DANIL 10:8 - Tanou Moonsoi Timugon

⁸ Tinatang aku sangulun, am magilong ra pinaintalang ondo' makaimuag no. Kalo boo maikang aku, am bulos kuno mabula' kaga'.

DANIL 10:8 ပူးပေါင်းရင်းမြစ်များ

DANIL 7:28

Ginio noyo tunung ru inupi no. Malaa' aku kaga' saboi bulos kuno mabula' am binulian ku ngaangai' baal raginio ralalom ru guang kuno.

ABAKUK 3:16

Norongog Ku ngaangai' no am monontol aku; bibil kuno monontol sabap ra malaa' aku. Inan kuno malawo kalo maikang, kalayam kuno nakasaru paat ra mugar. Maginaa aku ra guang mororo' paat raginio Okou mangukum ra ulun ondo' mamulunsar ritakau.

DANIL 8:27

Malawo aku am narualan buoi kukula' ngoorou. Kopongo raginio sukal aku am saguli' nambaal ra kandoi ondo' pinataak ru raja'. Magalabo aku mangkara' ra pinaintalang no am kalo makarati' raginio.

PINAINTALANG 1:17

Paat ra nakito ku Io, pakalaub aku ra kalayam Nano koson ra ulun minatoi. Pabantaa' No boo kalindu' ra pamiris Nano raki' am indagu, “Pai' no kalaa'! Aku noyo talimpuun am Aku noyo pupus.

MARKUS 9:6

Minindagu io koson raginio sabap ra kalo nakapandai io atan sotopot raguon nano, sabap ra malaa' i Pitrus am karuo ngaulun rangan nano.

MATIUS 17:6

Paat ra maamaya'-maamaya' Nano nokorongog ra bolos no, nalaa' ilo kaga', saboi nakakubu ilo ra tana'.

2 KORINTUS 12:7

Kaa' maa' raginio kalo minsawat guang kutu sabap ra kinibit ru papakitanan ondo' makaimuag, inanian aku ra rondo' maruol ra inan kutu. Mansail ra maruol ti magail aku imboloon ru Tingganai ru riwato, maa' raginio kalo boo minsawat guang kutu.

DANIL 8:7

Nakito ku kambing gawayan namulunsar ra domba gawayan ra masangit kaga' saboi nanangau ra karuo-ruo sangau ru domba gawayan no am pinandak no. Domba gawayan no kalo makagula' migampin ra inan, am karatu' boo ra tana' am kikinjangi'. Kolondo' osoi pana makapamayag riso.

KASAUKAN 32:31

Paat sumirang mato ru orou, iruani' ri Jakub Piniil no, am isakirai io sabap ra pulunguan ru paa nano natibas.

JUANIS 16:32

Paat no masuku', am sotopot no nasuku' noyo, ra akau pantutuliaron am muli' ra intok min sigagama'. Tatangon min Aku misasangulun. Kabalu' pana koson raginio, kalo misasangulun Aku sabap ra i Ama' mabaya' Raki'.

KAINGKUALAN 3:3

“Makaimuag!” Mangkara' i Musa, “Kua ra bulungkut no kalo mosolob? Moonsoi inggaarin ku.”

DANIL 10:16

Malaikat ondo' baal nano koson ra ulun no pana nampatutui boo ra kalindu' nano am nangambong ra bibil kuno. Indagu aku riso, “Tuan, pinaintalang ti nampalawo kaga' raki', saboi kalo lumonggo'-longgo' aku monontol.

DANIL 10:17

Aku koson ra sangulun ulipon ondo' muma' ra tuan nano. Ati kulaan kia aku makaindagu rirun? Kalo boo maikang aku am ampusan aku.”