DANIL 10:14 - Tanou Moonsoi Timugon

¹⁴ Raino matong aku koson mambaal rirun makarati' ra baal ondo' masauk ra bansa' muno. Pinaintalang no intor ra baal ru orou matong.”

DANIL 10:14 ပူးပေါင်းရင်းမြစ်များ

KASAUKAN 49:1

Piawo' ri Jakub anak-anak ungkuyon nano am indagu, “Tulibung kano am balain takamin ra atan ondo' masauk ramuyun ra tauli no:

JISAYA 2:2

Bulintok orou ra matong bulur intok ru Baloi ru Tuhan masauk ra bulur ondo' masawat kaga' ra ilo ngai' bulur ra bokon. Ngaangai' bansa' saguguluyur mongoi ra giu',

YEHEZKIEL 12:27

“Okou ulun mapandai matoi, indoson ru ulun ru Israil ra pinaintalang am ragu manala' muno intor ra orou matong ondo' mabuoi poyo.

YEHEZKIEL 38:16

am mamulunsar ra Israil, ulun Kuno, koson ra bagiu' mapuor am rasam maawas lumumpa' ra tana' ti. Paat raginio, manusub Aku rirun koson mamulunsar ra pagun Kuno. Ra binaal Kuno pinabala' galing rirun, makapandai boo bansa'-bansa' ra Aku ti matulai.

DANIL 10:1

Paat ra bilor katalu ra pamarintaan ru Raja' Koris koson ra raja' Pirsia, rondo' tanou ondo' pinasaboi ri Danil ondo' niayuk piawon ri Biltsajar. Tanou raginio motopot kaa' mapagon kaga' maratian. Tanou raginio pinabala' ri Danil ralalom rondo' pinaintalang.

DANIL 12:4

Kon ru malaikat no raki', “Raino, okou Danil, puruno' am saapi' ra meterai kitab no, saboi ra orou pupus. Masuang ulun kuminam makarati' ra baal ondo' tatanga' masauk, kaa' pirot nilono kolondo' onong.”

DANIL 12:9

Taam io, “Okou Danil, musiti' kou mongoi raino, sabap ra ragu-ragu raginio musiti' kalo pabalaan saboi ra orou pupus.

DANIL 2:28

Kaa' i Aki Kapuuno' panguasa' giu' ra suruga', nampatutun ra ngaangai' ondo' nakasibuni; nambala' Io rirun intor ra orou matong. Ginio ra iowo' aku mantunung ra inupi muno, iono pinaintalang ondo' nakito muno paat nombolong.

DANIL 8:16

Nokorongog aku ra bolos intor ra Sungoi Ulai mindagu, “Gabriil, pambala' toojo ra arati' ru pinaintalang no riso.”

DANIL 8:26

Pinaintalang intor ra taak simbalui ra susuab ti am taak simbalui ra mamai' ti ondo' pinakito rirun no niayuk masauk. Kaa' pai' raguo' ginio ra osoi ayuk, sabap ra lakat poyo mabuoi ra kalo poyo masauk baal raginilo.”

DANIL 9:22

Nambala' toojo i Gabriil, “Okou Danil, matong aku koson mangindangan rirun makarati' ra ragu inala' no.

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

MIKA 4:1

Paat ra orou rumatong gunung intok Baloi ru Tuhan masauk ra gunung ondo' masawat kaga', masawat poyo kaga' intor ra gunung-gunung am bulur-bulur. Ngaangai' bansa' guguluyur mongoi ra giu' no,

ABAKUK 2:3

Tulisi' tanou no sabap ra kalo poyo nasaboi orou koson masauk. Kaa' orou raginio mataki' matong am atan ondo' pabalaan Kuno rirun maaru' masauk. Kabalu' pana ilain ra orou raginio mabuoi matong, kaa' kulimano' ayuk; baal raginio maaru' masauk am kalo painjulon.

UNTABAN 24:14

Indagu i Biliam ra Raja' Balak, “Raino masaga' aku muli' ra bansa' kuli. Kaa' ra kalo poyo mugar aku, polosoo' aku no mambala' rirun ra atan ondo' baalon ru ulun ru Israil ra bansa' muno ra orou tauli no.”

SAGULION 31:21

Masuang karaat makalalaa' makalumpa' risilo, kaa' rimbai ragitio magulayun rimbayon am masauk ra sasi' risilo. Mulu' ra raino pana, ra Aku kalo poyo magibit risilo ra tana' ondo' binantu' Kuno, nakapandai Aku noyo ra pangkaraan nilo.”

SAGULION 31:29

Makapandai aku ra malupus aku matoi, lumaat ilo am mangimpai ra atan ondo' nangilaan kuno. Paat ra tauli no malumpa' ilo ra karaat, sabap nangkinibit ilo ra Tuhan sumangit ra mambaal ra atan ondo' inggalarin Nano.”

SAGULION 4:30

Paat ra akau ralalom kapaganan am ngaangai' baal makalalaa' no makalumpa' ramuyun, bagu no sumaguli' kau ra Tuhan i Aki Kapuuno' min am gumagaya' Riso.

2 TIMOTIUS 3:1

Karaan mu gitio! Mokoondo' masuang kapaganan masauk paat ra orou pupus no.

IBRANI 2:3

Ginio ra ati kulaan makapagiru' takau intor ra pangukuman amon ru impayin takau pamayagan maayo no. Sabap ra Tuhan no galama' ondo' kasaa' nampabala' ra pamayagan no, am ulun-ulun ondo' nokorongog kasaa' napaintopot ritakau raginio.