pangimbalaan nasauk ragiti.

YEHEZKIEL 17:17

Saujor ru raja' ru Misir ra maikang pana kalo makapangindangan riso ralalom ru pangayawan paat ra ulun ru Babilonia nambaal ra pumpun ru tana' am nangkali ra parit koson mamatoi ra masuang ulun.

YEHEZKIEL 4:2

Koson boo ra tatandu' ru pagawangan ra bandar no, pambaal ra parit, tana' pinabujuk, pangkiman am tataun-tataun pomopok giu' ra liput ru batu bata no.

DANIL 11:14

Masuang ulun gumuor boo ra raja' ru Misir. Mulu' poyo ra kukula' ngaulun malaat intor ra bansa' muno pana gumuor, okou Danil, sabap ra pinaintalang ondo' nakito nilo, kaa' kalaan ilo.

DANIL 11:6

Kopongo ra kukula' ngambilor, raja' ru Misir mambaal ra nabantuan koson maguum ra raja' ru Siria, am paganduon anak ruandu' nano ra raja' no. Kaa' nabantuan koson maguum no kalo mantilayun. Anak ruandu' no, ralaki nano, anak nano, am ulipon-ulipon ondo' minaya' riso potoyon ngaangai'.

DANIL 8:7

Nakito ku kambing gawayan namulunsar ra domba gawayan ra masangit kaga' saboi nanangau ra karuo-ruo sangau ru domba gawayan no am pinandak no. Domba gawayan no kalo makagula' migampin ra inan, am karatu' boo ra tana' am kikinjangi'. Kolondo' osoi pana makapamayag riso.

JOSUA 1:5

Okou Josua, kolondo' sangulun pana makapangala rirun buoi ra okou maayag. Mabaya' Aku rirun koson Aku nabaya' ri Musa. Magail Aku mabaya' rirun, am kalo toojo mangiruan rirun.