DANIL 10:16 - Tanou Moonsoi Timugon

¹⁶ Malaikat ondo' baal nano koson ra ulun no pana nampatutui boo ra kalindu' nano am nangambong ra bibil kuno. Indagu aku riso, “Tuan, pinaintalang ti nampalawo kaga' raki', saboi kalo lumonggo'-longgo' aku monontol.

DANIL 10:16 ပူးပေါင်းရင်းမြစ်များ

KAINGKUALAN 4:10

Kaa' indagu i Musa ra Tuhan, “Iou Tuhan, pai' aku susubo'. Aku sala' ka ulun matanda' mindadagu, ragili am iou pana raino, kabalu' pana mindagu Kou noyo raki'. Kalo matanda' ra aku mindagu, malambayut mindagu am kalo masail ku toojo.”

KAINGKUALAN 4:13

Taam i Musa, “Iou Tuhan, makitaak aku susubo' noyo ulun ra bokon.”

MAMPATANOU 1:18

Amon ru gumaai suang ru kapintaran, gumaai suang ru pangalabaan. Amon ru gumaai suang ru katutunan, gumaai suang ru kaimbalaan.

JISAYA 6:7

Baa no pinajalak no ra bibil kuno liliwa' mindagu, “Baa ti nakajalak noyo ra bibil muno. Ginio ra, kasalaan muno linulu' noyo, tula muno pana inampun noyo.”

JIRIMIA 1:9

Kopongo raginio patutuyo' ru Tuhan kalindu' Nano, am paguuto' ra kabang kuni am indagu, “Rongog no, mangani' Aku rirun ra ragu Kutu ondo' musiti' raguon mu.

YEHEZKIEL 1:26

Giu' ra tampak ru bakuran no poyo mokoondo' rondo' ondo' maimpal koson ra kurisi' turungan ondo' binaal intor ra batu nilam. Rondo' ondo' koson ra ulun manturung giu' ra rasawat ru kurisi' turungan no.

YEHEZKIEL 3:27

Paat ra Aku mindagu poyo rirun, am niayuk mangiou rirun mindagu saguli', musiti' kou mambala' risilo ra atan ondo' rinagu Kuno, Tuhan Raja'. Santayaran ulun rumongog, kaa' santayaran poyo kalo, sabap ilo totopot bansa' ra gugumuor.”

YEHEZKIEL 33:22

Paat ra rondom ra io kalo poyo nakaratong, nakaliman aku ra kuasa' ru Tuhan. Paat ra ulun no nakasaboi ra suabon no, nambaal Tuhan raki' makaindagu saguli'.

DANIL 12:8

Nokorongog aku ra ragu-ragu nano, kaa' kalo maratian ku. Ginio ra nangkuot aku, “Tuan, kaa' ati kulaan boo ra pupus nano ra tauli no?”

DANIL 4:19

I Danil, ondo' niayuk ininggalanan ri Biltsajar, nakatigog kaga' koson sangkinolor saboi kalo nakaindagu. Kaa' indagu raja', “Okou Biltsajar, pai' pagalabo sabap ra inupi no am arati' no.” Taam i Biltsajar, “Okou raja' kuno, sotopot no malansan aku ra inupi no am niayuk arati' no intor ra pantula' muno, am sala' ka intor rirun.

DANIL 7:15

Pinaintalang no makalalaa' raki' am magalabo aku kaga'.

DANIL 7:28

Ginio noyo tunung ru inupi no. Malaa' aku kaga' saboi bulos kuno mabula' am binulian ku ngaangai' baal raginio ralalom ru guang kuno.

DANIL 8:15

Tatanga' ra aku mirot koson mangarati' ra arati' ru pinaintalang no, pulusat ru sangulun minigor ra saang kuno.

DANIL 8:17

Mininggaar i Gabriil raki' am bigor ra sapapa' kuni. Malaa' aku kaga' saboi liminaub aku. Kon ri Gabriil raki', “Okou ulun mapandai matoi, aratio' noyo arati' nano. Pinaintalang no intor ra orou pupus no.”

DANIL 8:18

Tatanga' aku mindagu, naratu' aku ra tana' am nalausan. Kaa' ginuut no aku, am nangindangan raki' migor.

DANIL 8:27

Malawo aku am narualan buoi kukula' ngoorou. Kopongo raginio sukal aku am saguli' nambaal ra kandoi ondo' pinataak ru raja'. Magalabo aku mangkara' ra pinaintalang no am kalo makarati' raginio.

DANIL 9:21

Liliwa' aku makiasi', i Gabriil ondo' nakito kuno ralalom ru pinaintalang kuno ondo' ragili, nansiab minongoi raki'. Paat raginio noyo inaru' koson mampataak ra taak simbalui ra mamai' ti.

LUKAS 1:64

Paat ragili niayuk makaindagu boo saguli' i Jakaria am pongompor io ri Aki Kapuuno'.

LUKAS 21:15

sabap ra Aku galama' mangani' ramuyun ra kapintaran tumaam, saboi kolondo' sangulun pana pantula' mino makaanggal kapoam makaansang ramuyun.

JUANIS 20:28

Indagu i Tomas ri Jisus, “Okou no Tuhan kuno am i Aki Kapuuno' kuno.”

JOSUA 5:14

Taam ulun no, “Aku sala' ka saujor min am sala' ka pantula'. Aku ti panglima saujor ru Tuhan.” Kubu samba i Josua am indagu, “Ulipon mu aku. Atan kia susuban muno raki'?”

PINAINTALANG 1:13

Tatanga' no mokoondo' minigor koson ra ulun. Nambayang Io ra sukub maawar polos ra kalayam am kubab Nano inangkupan ra mas.

TINGGANAI RU BANSA' 13:8

I Manoa pana nakiasi' ra Tuhan, “Iou Tuhan, gama' ru manusub kou ra ulipon Muno matong poyo ramon, am mambala' ramon ra atan musiti' baalon mai ra anak no malupus io anakon.”

TINGGANAI RU BANSA' 6:13

Indagu i Gidion riso, “Iowo' noyo aku mangkuot. Amon ru topot Tuhan mabaya' ramon, kua kia ngaangai' ti nasauk ramon? Ati kia ngaangai' baal makaimuag ondo' igondo' binaal ru Tuhan ragili, ondo' tinunung ru kinamatuaan mai intor ra Tuhan napaingkual risilo intor ra Misir? Raino nangiruan Tuhan ramon am nopoloso ramon ra kuasaan ru ulun ru Midian.”

TINGGANAI RU BANSA' 6:15

Taam i Gidion, “Kaa' Tuhan atan lair kulaan aku mamayag ra ulun ru Israil? Bansa' kutu ondo' malawo kaga' ra popolos ru bansa' ru Manasi. Mulu' poyo ra aku noyo ondo' kalo maatang kaga' ra sasambaloi kuno.”