DANIL 10:19 - Tanou Moonsoi Timugon

¹⁹ Kono, “Motogom i Aki Kapuuno' rirun. Ginio ra pai' kalaa' am pai' pagalabo intor ra atan-atan pana.” Karagu no ginio, giminaai ikang kuno. Indagu aku boo, “Tuan, indagu no. Pinaikang mu aku.”

DANIL 10:19 ပူးပေါင်းရင်းမြစ်များ

MAZMUR 138:3

Taamon Mu aku bulintok ra aku mampiau Rirun; kinaikang Mu aku saboi aku baani.

JISAYA 35:4

Ragui' ilo ondo' malawo guang, “Posoroto' guang muno am pai' kalaa'! I Aki Kapuuno' matong mamayag ramuyun, am mangukum ra pantula'-pantula' mino.”

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 41:14

Tuhan mindagu, “Kabalu' pana akau boborok am lamuoi, akau Israil, pai' kalaa', indanganon Takamin. Aku i Aki Kapuuno' ru Israil, i Aki Kapuuno' ondo' matulai, Aku noyo namayag ramuyun.

DANIL 10:18

Igondo' poyo io nangambong raki' am malimanan ku maikang poyo.

DANIL 9:23

Paat ra okou timinalimpuun nakitaak ri Aki Kapuuno', tinaam No kinitaak muno. Minatong aku nampasaboi ra taaman no sabap ra motogom Io kaga' rirun. Ginio ra rongogo' toojo liliwa' ra aku mambala' toojo ra arati' ru pinaintalang no.

AGAI 2:4

Kaa' pai' sangulun pana malawo guang! Rayuso' min kandoi no, sabap ra mabaya' Aku ramuyun.

JAKARIA 8:13

Akau mamagun ru Jiuda am Israil! Paat ragili, bulintok ru ulun bansa' ra bokon magulas ra rondo' am bokon, mindagu ilo, ‘Gama' ru karaat ondo' nakalumpa' ra Jiuda am Israil makalumpa' niayuk ramuyun!’ Kaa' bayagon Takamin, saboi ulun bansa' ra bokon no mindagu ra ilo po ngai', ‘Gama' ru barakat ondo' pinataak ra Jiuda am Israil pataakin niayuk ramuyun!’ Ginio ra kaikango' guang mino am pai' kalaa'!”

JAKARIA 8:9

Kaikango' guang mino! Raino morongog min ragu-ragu ondo' niayuk rinagu galing ru nabi-nabi paat ra batu maatang pinabanta' koson mambaal saguli' ra Baloi Kuno.

JUANIS 11:3

Magaka' ra ruandu' ti nampasaboi ra bilin ri Jisus ra; “Tuhan, rangan ra tagamin Muno marualan.”

JUANIS 11:36

Indagu ulun-ulun ru Jaudi, “Ilai', mumpara' boo togom Nano ri Lajarus!”

JUANIS 11:5

Motogom toojo i Jisus ri Marta, i Maria am i Lajarus.

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

JUANIS 19:26

Nakito ri Jisus ina' Nano nabaya' ra maamaya' tagamin Nano minigor ra giu' i. Ginio ra indagu Io ra ina' Nano, “Ina', pinakaanak mu ayuk io.”

JUANIS 21:20

Pangkaili i Pitrus am kakito no maamaya' ondo' tagamin ri Jisus i siminunu' risilo. Io noyo ondo' nakainggaar Riso paat ra ilo nagagakan am nangkuot, “Tuhan, osoi kia mampataak Rirun ra pantula' Muno?”

1 KORINTUS 16:13

Pagilalai' am pangintopot kano toojo, baani am mikang kau.

2 KORINTUS 12:9

Kaa' taam Io, “Kataawan Kuno sama' noyo rirun, sabap ra kinaikang ru kuasa' Kuno makaintalang mansail ra kalawaan.” Sabap raginio maansayan aku poyo ra aku malawo, maa' raginio kuasa' ri Kristus sumimpung am magalung raki'.

IPISUS 6:10

Pupus no, kaikang kano ralalom pasimpungan min ra Tuhan ralalom ru kuasa' Nano ondo' maayo kaga'.

2 TIMOTIUS 2:1

Timotius ondo' tagamin kuno, mikang kou toojo ra kataawan ondo' moowot takau sabap ra pasimpungan takau ri Jisus Kristus.

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”

PINAINTALANG 1:17

Paat ra nakito ku Io, pakalaub aku ra kalayam Nano koson ra ulun minatoi. Pabantaa' No boo kalindu' ra pamiris Nano raki' am indagu, “Pai' no kalaa'! Aku noyo talimpuun am Aku noyo pupus.

TINGGANAI RU BANSA' 6:23

Kaa' indagu Tuhan riso, “Pai' kalaa'. Roro' noyo. Kalo matoi kou.”