DANIL 10:5 - Tanou Moonsoi Timugon

⁵ Tungar aku am nakakito ra sangulun ondo' nambayang ra bayang linon am abot ondo' binaal intor ra mas kopoyo.

DANIL 10:5 ပူးပေါင်းရင်းမြစ်များ

YEHEZKIEL 9:2

Pulusat ru onom ngaulun ungkuyon minatong intor ra tampilon ra liwar ru kulobon garabang Baloi ru Tuhan, am sigagama' nagibit ra kinandoi. Minaya' risilo sangulun ondo' nambayang ra linon am nagibit ra kuliamos koson manulis. Ilo ngaangai' minatong am minigor mamaar ra altar gangsa'.

JIRIMIA 10:9

Sinungkalalaing nilo inangkupan ra pirok intor ra Sipanyol, am inangkupan ra mas intor ra Upas; ngaangai' no binaal ru ulun manukang. Bayang ru sinungkalalaing intor ra konoon matanggilung ra molondom am matanggilung ra mabubula', binaal ru ilo ondo' mapandai toojo mambaal ra konoon.

JOSUA 5:13

Paat i Josua soroi maar ra bandar Jiriko, pulali' io nakakito ra sangulun ungkuyon nampaguut ra ilang, minigor ra saang nano. Inggaar i Josua riso am kuati', “Okou ti saujor mai kia kapoam sangulun pantula'?”

IPISUS 6:14

Ginio ra tampos kano koson sangulun saujor; ragu min ra motopot koson ayuk ra abot mino am guang min ra motopot koson ra bayang basi' mino.

JAKARIA 1:8

nakito ku malaikat ru Tuhan nangura' ra sanginan kuda malia'. Minuog io giu' ra rondo' limayak ru puun-puun kemunting. Giu' ra talikuron nano mokoondo' poyo kukula' ngainan kuda – mokoondo' ondo' malia', mokoondo' ondo' tangkakalut, am mokoondo' ondo' mapulak.

JISAYA 11:5

Parintaan no ulun nano ra matimpok am ralalom kabanisan ru guang.